கல்வியும் அதன் அடிப்படைகளும்

நபி ஸல்லல்லாஹு அலைஹி வஸல்லம் கூறியதைத் தாம் செவியுற்றதாக முஆவியா ரளியல்லாஹு அன்ஹு கூறியதாவது : யாருக்கு அல்லாஹ் நன்மையை நாடுகிறானோ அவரை மார்க்கத்தில் விளக்கம் பெற்றவராக ஆக்கிவிடுகின்றான் . நான் விநியோகிப்பவன் தான் . அல்லாஹ்வே வழங்குகிறான் . இந்தச் சமுதாயத்தில் ஒரு சாரார் அல்லாஹ்வுடைய கட்டளையைப் பேணுவதில் நிலைத்தே இருப்பார்கள் . அல்லாஹ்வின் கட்டளை ( மறுமை நாள் ) வரும் வரை அவர்களுக்கு மாறு செய்பவர்களால் எந்தத் தீங்கும் செய்துவிட முடியாது .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவித்துள்ளதாவது : அல்லாஹ் யாருக்கு நன்மையை நாடுகின்றானோ அவரை அவன் மார்க்க அறிவு பெற்றவராக ஆக்குகிறான் .

நபி ஸல்லல்லாஹு அலைஹி வஸல்லம் கூறியதாக ஜாபிர் பின் அப்தில்லாஹ் ரளியல்லாஹு அன்ஹு கூறியதாவது : மக்கள் சுரங்கங்கள் ஆவர் . அறியாமைக் காலத்தில் அவர்களுள் சிறந்தவர்களாயிருந்தவர்கள் இஸ்லாத்தைத் தழுவிவிடும் போதும் சிறந்தவர்களாயிருப்பார்கள் ; அவர்கள் மார்க்க ஞானத்தைப் பெற்றுக் கொண்டால் .

அபூசஈத் அல்குத்ரீ ரளியல்லாஹு அன்ஹு கூறியதாவது : நபி ஸல்லல்லாஹு அலைஹி வஸல்லம் அவர்களின் தோழர்கள் ஒரு சபையில் அமர்ந்தால் அவர்களின் பேச்சு ஃபிக்ஹ் சார்ந்ததாகவே இருக்கும் . எனினும் ஒருவர் ஏதேனும் ஓர் அத்தியாயத்தை ஓதுவார் அல்லது ஓர் அத்தியாயத்தை ஓதச் சொல்லிக் கட்டளையிடுவார் .

நபி ஸல்லல்லாஹு அலைஹி வஸல்லம் கூறியதாக அபூமூஸா ரளியல்லாஹு அன்ஹு அறிவிப்பதாவது : அல்லாஹ் என்னை நேர்வழி மற்றும் ஞானத்துடன் அனுப்பியதற்கு உவமையாவது , நிலத்தில் விழுந்த பெருமழை போன்றதாகும் . அவற்றில் சில நிலங்கள் நீரை ஏற்றுக்கொண்டு ஏராளமான புற்களையும் பசுமையான செடி கொடிகளையும் முளைக்கச் செய்தன . மற்ற சில நிலங்கள் தண்ணீரைத் தேக்கி வைத்துக்கொள்ளும் தரிசு நிலங்களாகும் . அதனை இறைவன் மக்களுக்குப் பயன்படச் செய்தான் . அதனை மக்கள் அருந்தினர் ; ( தமது கால்நடைகளுக்கும் ) புகட்டினர் ; விவசாயமும் செய்தனர் . அந்தப் பெருமழை இன்னொரு வகை நிலத்திலும் விழுந்தது . அது ( ஒன்றுக்கும் உதவாத ) வெறும் கட்டாந்தரை . அது தண்ணீரைத் தேக்கி வைத்துக்கொள்ளவும் இல்லை ; புற்பூண்டுகளை முளைக்கச் செய்யவுமில்லை . இதுதான் அல்லாஹ்வின் மார்க்கத்தில் விளக்கம் பெற்று நான் கொண்டு வந்த தூதினால் பயனடைந்து , கற்றுத் தெரிந்து பிறருக்கும் கற்றுக் கொடுத்தவருக்கும் , நான் கொண்டு வந்த தூதை ஏறிட்டுப் பாராமலும் நான் கொண்டு வந்த அல்லாஹ்வின் நேர்வழியை ஏற்றுக்கொள்ளாமலும் வாழ்கிறவனுக்கும் உவமையாகும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதைத் தாம் செவியுற்றதாக அபுத்தர்தா ரளியல்லாஹு அன்ஹு அறிவிப்பதாவது : திண்ணமாக ஒரு மார்க்க அறிஞருக்காக கடலில் உள்ள மீன்கள் உள்பட வானங்களில் உள்ளவையும் பூமியில் உள்ளவையும் பாவமன்னிப்புத் தேடுகின்றன .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அப்துல்லாஹ் பின் அபீகத்தாதா ரளியல்லாஹு அன்ஹு அறிவிப்பதாவது : ஒரு மனிதரின் மரணத்திற்குப் பிறகு ( அவரைப் பின்தொடர்ந்து ) வரக்கூடிய நன்மைகள் மூன்றாகும் . அவருக்காகப் பிரார்த்தனை செய்யக்கூடிய குழந்தை , நிரந்தரமான தானதர்மம் . அதன் நற்கூலி அவரை அடைந்து கொண்டேயிருக்கும் , அவருக்குப் பிறகு செயல்படுத்தப்படுகின்ற கல்வி ஆகியனவாகும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஉமாமா ரளியல்லாஹு அன்ஹு அறிவிப்பதாவது : யார் ஒருவர் காலையில் , கற்றுக்கொள்ள வேண்டும் அல்லது கற்பிக்க வேண்டும் என்று கருதி மஸ்ஜிதுக்குச் செல்கிறாரோ அவருக்கு முழுமையான ஓர் உம்ரா செய்த நன்மை கிடைக்கும் . யார் ஒருவர் மாலையில் , கற்றுக்கொள்ள வேண்டும் அல்லது கற்பிக்க வேண்டும் என்று கருதி மஸ்ஜிதுக்குச் செல்கிறாரோ அவருக்கு முழுமையான ஹஜ் செய்த நன்மை கிடைக்கும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அனஸ் ரளியல்லாஹு அன்ஹு அறிவிப்பதாவது : இரண்டு பேராசைக்காரர்கள் திருப்தியுறமாட்டார்கள் . கல்வியைத் தேடுவதில் பேராசையுடையவன் ( அதில் ) திருப்தியுற மாட்டான் . உலகத் தேடலில் பேராசையுடையவன் ( அதில் ) திருப்தியுறமாட்டான் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக ஹுதைஃபா ரளியல்லாஹு அன்ஹு அறிவிப்பதாவது : வழிபாட்டின் சிறப்பைவிடக் கல்வியின் சிறப்பு சிறந்தது . உங்களின் தீனுக்குள் சிறந்தது ஒழுக்கம் பேணல் ஆகும் .

நபி ஸல்லல்லாஹு அலைஹி வஸல்லம் கூறியதாக அப்துல்லாஹ் பின் அம்ர் ரளியல்லாஹு அன்ஹு அறிவிப்பதாவது : என்னிடமிருந்து ஒரேயரு ( சிறு ) செய்தி கிடைத்தாலும் சரி , அதை ( ப் பிறருக்கு ) எடுத்துரையுங்கள் . பனூ இஸ்ராயீல்களின் வாயிலாகக் கிடைத்த செய்திகளையும் அறிவியுங்கள் . அதனால் குற்றமில்லை . எவன் என் மீது ( நான் சொன்னதாக ) வேண்டு மென்றே பொய்யுரைக்கின்றானோ அவன் தன் இருப்பிடத்தை நரகத்தில் அமைத்துக் கொள்ளட்டும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதைத் தாம் செவியுற்றதாக ஸைத் பின் ஸாபித் ரளியல்லாஹு அன்ஹு அறிவிப்பதாவது : நம்மிடமிருந்து ஒரு செய்தியைக் கேட்டு அதைப் பாதுகாத்து , பின்னர் அதை ( ப் பிறருக்கு ) எடுத்துரைத்தவனை அல்லாஹ் மகிழ்ச்சிப்படுத்துவானாக ! மார்க்கச் சட்ட அறிவைப் பெற்றிருக்கக்கூடிய எத்தனையோ பேர் அவரைவிட மிகவும் அறிந்தவரிடம் எடுத்துரைக்கிறார் . மார்க்கச் சட்ட அறிவைப் பெற்றிருக்கக்கூடிய எத்தனையோ பேர் மார்க்க அறிஞர் இல்லை .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக முஆவியா அல்குஷைரீ ரளியல்லாஹு அன்ஹு அறிவிப்பதாவது : ( ஹஜ்ஷிலிருந்து விடைபெறும்போது இங்கு ) வந்தவர் வராதவருக்கு எடுத்துரைக்கட்டும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக இப்னு அப்பாஸ் ரளியல்லாஹு அன்ஹு அறிவிப்பதாவது : ( இப்போது என்னிடமிருந்து ) நீங்கள் செவியுறுகின்றீர்கள் ; ( பிற்காலத்தில் ) உங்களிடமிருந்து செவியுறப்படும் ; ( அதன்பின் ) உங்களிடம் கேட்டவர்களிடமிருந்து செவியுறப்படும் . ( இவ்வாறே இது தொடரும் ).

நபி ஸல்லல்லாஹு அலைஹி வஸல்லம் கூறியதாக அலீ ரளியல்லாஹு அன்ஹு அறிவிப்பதாவது : ( நான் சொல்லாததைச் சொன்னதாக ) என் மீது பொய் சொல்லாதீர்கள் . ஏனெனில் , என் மீது பொய்யுரைப்பவன் நிச்சயம் நரகத்தில் நுழைவான் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : என் மீது வேண்டுமென்றே இட்டுக்கட்டிப் பொய் சொல்பவன் தனது இருப்பிடத்தை நரகத்தில் அமைத்துக்கொள்ளட்டும் .

நபி ஸல்லல்லாஹு அலைஹி வஸல்லம் கூறியதாக சமுரா பின் ஜுன்துப் ரளியல்லாஹு அன்ஹு அறிவிப்பதாவது : பொய்யெனத் தெரியும் என்னைப் பற்றிய ஒரு செய்தியை யார் அறிவிக்கிறாரோ அவரும் பொய்யர்கள் இருவருள் ஒருவர் ஆவார் .

நபி ஸல்லல்லாஹு அலைஹி வஸல்லம் கூறியதாக அப்துல்லாஹ் பின் மஸ்ஊத் ரளியல்லாஹு அன்ஹு அறிவிப்பதாவது : இரண்டு விஷயங்களைத் தவிர வேறெதிலும் பொறாமை கொள்ளக் கூடாது . ஒரு மனிதருக்கு அல்லாஹ் வழங்கிய செல்வத்தை அவர் நல்ல வழியில் செலவு செய்தல் ; இன்னொரு மனிதருக்கு அல்லாஹ் அறிவு ஞானத்தை வழங்கி , அதற்கேற்ப அவர் தீர்ப்பு வழங்குபவராகவும் கற்றுக் கொடுப்பவராகவும் இருப்பது ( ஆகியவையே அந்த இரண்டு விஷயங்கள் ).

அப்துல்லாஹ் பின் உமர் ரளியல்லாஹு அன்ஹு அறிவிப்பதாவது : “ மரங்களில் ( இப்படியும் ) ஒருவகை மரம் உண்டு ; அதன் இலை உதிர்வதில்லை . அது முஸ்லிமுக்கு உவமையாகும் . அது என்ன மரம் என்று சொல்லுங்கள் !`` என அல்லாஹ்வின் தூதர் ஸல்லல்லாஹு அலைஹி வஸல்லம் கேட்டார்கள் . நாட்டு மரங்களை நோக்கி மக்களின் கவனம் போயிற்று . அது பேரீச்ச மரம்தான் என்று எனக்குத் தோன்றியது . ( மூத்தவர்கள் மௌனமாய் இருக்கும் அவையில் நான் எப்படிச் சொல்வது என்று ) வெட்கப்பட்டுக்கொண்டு ( அமைதியாக ) இருந்துவிட்டேன் . பிறகு மக்கள் “ அது என்ன மரம் என்று தாங்களே சொல்லுங்கள் , அல்லாஹ்வின் தூதரே ?`` என்று கேட்க , “ அது பேரீச்ச மரம் `` என்று அல்லாஹ்வின் தூதர் ஸல்லல்லாஹு அலைஹி வஸல்லம் கூறினார்கள் . பின்னர் என் தந்தையிடம் என் மனதில் தோன்றிய விஷயத்தை நான் கூறினேன் . அதைக் கேட்ட என் தந்தை “ நீ அதைக் கூறியிருந்தால் இன்னின்னவை எனக்குக் கிடைப்பதைவிட அது எனக்கு மிகவும் விருப்பமானதாக இருந்திருக்கும் `` என்றார்கள் .

அபூவாக்கித் ( அல்ஹாரிஸ் பின் மாலிக் ) அல்லைஸீ ரளியல்லாஹு அன்ஹு அறிவிப்பதாவது : அல்லாஹ்வின் தூதர் ஸல்லல்லாஹு அலைஹி வஸல்லம் மக்களுடன் ( மஸ்ஜிதுந்நபவீ ) பள்ளிவாசலில் அமர்ந்து கொண்டிருந்தபோது மூன்றுபேர் வந்து கொண்டிருந்தனர் . அவர்களுள் இருவர் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களை முன்னோக்கி வந்தனர் . மற்றொருவர் ( அலட்சியப்படுத்திவிட்டுச் ) சென்றுவிட்டார் . ( பள்ளிக்குள் வந்த ) அவ்விருவரும் அல்லாஹ்வின் தூதர் ஸல்லல்லாஹு அலைஹி வஸல்லம் ( வீற்றிருந்த அவை ) முன்னால் வந்து நின்றார்கள் . அவ்விருவருள் ஒருவர் வட்டமான அந்த அவையில் ஓர் இடைவெளியைக் கண்டபோது அதில் அமர்ந்துகொண்டார் . மற்றவரோ அவையினருக்குப் பின்னால் அமர்ந்து கொண்டார் . அல்லாஹ்வின் தூதர் ஸல்லல்லாஹு அலைஹி வஸல்லம் ( தமது பேச்சை ) முடித்ததும் கூறினார்கள் : இம்மூன்று பேர்களைப் பற்றி உங்களுக்குச் சொல்லட்டுமா ? அவர்களுள் ஒருவர் அல்லாஹ்வின் ( அருளின் ) பக்கம் ஒதுங்கினார் . அல்லாஹ்வும் அவரை அரவணைத்துக் கொண்டான் . மற்றவரோ வெட்கப்பட்டு ( க்கொண்டு கடைசியில் உட்கார்ந்து ) விட்டார் . எனவே அல்லாஹ்வும் வெட்கப்பட்டுக்கொண்டான் . மூன்றாமவரோ அலட்சியப்படுத்திச் சென்றுவிட்டார் . எனவே அல்லாஹ்வும் அவரை அலட்சியப்படுத்திவிட்டான் .

இப்னு அபீமுலைக்கா ( அப்தில்லாஹ் பின் உபைதில்லாஹ்-ரஹிமஹுல்லாஹ் ) கூறியதாவது : நபி ஸல்லல்லாஹு அலைஹி வஸல்லம் அவர்களின் துணைவியார் ஆயிஷா ரளியல்லாஹு அன்ஹா தமக்குப் புரியாத ஒரு செய்தியைச் செவியுற்றால் அதனை அவர்கள் நன்கு புரிந்துகொள்ளும் வரை ( அதையொட்டி ) மீண்டும் மீண்டும் கேள்வி கேட்டுத் தெரிந்துகொள்வார்கள் . ( ஒருமுறை ) நபி ஸல்லல்லாஹு அலைஹி வஸல்லம் அவர்கள் , “ எவர் ( மறுமை நாளில் துருவித் துருவி ) விசாரிக்கப்படுவாரோ அவர் வேதனை செய்யப்படுவார் `` என்று கூறினார்கள் . ஆயிஷா ரளியல்லாஹு அன்ஹா , “ அல்லாஹ் ( குர்ஆனில் ) " வலக்கரத்தில் தமது வினைச்சுவடி வழங்கப்பட்டவரிடம் எளிய முறையில் கணக்கு வாங்கப்படும் ` (84:8) என்றல்லவா கூறுகின்றான் ?`` என்று கேட்டார்கள் . நபி ஸல்லல்லாஹு அலைஹி வஸல்லம் , “ இது ( கேள்வி கணக்குத் தொடர்பானது அன்று : மாறாக , மனிதர்களின் நன்மை தீமைகளின் பட்டியல் அவர்களுக்குமுன் ) சமர்ப்பிக்கப்படுவதுதான் . துருவித் துருவி விசாரிக்கப்படுபவர் அழிந்தே போய்விடுவார் `` என்று கூறினார்கள் .

அனஸ் பின் மாலிக் ரளியல்லாஹு அன்ஹு கூறியதாவது : நபி ஸல்லல்லாஹு அலைஹி வஸல்லம் அவர்களுடன் நாங்கள் ( மஸ்ஜிதுந் நபவீ ) பள்ளிவாசலில் அமர்ந்திருந்தபோது ஒட்டகத்தில் ஒரு மனிதர் வந்து பள்ளி ( யின் வளாகத்தி ) ல் ஒட்டகத்தைப் படுக்கவைத்து அத ( ன் முன்னங்காலி ) னை மடக்கிக்கட்டினார் . பிறகு மக்களிடம் “ உங்களுள் முஹம்மது அவர்கள் யார் ?” என்று கேட்டார் . - அப்போது நபி ஸல்லல்லாஹு அலைஹி வஸல்லம் மக்களிடையே சாய்ந்து அமர்ந்திருந்தார்கள் .- “ இதோ சாய்ந்து அமர்ந்திருக்கும் இந்த வெள்ளைநிற மனிதர்தாம் ” என்று நாங்கள் சொன்னோம் . உடனே அம்மனிதர் நபி ஸல்லல்லாஹு அலைஹி வஸல்லம் அவர்களை “ அப்துல் முத்தலிபின் ( மகனின் ) புதல்வரே !” என்றழைத்தார் . அதற்கு நபியவர்கள் “ என்ன விஷயம் ?`` என்று கேட்டார்கள் . அப்போது அம்மனிதர் நபி ஸல்லல்லாஹு அலைஹி வஸல்லம் அவர்களிடம் “ நான் உங்களிடம் சில கேள்விகள் கேட்கப் போகிறேன் . சில கடினமான கேள்விகளையும் நான் கேட்கப் போகிறேன் . அதற்கு நீங்கள் என் மீது கோபப்பட்டுவிடக் கூடாது `` என்றார் . அதற்கு நபி ஸல்லல்லாஹு அலைஹி வஸல்லம் “ உம் மனதில் பட்டதைக் கேளும் !`` என்றார்கள் . உடனே அம்மனிதர் “ உம்முடைய , உம் முன்னோருடைய இரட்சகன்மீது ஆணையாகக் கேட்கிறேன் ; அல்லாஹ்தான் உம்மை மனித இனம் முழுவதற்கும் தூதராக அனுப்பினானா ?” என்றார் . அதற்கு நபி ஸல்லல்லாஹு அலைஹி வஸல்லம் “ ஆம் , அல்லாஹ் சாட்சியாக !`` என்றார்கள் . அடுத்து அவர் “ அல்லாஹ்வின் பொருட்டால் உம்மிடம் நான் கேட்கிறேன் ; அல்லாஹ்தான் இரவிலும் பகலிலுமாக ( நாளன்றுக்கு ) ஐவேளைத் தொழுகைகளைத் தொழுது வரவேண்டுமென்று உமக்கு ( ம் மக்களுக்கும் ) கட்டளையிட்டிருக்கின்றானா ?`` என்று கேட்டார் . அதற்கும் நபி ஸல்லல்லாஹு அலைஹி வஸல்லம் “ ஆம் , அல்லாஹ் சாட்சியாக `` என்றார்கள் . அவர் “ அல்லாஹ்வின் பொருட்டால் உம்மிடம் நான் கேட்கிறேன் ; அல்லாஹ்தான் ஒவ்வோர் ஆண்டிலும் ( குறிப்பிட்ட ) இந்த மாதத்தில் நோன்பு நோற்க வேண்டும் என்று உமக்குக் கட்டளையிட்டிருக்கிறானா ?`` என்று கேட்டார் . அதற்கு நபி ஸல்லல்லாஹு அலைஹி வஸல்லம் “ ஆம் , அல்லாஹ் சாட்சியாக !” என்றார்கள் . அவர் , “ அல்லாஹ்வின் பொருட்டால் உம்மிடம் நான் கேட்கிறேன் : அல்லாஹ்தான் எங்கள் செல்வர்களிடமிருந்து இந்த ( ஸகாத் எனும் ) தர்மத்தைப் பெற்று எங்கள் வறியோரிடையே விநியோகிக்குமாறு உமக்குக் கட்டளையிட்டிருக்கின்றானா ?`` என்று கேட்டார் . அதற்கு நபி ஸல்லல்லாஹு அலைஹி வஸல்லம் , “ ஆம் , அல்லாஹ் சாட்சியாக !` என்றார்கள் . ( இவற்றைக் கேட்டுவிட்டு ) அம்மனிதர் “ நீங்கள் ( இறைவனிடமிருந்து ) கொண்டு வந்தவற்றை நான் நம்பி ஏற்கின்றேன் `` என்று கூறிவிட்டு “ நான் , எனது கூட்டத்தார்களில் இங்கு வராமல் இருப்பவர்களின் தூதுவனாவேன் ; நான்தான் பனூ சஅத் பின் பக்ர் குலத்தாரின் சகோதரன் ளிமாம் பின் ஸஅலபா `` என்றும் கூறினார் .

நபி ஸல்லல்லாஹு அலைஹி வஸல்லம் கூறியதாக சஅத் பின் அபீவக்காஸ் ரளியல்லாஹு அன்ஹு கூறியதாவது : எவர் தடை விதிக்கப்படாத ஒன்றைப் பற்றிக் கேள்வி கேட்டு , அவர் கேள்வி கேட்ட காரணத்தாலேயே அது தடை செய்யப்பட்டு விடுமானால் அவர்தாம் முஸ்லிம்களிலேயே பெருங்குற்றம் புரிந்தவர் ஆவார் .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு கூறியதாவது : நான் எதை ( செய்யுங்கள் என்றோ , செய்ய வேண்டாமென்றோ ஒன்றும் கூறாமல் ) உங்களு ( டைய முடிவு ) க்கு விட்டுவிட்டேனோ அதை ( ப் பற்றி எதுவும் கேட்காமல் ) நீங்களும் விட்டுவிடுங்கள் . உங்களுக்குமுன் வாழ்ந்தவர்களை அழித்ததெல்லாம் அவர்கள் தங்கள் இறைத்தூதர்களிடம் ( அதிகமாகக் ) கேள்வி கேட்டதும் அவர்களுடன் கருத்து வேறுபாடு கொண்டதும்தான் . ஒன்றைச் செய்ய வேண்டாமென உங்களுக்கு நான் தடை விதித்தால் அதிலிருந்து நீங்கள் தவிர்ந்து கொள்ளுங்கள் . ஒன்றைச் செய்யுமாறு உங்களுக்கு நான் கட்டளையிட்டால் அதை உங்களால் இயன்ற அளவிற்குச் செய்யுங்கள் .

அபூமூஸா ரளியல்லாஹு அன்ஹு கூறியதாவது : நபி ஸல்லல்லாஹு அலைஹி வஸல்லம் அவர்களிடம் அவர்களுக்குப் பிடிக்காத பல விஷயங்கள் பற்றிக் கேட்கப்பட்டது . அவர்களிடம் ( இது போன்ற ) கேள்விகள் அதிகமாகக் கேட்கப்பட்டபோது ( அதைக் கேட்டு ) கோபப்பட்டார்கள் . பின்னர் மக்களிடம் “ நீங்கள் நாடிய எதைப் பற்றி வேண்டுமானாலும் என்னிடம் கேளுங்கள் !`` என்று கூறினார்கள் . அப்போது ஒரு மனிதர் , “ என் தந்தை யார் ?`` என்று கேட்டார் . நபி ஸல்லல்லாஹு அலைஹி வஸல்லம் “ ஹுதாஃபாதான் உன் தந்தை `` என்று பதிலளித்தார்கள் . உடனே மற்றொருவர் எழுந்து “ என் தந்தை யார் , அல்லாஹ்வின் தூதரே ?” என்று கேட்க , “ உமது தந்தை ஷைபா என்பவரிடம் அடிமையாயிருந்த " சாலிம்`தான் `` என்றார்கள் . ( இம்மாதிரியான கேள்விகளால் ) நபி ஸல்லல்லாஹு அலைஹி வஸல்லம் அவர்களின் முகத்தில் தென்பட்ட ( கோபத் ) தைக் கண்ட உமர் ரளியல்லாஹு அன்ஹு , “ அல்லாஹ்வின் தூதரே ! நாங்கள் மெய்யாகவே வல்லமையும் மாண்பும் மிக்க அல்லாஹ்விடம் பாவமன்னிப்புக் கோருகிறோம் `` என்றார்கள் .

அபூஹுரைரா ரளியல்லாஹு அன்ஹு கூறியதாவது : “ உங்களுக்குமுன் வாழ்ந்தவர்கள் அழிந்ததெல்லாம் அவர்கள் அதிகமாகக் கேள்வி கேட்டு , தங்கள் இறைத்தூதர்களிடம் கருத்து வேறுபாடு கொண்டதன் காரணமாகத்தான் . நான் எதை உங்களுக்கு அறிவிக்கின்றேனோ அதைத் தவிர வேறு எதைப் பற்றியும் என்னிடம் நீங்கள் கேட்காதீர்கள் ” என்று அல்லாஹ்வின் தூதர் ஸல்லல்லாஹு அலைஹி வஸல்லம் கூறினார்கள் . அப்போது அப்துல்லாஹ் பின் ஹுதாஃபா , “ அல்லாஹ்வின் தூதரே ! என் தந்தை யார் ?`` என்று கேட்டார் . நபி ஸல்லல்லாஹு அலைஹி வஸல்லம் “‘ ஹுதாஃபா பின் கைஸ்’தான் உன் தந்தை `` என்று பதிலளித்தார்கள் . அதைக் கேட்டபின் அவர் தம் தாயிடம் சென்றார் . ( தாம் கேட்ட கேள்வியையும் அதற்கான பதிலையும் அவரிடம் சொன்னார் .) அதைக் கேட்ட அவர்தம் தாய் , “ உனக்கு வந்த கேடே ! நீ செய்த செயலைச் செய்யத் தூண்டியது எது ? நாம் அறியாமைக் காலத்தில் அசிங்கமான செயல்களைச் செய்பவர்களாகவா இருந்து வந்தோம் ?” என்று வினவினார் . அதற்கு அவர் , “ என் தந்தை மக்களுள் எத்தகையவராக இருந்தார் என்று தெரிந்து கொள்ளவே நான் விரும்பினேன் ( அதுவன்றி எந்தக் கெட்ட நோக்கமும் இல்லை )” என்று பதிலளித்தார் .

அபூவாயில் ஷகீக் பின் சலமா ரஹிமஹுல்லாஹ் கூறியதாவது : அப்துல்லாஹ் பின் மஸ்ஊத் ரளியல்லாஹு அன்ஹு , ஒவ்வொரு வியாழக்கிழமை அன்றும் மக்களுக்கு அறிவுரை கூறும் வழக்கம் உடையவர்களாய் இருந்தார்கள் . ( ஒரு நாள் ) அவர்களிடம் ஒரு மனிதர் வந்து “ அபூ அப்திர் ரஹ்மான் ! தாங்கள் நாள்தோறும் எங்களுக்கு அறிவுரை கூற வேண்டும் என நான் பெரிதும் விரும்புகிறேன் ” என்றார் . அதற்கு அப்துல்லாஹ் பின் மஸ்ஊத் ரளியல்லாஹு அன்ஹு , “ உங்களைச் சலிப்படையச் செய்துவிடுவேனோ என்று அஞ்சுவதுதான் இதைச் செய்யவிடாமல் என்னைத் தடுக்கிறது . நான் உங்களுக்குச் சந்தர்ப்பச் சூழ்நிலைகளைக் கவனித்து அறிவுரை கூறுகிறேன் . இவ்வாறுதான் நபி ஸல்லல்லாஹு அலைஹி வஸல்லம் நாங்கள் சலிப்படைவதை அஞ்சி எங்களுக்கு அறிவுரை கூறிவந்தார்கள் `` என்றார்கள் .

இப்னு அப்பாஸ் ரளியல்லாஹு அன்ஹு கூறியதாவது : வாரத்தில் ஒரு முறை மக்களுக்கு உரை நிகழ்த்துங்கள் . ( அது போதாது எனக் கருதி ) அதற்கு நீங்கள் மறுத்தால் ( வாரத்தில் ) இரண்டு முறை உரை நிகழ்த்துங்கள் . அதைவிட அதிகமாகப்போனால் மூன்று முறை உரை நிகழ்த்துங்கள் . ( அதைவிட அதிகமாகப்போய் ) இந்தக் குர்ஆன் மீது மக்களுக்குச் சடைவை ஏற்படுத்திவிடாதீர்கள் . மக்கள் எதையோ பேசிக்கொண்டிருக்கும்போது நீங்கள் அவர்களிடம் சென்று உரையாற்ற , அதையடுத்து அவர்களின் பேச்சு தடைபட்டுவிட , அதனால் அவர்களை நீங்கள் சோர்வடையச் செய்கின்ற நிலையில் உங்களை நான் காணக் கூடாது . மாறாக , நீங்கள் ( அப்போது ) மௌனமாக இருங்கள் . அவர்களாக விரும்பி உங்களைக் கேட்டுக்கொண்டால் அவர்கள் மத்தியில் உரையாற்றுங்கள் . எதுகை மோனையுடன் பிரார்த்தனை செய்வதைக் கவனமாக இருந்து தவிர்த்து விடுங்கள் . ஏனெனில் , அல்லாஹ்வின் தூதர் ஸல்லல்லாஹு அலைஹி வஸல்லம் அவர்களும் நபித்தோழர்களும் இவ்வாறு செய்வதிலிருந்து தவிர்ந்திருக்கவே நான் கண்டுள்ளேன் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறினார்கள் : நீர் வேதமுடையவர்களிடம் செல்கிறீர் . அவர்களிடம் சென்றடைந்துவிட்டால் , அல்லாஹ்வைத் தவிர வேறு இறைவனில்லை ; முஹம்மத் அல்லாஹ்வின் தூதராவார் என்று ( ஏகத்துவத்திற்கு ) சாட்சியம் சொல்லும்படி அவர்களை அழைப்பீராக ! இதற்கு அவர்கள் ( இசைந்து ) உமக்குக் கட்டுப்பட்டுவிட்டால் , " அல்லாஹ் தினமும் ஐவேளை தொழுவதைக் கடமையாக்கியுள்ளான் ` என்பதை அவர்களுக்கு அறிவிப்பீராக ! அவர்கள் இதற்கும் ( இசைந்து ) உமக்குக் கட்டுப்பட்டுவிட்டால் " நிச்சயமாக அல்லாஹ் அவர்களில் செல்வர்களிடமிருந்து வசூலிக்கப்பட்டு அவர்களில் ஏழைகளுக்குக் கொடுக்கப்படுகின்ற ஸகாத்தைக் கடமையாக்கியுள்ளான் ` என அவர்களுக்கு அறிவிப்பீராக ! அவர்கள் இதற்கும் ( இசைந்து ) உமக்குக் கட்டுப்பட்டால் அவர்களின் பொருட்களில் சிறந்தவற்றை வசூலிப்பது குறித்து உம்மை எச்சரிக்கிறேன் . அநீதி இழைக்கப்பட்டவனின் பிரார்த்தனைக்குப் பயந்துகொள்வீர் ! ஏனெனில் அவனுக்கும் இறைவனுக்கும் இடையே எந்தத் திரையுமில்லை . இதை முஆத் பின் ஜபல் ரளியல்லாஹு அன்ஹு அவர்களை யமனுக்கு ஆளுநராக அனுப்பியபோது நபி ஸல்லல்லாஹு அலைஹி வஸல்லம் கூறியதாக அப்துல்லாஹ் பின் அப்பாஸ் ரளியல்லாஹு அன்ஹு அறிவிக்கிறார்கள் .

ஜுன்துப் பின் அப்தில்லாஹ் ரளியல்லாஹு அன்ஹு கூறியதாவது : நாங்கள் வலிமை மிக்க இளைஞர்களாக நபி ஸல்லல்லாஹு அலைஹி வஸல்லம் அவர்களிடம் இருந்தபோது குர்ஆனைக் கற்றுக்கொள்வதற்கு முன் இறைநம்பிக்கையைக் கற்றுக்கொண்டோம் . பிறகு குர்ஆனை நாங்கள் கற்றோம் . அதன் மூலம் எங்கள் இறைநம்பிக்கையும் அதிகரித்தது .

அபூசயீத் அல்குத்ரீ ரளியல்லாஹு அன்ஹு கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடம் ஒரு பெண்மணி வந்து , “ அல்லாஹ்வின் தூதரே ! ( பெண்கள் ) உங்கள் உரைகளை ( க் கேட்க முடியாதவாறு ) ஆண்களே தட்டிச் சென்றுவிடுகின்றனர் . ஆகவே , நாங்கள் தங்களிடம் வந்து , அல்லாஹ் தங்களுக்குக் கற்றுக்கொடுத்தவற்றிலிருந்து எங்களுக்கு நீங்கள் போதித்திட எங்களுக்கென ஒரு நாளை நீங்களே நிர்ணயித்து விடுங்கள் `` என்று கூறினார் . நபி ஸல்லல்லாஹு அலைஹி வஸல்லம் , “ இன்ன நாளில் இன்ன இடத்தில் நீங்கள் ஒன்று கூடுங்கள் `` என்று சொன்னார்கள் . அவ்வாறே ( அந்த நாளில் அந்த இடத்தில் ) பெண்கள் ஒன்று திரண்டனர் . அல்லாஹ்வின் தூதர் ஸல்லல்லாஹு அலைஹி வஸல்லம் அப்பெண்களிடம் சென்று , அல்லாஹ் தமக்குக் கற்றுக் கொடுத்தவற்றிலிருந்து அவர்களுக்குப் போதித்தார்கள் . பிறகு , “ உங்களுள் எந்தப் பெண் தனக்கு ( மரணம் வருவதற்கு ) முன்பாக , தன் குழந்தைகளுள் மூன்று பேரை இழந்துவிடுகின்றாரோ அவருக்கு அக்குழந்தைகள் நரகத்திலிருந்து காக்கும் திரையாக மாறிவிடுவார்கள் `` என்று சொன்னார்கள் . அப்போது அப்பெண்களுள் ஒருவர் , “ அல்லாஹ்வின் தூதரே ! இரண்டு குழந்தைகளை இழந்துவிட்டாலுமா ?`` என்று கேட்டார் . இதை அந்தப் பெண் இரண்டு முறை திரும்பத் திரும்பக் கேட்க , “ ஆம் ; இரண்டு குழந்தைகளை இழந்துவிட்டாலும்தான் `` என்று நபி ஸல்லல்லாஹு அலைஹி வஸல்லம் மும்முறை பதிலளித்தார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அப்துல்லாஹ் பின் அம்ர் பின் அல்ஆஸ் ரளியல்லாஹு அன்ஹு அறிவிப்பதாவது : அல்லாஹ் கல்வியை ( த் தன் ) அடியார்களிடமிருந்து ஒரேயடியாகப் பறித்து கைவசப்படுத்திக் கொள்ளமாட்டான் . ஆயினும் , அறிஞர்களைக் கைப்பற்றுவதன் மூலமே அவன் கல்வியைக் கைப்பற்றுவான் . கடைசியாக எந்த அறிஞரையும் அல்லாஹ் விட்டுவைக்காதபோதே மக்கள் அறிவீனர்களைத் ( தம் ) தலைவர்களாக்கிக் கொள்வார்கள் . அவர்களிடம் கேள்விகள் கேட்கப்பட , அவர்கள் எந்த அறிவுமில்லாமல் மார்க்கத் தீர்ப்பு வழங்குவார்கள் . எனவே தாமும் வழி கெட்டுப் போவார்கள் ; பிறரையும் வழி கெடுப்பார்கள் .

ஸியாத் பின் லபீத் ரளியல்லாஹு அன்ஹு அறிவித்துள்ளதாவது : நபி ஸல்லல்லாஹு அலைஹி வஸல்லம் ஏதோ ஒன்றைக் கூறினார்கள் . அப்போது அவர்கள் , “ அது ( குர்ஆனின் ) கல்வி அழிந்துவிடும்போது ( நடைபெறும் )” என்று கூறினார்கள் . அல்லாஹ்வின் தூதரே ! ( குர்ஆனின் ) கல்வி எப்படி அழிந்துபோகும் ? நாங்கள் குர்ஆனை ஓதுகிறோம் . எங்கள் பிள்ளைகளுக்கு அதை ஓதிக்கொடுக்கிறோம் . எங்கள் பிள்ளைகள் அவர்களுடைய பிள்ளைகளுக்கு அதை மறுமை நாள் வரை ஓதிக்கொடுப்பார்கள் . ( அப்படியிருக்கும்போது எப்படி அது அழிந்துபோகும் ?) என்று வினவினேன் . அதற்கவர்கள் , “ ஸியாத் ! உம் தாய் உம்மை இழக்கட்டுமாக ! நான் உம்மை மதீனாவில் உள்ள அறிவாளி என்றல்லவா நினைத்தேன் . இந்த யூதர்களும் கிறிஸ்தவர்களும் தவ்ராத்தையும் இன்ஜீலையும் ஓதத்தானே செய்கின்றார்கள் ? அவர்கள் அவ்விரண்டிலிருந்தும் எதையும் விளங்குவதில்லையே ? என்று மறுவினாத் தொடுத்தார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக ஹுதைஃபா பின் அல்யமான் ரளியல்லாஹு அன்ஹு அறிவிப்பதாவது : ஆடையின் ஓரம் தேய்வதைப் போன்று இஸ்லாம் தேய்வடையும் . இறுதியில் நோன்பு , தொழுகை , ( ஹஜ்ஜுக்கான ) கிரியைகள் , தர்மம் ஆகியவை என்னவென்றே தெரியாது . வல்லமையயும் மாண்பும் மிக்க அல்லாஹ்வின் வேதம் ஓரிரவில் உயர்த்தப்பட்டுவிடும் . ஆகவே அதிலிருந்து ஒரு வசனம் கூடப் புவியில் மிச்சமிருக்காது . மக்களுள் ஒரு குழுவினர் இருப்பார்கள் . அவர்களுள் முதியோர்களும் பாட்டிகளும் , லாயிலாஹ இல்லல்லாஹ் எனும் இந்தக் கலிமாவை எங்களின் மூதாதையர்கள் கூறுவதை நாங்கள் பார்த்திருக்கிறோம் . எனவே நாங்களும் அதைக் கூறுகிறோம் என்று சொல்வார்கள் . அப்போது ஸிலா என்பவர் ( இந்த ஹதீஸை அறிவித்த ஹுதைஃபா ) அவர்களிடம் , நோன்பு , தொழுகை , ( ஹஜ்ஜுக்கான ) கிரியைகள் , தர்மம் ஆகியவை என்னவென்றே தெரியாத அவர்கள் லாயிலாஹ இல்லல்லாஹ் எனும் கலிமாவைக் கூறுவதால் என்ன பயன் ? என்று வினவினார் . ( அதற்குப் பதிலளிக்காமல் ) அவரிடமிருந்து ஹுதைஃபா ( முகத்தைத் ) திருப்பிக்கொண்டார் . பின்னர் அவர் மும்முறை அதே வினாவை மீண்டும் மீண்டும் வினவினார் . ஒவ்வொரு தடவையும் ஹுதைஃபா அவரைவிட்டுத் திருப்பிக்கொண்டார் . பின்னர் மூன்றாம் தடவை , அவரை முன்னோக்கி , “ ஸிலா ! அது அவர்களை நரகத்திலிருந்து காப்பாற்றும் ” என்று மும்முறை விடையளித்தார் .

மஹ்மூத் பின் ரபீஉ ரளியல்லாஹு அன்ஹு கூறியதாவது : நான் ஐந்து வயதுச் சிறுவனாக இருந்தபோது நபி ஸல்லல்லாஹு அலைஹி வஸல்லம் ( கிணற்றிலிருந்து இறைத்த ) ஒரு வாளியிலிருந்து ( தண்ணீரை எடுத்துத் தமது வாயில் வைத்து ) என் முகத்தில் ஒரு முறை உமிழ்ந்ததை நான் ( இப்போதும் ) நினைவில் வைத்திருக்கிறேன் .

யஸீத் பின் ஷரீக் அத்தைமீ ரஹிமஹுல்லாஹ் கூறியதாவது : அலீ ரளியல்லாஹு அன்ஹு , “ நாங்கள் ஓதி வருகின்ற அல்லாஹ்வுடைய வேதத்தையும் ( நபியவர்களிடமிருந்து கிடைக்கப்பெற்ற ) இந்த ஏட்டையும் தவிர ( எழுத்து வடிவிலான மார்க்கச் சட்டம் ) வேறெதுவும் ( நபியின் குடும்பத்தாரான ) எங்களிடம் இல்லை `` என்று கூறிவிட்டு , அந்த ஏட்டை வெளியே எடுத்தார்கள் . அதில் காயங்களுக்கான தண்டனை குறித்தும் ( உயிரீட்டிற்காகவும் ஸகாத்தாகவும் வழங்கப்படும் ) ஒட்டகங்களின் வயது குறித்தும் எழுதப்பட்டிருந்தன . மேலும் , அதில் ( பின்வருமாறு குறிப்பிடப்பட்டு ) இருந்தது : மதீனா நகரம் " அய்ர் ` எனும் மலையிலிருந்து " ஸவ்ர் ` மலை வரை புனிதமானதாகும் . அதில் எவன் ( மார்க்கத்தின் பெயரால் ) புதிதாக ஒன்றை உருவாக்குகின்றானோ , அல்லது ( அவ்வாறு ) புதிதாக ஒன்றை உருவாக்குகின்றவனுக்கு அடைக்கலம் அளிக்கின்றானோ அவன்மீது அல்லாஹ்வின் சாபமும் வானவர்கள் மற்றும் அனைத்து மக்களின் சாபமும் உண்டாகும் . மேலும் , அவன் புரிந்த கடமையான வழிபாடோ கூடுதலான வழிபாடோ எதுவுமே அவனிடமிருந்து ஏற்கப்படாது . தன்னை விடுதலை செய்த எசமானர்களின் அனுமதியின்றி வேறு யாரையேனும் வாரிசுகளாக ஆக்கிக் கொள்ளும் அடிமைமீது அல்லாஹ்வின் சாபமும் வானவர்கள் மற்றும் அனைத்து மக்களின் சாபமும் உண்டாகும் . மேலும் , அவன் புரிந்த கடமையான மற்றும் கூடுதலான வழிபாடுகள் எதுவும் அவனிடமிருந்து ஏற்கப்படாது . முஸ்லிம்களுள் யார் அடைக்கலம் கொடுத்தாலும் அது ஒன்றேயாகும் . ( மற்ற முஸ்லிம்கள் தரும் அடைக்கலத்திற்குச் சமமானதாகும் .) அவர்களுள் கீழ்நிலையில் உள்ளவர்கள்கூட அடைக்கலம் தர முன்வரலாம் . ஒரு முஸ்லிம் கொடுத்த அடைக்கலத்தை எவரேனும் முறித்தால் அவன்மீது அல்லாஹ்வின் சாபமும் வானவர்கள் மற்றும் அனைத்து மக்களின் சாபமும் உண்டாகும் . மேலும் , அவன் செய்த கடமையான வழிபாடு , உபரியான வழிபாடு மற்றும் எதுவுமே மறுமை நாளில் ஏற்றுக் கொள்ளப்படாது .

அபுத்துஃபைல் ரளியல்லாஹு அன்ஹு கூறியதாவது : அலீ ரளியல்லாஹு அன்ஹு அவர்களிடம் , “ அல்லாஹ்வின் தூதர் ஸல்லல்லாஹு அலைஹி வஸல்லம் உங்களிடம் மட்டும் தனிப்பட்ட முறையில் ஏதேனும் விஷயத்தை ( இரகசியமாக ) ச் சொன்னார்களா ?`` என்று கேட்கப்பட்டது . அலீ ரளியல்லாஹு அன்ஹு , " அல்லாஹ்வின் தூதர் ஸல்லல்லாஹு அலைஹி வஸல்லம் மக்கள் அனைவருக்கும் பொதுவாகச் சொல்லாத எந்த விஷயத்தையும் எங்களிடம் தனிப்பட்ட முறையில் ( இரகசியமாகச் ) சொல்லவில்லை ; இதோ இந்த வாளுறையில் இருப்பதைத் தவிர `` என்று கூறிவிட்டு , ஓர் ஏட்டை வெளியில் எடுத்தார்கள் . அதில் பின்வருமாறு எழுதப்பட்டிருந்தது : அல்லாஹ் அல்லாத மற்றவர் பெயரில் ( பிராணியை ) அறுத்தவனை அல்லாஹ் சபிக்கின்றான் . பூமியின் அடையாளச் சின்னங்களைத் திருடியவனை அல்லாஹ் சபிக்கின்றான் . தன் தந்தையைச் சபித்தவனை அல்லாஹ்வும் சபிக்கின்றான் . ( மார்க்கத்தில் இல்லாத ) புதுமைகளை ( மார்க்கத்தின் பெயரால் ) ஏற்படுத்தியவனுக்கு அடைக்கலம் அளித்தவனை அல்லாஹ் சபிக்கின்றான் .

கைஸ் பின் உபாத் ரளியல்லாஹு அன்ஹு கூறியதாவது : நான் அலீ ரளியல்லாஹு அன்ஹு அவர்களிடம் , “ உங்களுடைய இந்த நடை குறித்து எங்களுக்குச் சொல்லுங்கள் . இது அல்லாஹ்வின் தூதர் ஸல்லல்லாஹு அலைஹி வஸல்லம் உங்களிடம் செய்துகொண்ட ஒப்பந்தமா ? அல்லது உங்களுடைய தனிப்பட்ட முடிவா ?” என்று கேட்டேன் . அதற்கு அவர்கள் , “ அல்லாஹ்வின் தூதர் ஸல்லல்லாஹு அலைஹி வஸல்லம் எதையும் என்னிடம் ஒப்பந்தம் செய்யவில்லை . எனினும் ( இது ) என்னுடைய தனிப்பட்ட முடிவாகும் ” என்றார்கள் .

அபூஹுரைரா ரளியல்லாஹு அன்ஹு கூறியதாவது : வேதக்காரர் ( களான யூதர் ) கள் , தவ்ராத்தை ஹீப்ரூ மொழியில் ஓதி , அதை முஸ்லிம்களுக்கு அரபு மொழியில் விளக்கம் கொடுத்து வந்தார்கள் . அப்போது அல்லாஹ்வின் தூதர் ஸல்லல்லாஹு அலைஹி வஸல்லம் , “ வேதக்காரர்களை ( அவர்கள் சொல்வதெல்லாம் உண்மை என ) நம்பவும் வேண்டாம் ; ( பொய் என ) மறுக்கவும் வேண்டாம் . ( மாறாக , முஸ்லிம்களே !) நீங்கள் சொல்லுங்கள் : நாங்கள் அல்லாஹ்வையும் எங்களுக்கு அருளப்பெற்றதையும் இப்ராஹீம் , இஸ்மாயீல் , இஸ்ஹாக் , யஅகூப் ஆகியோருக்கும் , யஅகூபின் வழித்தோன்றல்களுக்கும் அருளப்பெற்றதையும் , மூஸாவுக்கும் ஈஸாவுக்கும் வழங்கப்பெற்றதையும் மேலும் இறைத்தூதர்கள் அனைவருக்கும் அவர்களின் இறைவனிடமிருந்து வழங்கப்பெற்றவை அனைத்தையும் நாங்கள் நம்புகிறோம் . நாங்கள் அவர்களுள் யாருக்கிடையேயும் எந்த வேற்றுமையும் பாராட்டுவதில்லை . இன்னும் நாங்கள் அவனுக்கே முற்றிலும் கீழ்ப்படிந்தவர்களாக இருக்கிறோம் `` (2:136) என்று கூறினார்கள் .

அப்துல்லாஹ் பின் அப்பாஸ் ரளியல்லாஹு அன்ஹு கூறியதாவது : ( மார்க்கம் தொடர்பான ) எந்த விஷயம் குறித்தும் வேதக்காரர்களிடம் நீங்கள் ஏன் கேட்கிறீர்கள் ? அல்லாஹ்வின் தூதர் ஸல்லல்லாஹு அலைஹி வஸல்லம் அவர்களுக்கு அருளப்பெற்றுள்ள உங்களது வேதமோ புதியது . கலப்படமில்லாத தூய வேதமாக அதை நீங்கள் ஓதிவருகிறீர்கள் . வேதக்காரர்கள் ( தமக்கு அருளப்பெற்ற ) இறைவேதத்தைத் திரித்து மாற்றம் செய்து , தம் கரங்களால் வேதத்தை ( மாற்றி ) எழுதிக்கொண்டு , அதன்மூலம் சொற்ப விலையைப் பெறுவதற்காக " இது இறைவனிடமிருந்து வந்ததே ` என்று கூறுகிறார்கள் என அல்லாஹ் உங்களுக்குத் தெரிவித்துள்ளான் . உங்களுக்குக் கிடைத்துள்ள ( மார்க்க ) ஞானம் , வேதக்காரர்களிடம் கேட்பதிலிருந்து உங்களைத் தடுக்கவில்லையா ? அல்லாஹ்வின் மீதாணையாக ! வேதக்காரர்களுள் எவரும் உங்களுக்கு அருளப்பெற்ற ( வேதத் ) தைப் பற்றி உங்களிடம் கேட்பதை நாம் கண்டதில்லையே !

அப்துல்லாஹ் பின் அம்ர் ரளியல்லாஹு அன்ஹு கூறியதாவது : நபி ஸல்லல்லாஹு அலைஹி வஸல்லம் , பனூ இஸ்ரவேலர்களைப் பற்றி விடியும் வரை எங்களுக்குத் தெரிவித்துக் கொண்டிருந்தார்கள் . கடமையான தொழுகைக்கே தவிர எழவில்லை .

நபி ஸல்லல்லாஹு அலைஹி வஸல்லம் கூறியதாக அபூசஈதுல் குத்ரீ ரளியல்லாஹு அன்ஹு அறிவித்துள்ளதாவது : பனூ இஸ்ராயீல்களின் வாயிலாகக் கிடைத்த செய்திகளை அறிவியுங்கள் . அதனால் குற்றமில்லை . என்னிடமிருந்து கிடைத்த செய்திகளை ( ப் பிறருக்கு ) எடுத்துரையுங்கள் . ( நான் சொன்னதாக வேண்டுமென்றே ) பொய்யுரைக்காதீர்கள் .

அலீ ரளியல்லாஹு அன்ஹு கூறியதாவது : மக்களிடம் அவர்கள் புரிந்து கொள்பவற்றையே பேசுங்கள் . ( அவர்களுக்குப் புரியாதவற்றைப் பற்றிப் பேசி , அதனால் ) அல்லாஹ்வும் அவனுடைய தூதரும் ( அவர்களால் ) பொய்யர்களென்று கருதப்படுவதை நீங்கள் விரும்புகிறீர்களா ?

அப்துல்லாஹ் பின் மஸ்ஊத் ரளியல்லாஹு அன்ஹு கூறியதாவது : நீங்கள் ஒரு சமூகத்தாரிடம் அவர்களது அறிவுக்கு எட்டாத ஒரு விஷயத்தை அறிவிப்பதானது , அவர்களுள் சிலரையேனும் குழப்பத்தில் ஆழ்த்தாமல் விடுவதில்லை .

ஆயிஷா ரளியல்லாஹு அன்ஹா கூறியதாவது : நாங்கள் மக்களுக்கு அவரவரது அந்தஸ்தை அளித்திட வேண்டும் என அல்லாஹ்வின் தூதர் ஸல்லல்லாஹு அலைஹி வஸல்லம் எங்களுக்குக் கட்டளையிட்டார்கள் . குர்ஆனும் இதையே கூறுகிறது : கல்வியறிவுடைய ஒவ்வொருவருக்கும் மேலே ( அவர்களைவிட ) அறிந்தவன் ஒருவன் இருக்கின்றான் (12: 76)

உபாதா பின் அல்வலீத் பின் உபாதா பின் அஸ்ஸாமித் ரஹிமஹுல்லாஹ் கூறியதாவது : நானும் என் தந்தை ( வலீத் பின் உபாதா பின் அஸ்ஸாமித்-ரஹிமஹுல்லாஹ் ) அவர்களும் அன்ஸாரிகளில் குறிப்பிட்ட ஒரு கிளையாரிடம் , அவர்கள் இறப்பதற்குமுன் ( அவர்களிடமுள்ள நபிமொழிக் ) கல்வியைக் கற்றுக் கொள்வதற்காகப் புறப்பட்டோம் . நாங்கள் முதன் முதலில் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களின் தோழர் அபுல் யசர் ரளியல்லாஹு அன்ஹு அவர்களையே சந்தித்தோம் . அவர்களுடன் அவர்களுடைய அடிமை ஒருவரும் இருந்தார் . அவரிடம் பதிவேடுகளில் ஒரு தொகுப்பும் இருந்தது ...

அப்துல்லாஹ் பின் யஹ்யா பின் அபீகஸீர் ரஹிமஹுல்லாஹ் கூறியதாவது : என் தந்தை யஹ்யா பின் அபீகஸீர் ரஹிமஹுல்லாஹ் , “ உடல் சுகத் ( தைத் தேடுவ ) தினால் கல்வியை அடைய முடியாது `` என்று கூறினார்கள் .

கஸீர் பின் கைஸ் ரஹிமஹுல்லாஹ் கூறியதாவது : நான் டமாஸ்கஸ் மஸ்ஜிதில் அபுத்தர்தா ரளியல்லாஹு அன்ஹு அவர்களிடம் அமர்ந்திருந்தேன் . அப்போது அவர்களிடம் ஒருவர் வந்தார் . அவர் , “ அபுத்தர்தா ! நான் அல்லாஹ்வின் தூதர் ஸல்லல்லாஹு அலைஹி வஸல்லம் வாழ்ந்த மதீனாவிலிருந்து உம்மிடம் வந்துள்ளேன் . நீர் நபி ஸல்லல்லாஹு அலைஹி வஸல்லம் அவர்களிடமிருந்து ஒரு ஹதீஸை அறிவித்துள்ளதாக எனக்குச் செய்தி கிடைத்தது . அந்த ஹதீஹுக்காக நான் உம்மிடம் வந்துள்ளேன் . வேறு ஏதேனும் தேவைக்காக நான் வரவில்லை ” என்று கூறினார் . அப்போது அபுத்தர்தா ரளியல்லாஹு அன்ஹு , தாம் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடமிருந்து செவியுற்றுள்ளதாகக் கூறியதாவது : “ ஒருவர் கல்வியைத் தேடி ஒரு பாதையில் நடந்தால் சொர்க்கம் செல்லும் பாதையில் அவரை அல்லாஹ் நடத்துகின்றான் . வானவர்கள் கல்வியைத் தேடும் ( மாணவர் ) ஒருவரை உவந்து கொண்டதைக் காட்டும் முகமாக தம் இறக்கைகளைக் கீழே தாழ்த்துகின்றனர் . கற்றறிந்த அறிஞர் ஒருவருக்கே வானங்களில் உள்ளவர்களும் பூமியில் உள்ளவர்களும் தண்ணீரில் வாழும் மீன்கள் உட்பட யாவும் பாவமன்னிப்புக் கோருகின்றன . பக்திமானைவிடக் கல்விமானுக்குள்ள சிறப்பு மற்ற நட்சத்திரங்களைவிடச் சந்திரனுக்குள்ள சிறப்பைப் போன்றதாகும் . மார்க்க அறிஞர்கள் இறைத்தூதர்களின் வாரிசுகள் ஆவர் . இறைத்தூதர்கள் பொற்காசுகளுக்கோ வெள்ளிக் காசுகளுக்கோ அவர்களை வாரிசுகளாக்கவில்லை . அவர்கள் இந்தக் கல்விக்குத்தான் வாரிசுகளாக்கியுள்ளனர் . யார் இந்தக் கல்வியைப் பெற்றுக்கொண்டாரோ அவர் நிறைவான பங்கைப் பெற்றுக்கொண்டார் ."

அபுல் ஆலியா ரஹிமஹுல்லாஹ் கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் அவர்களின் தோழர்கள் கூறியதாக பஸ்ராவில் நாங்கள் ஏதேனும் ஹதீஸைச் செவியுற்றால் , ( அதை உறுதிப்படுத்திக் கொள்வதற்காக ) நாங்கள் மதீனா சென்று அதை அவர்களின் வாய்களிலிருந்து ( நேரடியாகச் ) செவியுறுகின்ற வரை திருப்தியுற மாட்டோம் .

அப்துல்லாஹ் பின் புரைதா ரளியல்லாஹு அன்ஹு கூறியதாவது : நபி ஸல்லல்லாஹு அலைஹி வஸல்லம் அவர்களின் தோழர்களுள் ஒருவர் , எகிப்தில் இருந்த ஃபளாலா பின் உபைத் அவர்களிடம் பயணம் செய்து சென்றார் . இவர் சென்ற நேரத்தில் அவர் தம் ஒட்டகத்தை ஓட்டிச் சென்று கொண்டிருந்தார் . இவரைப் பார்த்ததும் , “ வாருங்கள் ” என்று வரவேற்றார் . பின்னர் , “ நான் உம்மை ( வெறுமனே ) சந்திக்க வரவில்லை . மாறாக நானும் நீரும் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடமிருந்து ஒரு ஹதீஸைச் செவியுற்றுள்ளோம் . அது குறித்து ( வேறு ) ஏதேனும் கல்வியறிவு உம்மிடம் கிடைக்கும் என எண்ணியே நான் உம்மிடம் வந்தேன் ” என்று கூறினார் . அதற்கு அவர் , “ அது என்ன ( ஹதீஸ் )?” என்று வினவினார் . அதற்கு அவர் , “ இன்னின்னது ...” என்று கூறினார் .

அப்துர் ரஹ்மான் பின் ஜுபைர் பின் ஜுபைர் ரஹிமஹுல்லாஹ் கூறியதாவது : ஹாரிஸ் பின் முஆவியா அல்கின்தீ ரஹிமஹுல்லாஹ் , உமர் பின் கத்தாப் ரளியல்லாஹு அன்ஹு அவர்களிடம் மூன்று செய்திகளைப் பற்றி ( மதீனா சென்று ) கேட்கப் புறப்பட்டார்கள் . அவர் மதீனா வந்ததும் , அவரிடம் உமர் ரளியல்லாஹு அன்ஹு , “ உமது வருகையின் காரணம் என்ன ?`` என்று கேட்டார்கள் . “ மூன்று செய்திகளை உங்களிடம் நான் கேட்க வேண்டும் ” என்று கூறினார் . “ அவை என்ன ?” என்று கேட்டதும் , “ சில சமயம் நெருக்கடியான வீட்டில் நான் ஒரு பெண்ணுடன் இருக்கிறேன் . அப்போது தொழுகைக்குரிய நேரம் வந்து விடுகிறது . நான் தொழ வைத்தால் , அந்தப் பெண் எனக்குச் சமமாகத்தான் நிற்க வேண்டியது வரும் . என் பின்னே அப்பெண் தொழுதால் அவள் வீட்டிற்கு வெளியே நிற்க வேண்டியது வரும் . ( என்ன செய்வது )`` என்று கேட்டார் . உடனே உமர் ரளியல்லாஹு அன்ஹு , “ உமக்கும் அந்தப் பெண்ணிற்கும் இடையே ஓர் ஆடையைத் திரையாக்கி , பின் உமக்குச் சமமாக நிறுத்தி , நீ தொழு `` என்று பதில் கூறினார்கள் . அஸருக்குப் பின் இரண்டு ரக்அத் தொழுவது பற்றி ( கேட்டார் ). “ அல்லாஹ்வின் தூதர் ஸல்லல்லாஹு அலைஹி வஸல்லம் அவ்வாறு தொழ என்னைத் தடுத்தார்கள் ”` என்று பதில் கூறினார்கள் . கனவிற்குப் பலன் கூறும்படி மக்கள் என்னை விரும்பி வருகிறார்கள் . கனவிற்குப் பலன் கூறலாமா ? என்பது பற்றிக் கேட்டார் . “ நீ விரும்பியபடி நடந்துகொள் `` என்று உமர் ரளியல்லாஹு அன்ஹு பதில் கூறினார்கள் . அவர்களின் பதில் , அதைத் தடுக்க வெறுப்பது போல் இருந்தது . “ உங்களின் வார்த்தை மூலம் அதை நான் செய்யாமல் இருக்கவே விரும்புகிறேன் `` என்றார் . “ நீ கனவுக்கு விளக்கம் கூறி , உன் உள்ளத்தில் அவர்களிடம் நீ உயர்வாக இருப்பதாகக் கருதும் நிலை ஏற்படுவதையே உம்மிடம் நான் பயப்படுகிறேன் . பின்பு நீ கனவுக்கு விளக்கம் கூறி , நீ உயர்வாகக் கருத ஆரம்பித்தால் நீ ஒரு நட்சத்திர அந்தஸ்தில் அவர்களைவிட உயர்வாகக் கருதத் தொடங்குவாய் . இதனால் ( அல்லாஹ் கோபமுற்று ) அவர்களின் கால்களுக்கும் கீழே உம்மை மறுமை நாள் வரை வைத்துவிடுவான் `` என்று கூறினார்கள் .

இப்னு மஸ்ஊத் ரளியல்லாஹு அன்ஹு கூறியதாவது : மக்களால் கேட்கப்படுகின்ற ( எதற்கும் தெரியாது எனக் கூறாமல் ) அனைத்திற்கும் மார்க்கத் தீர்ப்பு வழங்குபவன் பைத்தியக்காரன் ஆவான் .

உர்வா ரளியல்லாஹு அன்ஹு கூறியதாவது : ஒருவர் ( ஏதோ ) ஒன்றைக் குறித்து இப்னு உமர் ரளியல்லாஹு அன்ஹு அவர்களிடம் கேள்வி கேட்டார் . அதற்கு இப்னு உமர் , “ அது குறித்து எனக்குத் தெரியாது ” என்று கூறினார்கள் . ஆகவே அம்மனிதர் திரும்பிச் சென்றுவிட்டார் . ( அதன்பின் ) இப்னு உமர் ரளியல்லாஹு அன்ஹு கூறியதாவது : இப்னு உமர் நன்றாகவே சொன்னார் . அவர் அறியாதது குறித்துக் கேட்கப்பட்டார் . அதற்கு அவர் , “ தமக்கு அது குறித்துத் தெரியாது ” என்று கூறிவிட்டார் . ( அதாவது தம்மையே அவ்வாறு குறிப்பிட்டார்கள் .)

ஜஅபீ ரஹிமஹுல்லாஹ் கூறியதாவது : எனக்குத் தெரியாது என்று கூறுவது கல்வியில் பாதியாகும் .

இப்னு சீரீன் ரஹிமஹுல்லாஹ் கூறியதாவது : நான் அறிந்ததைப் பற்றி அல்லது நான் அறியாததைப் பற்றி என்னிடம் கேட்கப்பட்டால் நான் அது குறித்துக் கவலைப்பட மாட்டேன் . ஏனென்றால் நான் அறிந்தது குறித்து என்னிடம் கேட்கப்பட்டால் , நான் அறிந்ததைச் சொல்வேன் . நான் அறியாதது குறித்து என்னிடம் கேட்கப்பட்டால் , “ நான் அறியேன் ” என்று கூறிவிடுவேன் .

ஹுமைதீ ரஹிமஹுல்லாஹ் கூறியதாவது : " நபி ஸல்லல்லாஹு அலைஹி வஸல்லம் ( மக்கா வெற்றியின்போது ) கஅபாவினுள் தொழுதார்கள் ` என்று பிலால் ரளியல்லாஹு அன்ஹு செய்தியறிவிக்க , ஃபள்லு பின் அப்பாஸ் ரளியல்லாஹு அன்ஹு , " நபி ஸல்லல்லாஹு அலைஹி வஸல்லம் கஅபாவினுள் தொழவில்லை ` என்று கூறியபோது , பிலால் ரளியல்லாஹு அன்ஹு அவர்களின் சாட்சியத்தையே மக்கள் ஏற்றுக்கொண்டதைப் போன்றதாகும் .``

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : அல்லாஹ்வின் திருப்தியை ( மட்டுமே ) நாடிக் கற்க வேண்டிய கல்வியை யார் உலகாதாயத்தை நாடிக் கற்றாரோ அவர் மறுமைநாளில் சொர்க்கத்தின் வாடையைக்கூட நுகரமாட்டார் .

நபி ஸல்லல்லாஹு அலைஹி வஸல்லம் கூறியதாக ஜாபிர் பின் அப்தில்லாஹ் ரளியல்லாஹு அன்ஹு அறிவிப்பதாவது : அறிஞர்களோடு பெருமையடிப்பதற்காகவும் அறிவிலிகளோடு விவாதம் செய்வதற்காகவும் கல்வியைக் கற்காதீர்கள் . அதை வைத்துக்கொண்டு சபைகளைத் தேடாதீர்கள் . யார் அவ்வாறு செய்கின்றாரோ ( அவருக்கு ) நரகமே , ( அவருக்கு ) நரகமே .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக இம்ரான் பின் ஹுஸைன் ரளியல்லாஹு அன்ஹு அறிவிப்பதாவது : நான் உங்களுள் மிகவும் அஞ்சுவது மொழியறிவுகொண்ட நயவஞ்சகனோடு ( நீங்கள் ) தர்க்கம் செய்வதைத்தான் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக கஅப் பின் மாலிக் ரளியல்லாஹு அன்ஹு அறிவிப்பதாவது : யார் கற்றோரிடம் விதண்டா வாதம் புரிவதற்காக அல்லது கல்லாதோரிடம் விளம்பரம் தேடுவதற்காக அல்லது மக்களின் முகங்களைத் தம் பக்கம் திருப்புவதற்காகக் கல்வியைத் தேடுகிறாரோ அவரை அல்லாஹ் நரகத்தில் நுழையச் செய்வான் .

நபி ஸல்லல்லாஹு அலைஹி வஸல்லம் கூறியதாக ஹாரிஸ் பின் அல்ஹாரிஸ் அல்அஷ்அரீ ரளியல்லாஹு அன்ஹு அறிவிப்பதாவது : அல்லாஹ் , ( தன் தூதர் ) யஹ்யா பின் ஸகரிய்யா அலைஹிஸ்ஸலாம் அவர்களுக்கு ஐந்து கட்டளைகளை நிறைவேற்றுமாறும் அவற்றைச் செயல்படுத்தும்படி பனூஇஸ்ராயீல் சமுதாயத்தாருக்குக் கட்டளையிடும்படியும் உத்தரவிட்டான் . ஆனால் , அவற்றை பனூ இஸ்ராயீல் சமுதாயத்தாரிடம் கூறாமல் யஹ்யா அலைஹிஸ்ஸலாம் காலதாமதம் செய்ய முற்பட்டார்கள் . இந்நிலையில் ( இறைத்தூதர் ) ஈஸா அலைஹிஸ்ஸலாம் ( யஹ்யா அவர்களிடம் ), அல்லாஹ் ஐந்து கட்டளைகளை நிறைவேற்றுமாறும் அவற்றைச் செயல்படுத்தும்படி பனூ இஸ்லாயீல் சமுதாயத்தாருக்குக் கட்டளையிடும்படியும் உமக்கு உத்தரவிட்டான் . ( அவற்றைச் செயல்படுத்தும்படி ) அவர்களுக்கு நீங்கள் உத்தரவிட வேண்டும் . அல்லது நான் உத்தரவிட வேண்டும் . ( இதை நீங்கள் செய்கிறீர்களா , அல்லது நான் செய்யட்டுமா ?) என்று கேட்டார்கள் . அதற்கு யஹ்யா அலைஹிஸ்ஸலாம் , ( ஈஸா அவர்களிடம் ) இவ்விஷயத்தில் என்னை நீங்கள் முந்திக் கொண்டால் ( காலம் தாழ்த்திய குற்றத்திற்காக ) நான் பூமியில் புதையுண்டு விடுவேனோ , அல்லது வேறு தண்டனைக்கு நான் உள்ளாவேனோ என நான் அஞ்சுகிறேன் என்று கூறினார்கள் . பிறகு யஹ்யா அலைஹிஸ்ஸலாம் ( ஜெரூசலத்தில் உள்ள ) பைத்துல் மக்திஸ் பள்ளிவாசலில் ( இஸ்ரவேல் ) மக்களை ஒன்று கூட்டினார்கள் . பள்ளிவாசல் ( மக்கள் திரளால் ) நிரம்பி , ( மக்களுக்கு இடம் கிடைக்காமல் ) அவர்கள் பள்ளிவாசலின் மேல் தளத்தின்மீது ஏறிக் கொண்டனர் . அப்போது யஹ்யா அலைஹிஸ்ஸலாம் பின்வருமாறு கூறினார்கள் : ஐந்து கட்டளைகளை நான் நிறைவேற்ற வேண்டுமென்றும் அவற்றை உங்களுக்கு எடுத்துச் சொல்லி உங்களையும் அவற்றைக் கடைப்பிடிக்குமாறு கட்டளையிட வேண்டும் என்றும் எனக்கு அல்லாஹ் உத்தரவிட்டுள்ளான் . முதலாவது கட்டளை : அல்லாஹ்வை மட்டுமே நீங்கள் வழிபடுங்கள் . அவனுக்கு வேறு யாரையும் இணையாக்காதீர்கள் . அல்லாஹ்வுக்கு இணை கற்பிப்பவனின் நிலை , ஒரு மனிதரின் நிலையை ஒத்திருக்கிறது . அவர் தமக்கே உரிய செல்வத்தில் பொன் அல்லது வெள்ளியைக் கொடுத்து ஓர் அடிமையை விலைக்கு வாங்கினார் . அவர் ( தம் அடிமையிடம் ) " இது எனது வீடு ; இது எனக்கு நீர் செய்ய வேண்டிய வேலை ; நீர் வேலை செய்து ( இதில் கிடைக்கும் வருமானத்தை ) என்னிடமே கொடுத்துவிட வேண்டும் " என்று கூறினார் . அவ்வாறே அந்த அடிமையும் வேலை செய்தார் . ஆனால் , அதில் கிடைத்த ( வருமானத் ) தை தன் உரிமையாளரிடம் அளிக்காமல் வேறு யாரோ ஒருவரிடம் கொடுத்தான் . தம்முடைய அடிமை இவ்வாறு இருப்பது கண்டு உங்களில் யார் மகிழ்ச்சி அடைவார் ? ( இறைவன் வழங்கியவற்றை அனுபவித்துவிட்டு அவனுக்கு மட்டுமே செய்ய வேண்டிய வழிபாட்டைப் பிறருக்குச் செய்வது நியாயமா ?) ( இரண்டாவது கட்டளை :) அல்லாஹ் தொழுகையைக் கடைப்பிடிக்குமாறு உங்களுக்குக் கட்டளையிட்டுள்ளான . ஆகவே , நீங்கள் தொழும்போது ( இங்கும் அங்கும் ) திரும்பாதீர்கள் . ஏனெனில் , அல்லாஹ் , தொழுது கொண்டிருக்கும் தன் அடியார் தமது முகத்தைத் திருப்பாத வரை அவரது முகத்துக்கு நேராக தனது முகத்தை வைக்கிறான் . ( மூன்றாவது கட்டளை :) நோன்பு நோற்குமாறு உங்களுக்கு நான் கட்டளையிடுகிறேன் . நோன்பு நோற்பவரின் நிலையானது , ஒரு கூட்டத்தில் தமது கைப்பை நிரம்ப கஸ்தூரியை வைத்துக் கொண்டிருக்கும் ஒரு மனிதரின் நிலையை ஒத்திருக்கிறது . அந்தக் கஸ்தூரியின் மணம் அவர்களுள் ஒவ்வொருவரையும் வியப்படையச் செய்கிறது . நோன்பு நோற்றவரின் வாயிலிருந்து வரும் வாடை , அல்லாஹ்விடம் கஸ்தூரியின் வாசனையைவிட நறுமணமிக்கதாகும் . ( நான்காவது கட்டளை :) தான தர்மம் செய்யுமாறு உங்களுக்கு நான் கட்டளையிடுகிறேன் : தர்மம் செய்பவரின் நிலையானது , ஒரு மனிதரின் நிலையை ஒத்திருக்கிறது . அவரை எதிரிகள் கைது செய்து அவரது கையைக் கழுத்தோடு சேர்த்துப் பிணைத்து , சிரச்சேதம் செய்வதற்காக அவரைக் கொண்டு சென்றனர் . அப்போது அந்தக் கைதி "( என்னிடமுள்ள ) குறைவான நிறைவான ( எல்லாப் ) பொருட்களையும் உங்களிடம் பிணைத் தொகையாகச் செலுத்துகிறேன் " என்று கூறி ( அவற்றைச் செலுத்தி ) அவர்களிடமிருந்து தம்மை விடுவித்துக் கொண்டார் . ( ஐந்தாவது கட்டளை :) அல்லாஹ்வை நினைவு கூர்ந்து துதிக்குமாறு உங்களுக்கு நான் கட்டளையிடுகிறேன் . அவ்வாறு அல்லாஹ்வை நினைவு கூர்ந்து துதிப்பவரின் நிலையானது , எதிரிகள் மிக வேகமாகப் பின்தொடர்ந்து வருகின்ற ஒரு மனிதரின் நிலையை ஒத்திருக்கிறது . அவர் பாதுகாப்பான கோட்டை ஒன்றில் புகுந்து அவர்களிடமிருந்து தம்மைத் தற்காத்துக் கொண்டார் . இவ்வாறுதான் ஓர் அடியார் அல்லாஹ்வை நினைவு கூர்ந்து துதிக்காமல் ஷைத்தானிடமிருந்து தம்மை விடுவித்துக் கொள்ள முடியாது . ( இந்தச் செய்தியைத் தம் தோழர்களிடம் தெரிவித்த ) நபி ஸல்லல்லாஹு அலைஹி வஸல்லம் , நானும் அல்லாஹ்வின் ஆணைக்கிணங்க ஐந்து கட்டளைகளை நிறைவேற்றுமாறு உங்களுக்கு உத்தரவிடுகிறேன் . 1. ( தலைவரின் ஆணையைச் ) செவியேற்றல் . 2. ( தலைமைக்குக் ) கட்டுப்படல் . 3. அறப்போர் புரிதல் . 4. ( அவசியம் நேர்ந்தால் ) புலம் பெயர்ந்து ( ஹிஜ்ரத் ) செல்லல் . 5. சமூகக் கட்டமைப்பு ( டன் இணைந்திருத்தல் ) ஆகியவையாகும் . ஒருவர் சமூகக் கட்டமைப்பிலிருந்து ஒரு சாண் அளவு வெளியேறினாலும் அவர் ( மீண்டும் அதனுள் ) திரும்பி வரும் வரை இஸ்லாம் எனும் கட்டைத் தமது கழுத்திலிருந்து கழற்றிக் கொண்டுவிட்டார் . யார் அறியாமைக் கலாச்சாரத்திற்கு அழைப்பு விடுக்கிறாரோ அவர் நரகக் குவியலுக்குச் செல்பவர்களுள் உள்ளவர் ஆவார் . இவ்வாறு நபி ஸல்லல்லாஹு அலைஹி வஸல்லம் சொன்னபோது " அல்லாஹ்வின் தூதரே ! அவர் தொழுதாலும் நோன்பு நோற்றாலுமா ?" என்று மனிதர் கேட்டார் . "( ஆம் ) அவர் தொழுதாலும் நோன்பு நோற்றாலும் சரியே ! ( நரகத்துக்குத்தான் செல்வார் ). ஆயினும் ( இவர்கள் முஸ்லிம்கள்தாம் . இவர்களை ) அல்லாஹ் உங்களைப் பெயர் சூட்டி அழைப்பதைப் போன்றே முஸ்லிம்கள் ( இறைவனுக்குக் கீழ்ப்படிபவர்கள் ), முஃமின்கள் ( இறைநம்பிக்கையாளர்கள் ), அல்லாஹ்வின் அடியார்கள் ( இபாதுல்லாஹ் ) என்றே அழையுங்கள் " என்று கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக நவ்வாஸ் பின் சம்ஆன் அல்அன்ஸாரீ ரளியல்லாஹு அன்ஹு அறிவிப்பதாவது : நேரான வழி ( எனும் இஸ்லாமு ) க்கு அல்லாஹ் ஓர் உவமை கூறுகிறான் : அது ஒரு சாலை போன்றது . அந்தச் சாலையின் இரு மருங்கிலும் இரு சுவர்கள் உள்ளன . அவ்விரண்டிலும் திறந்த தலைவாயில்கள் உள்ளன . தலைவாயில்களில் தொங்கும் திரைகள் உள்ளன . அந்தச் சாலையின் நுழைவாயிலில் அழைப்பாளி ஒருவர் இருக்கிறார் . அவர் " மக்களே ! இந்தச் சாலையில் அனைவரும் நுழைந்து கொள்ளுங்கள் . நீங்கள் கோணலான சாலையில் சென்றுவிடாதீர்கள் ” என்று அழைக்கிறார் . அல்லாஹ் அமைதி இல்லத்துக்கு அழைக்கிறான் . தான் நாடியோரை நேரான வழிக்கு வழிகாட்டுகிறான் " என்று கூறுகிறார் . அந்தச் சாலைக்கு மேல் மற்றோர் அழைப்பாளரும் இருக்கின்றார் . அந்தச் சாலையின் நுழைவாயில்களுள் எதையாவது திறக்க நாடினால் , “ உனக்குக் கேடுதான் . அதைத் திறக்காதே . திண்ணமாக நீ அதைத் திறந்தால் அதில் நுழைந்துவிடுவாய் ” என்று கூறுவார் . அந்த நேரான சாலைதான் இஸ்லாம் . ( அந்தச் சாலையின் இரு புறமும் உள்ள ) சுவர்கள் அல்லாஹ்வின் சட்ட வரையறைகளாகும் . திறந்த தலைவாயில்கள் அல்லாஹ்வால் விலக்கப்பட்டவையாகும் . அந்தச் சாலையின் தொடக்கத்திலிருந்து அழைப்பவர் அல்லாஹ்வின் வேதமாகும் . அந்த அழைப்பாளருக்கு மேலேயிருந்து அழைப்பு விடுப்பவர் ஒவ்வொரு மனிதனுக்கும் அவனது உள்ளத்தில் இறைவனால் நியமிக்கப்பட்ட உபதேசி ( மனசாட்சி ) ஆவார் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அப்துல்லாஹ் பின் அம்ர் பின் ஷுஐப் ரளியல்லாஹு அன்ஹு அறிவித்துள்ளதாவது : ஆட்சித் தலைவர் அல்லது ( தலைவரின் ) கட்டளையை ஏற்று நடப்பவர் அல்லது பகட்டுக்காரர் தவிர ( யாரும் ) மக்களிடம் ( நற்செயலைத் தூண்டும் வகையில் ) கதை சொல்வதில்லை .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதைத் தாம் செவியுற்றதாக அவ்ஃப் பின் மாலிக் ரளியல்லாஹு அன்ஹு அறிவித்துள்ளதாவது : ஆட்சித் தலைவர் அல்லது ( தலைவரின் ) கட்டளையை ஏற்று நடப்பவர் அல்லது பெருமையடிப்பவர் தவிர ( யாரும் ) மக்களிடம் ( நற்செயலைத் தூண்டும் வகையில் ) கதை சொல்வதில்லை .

அபூஅப்திர் ரஹ்மான் அல்ஹுபுலீ ரஹிமஹுல்லாஹ் கூறியுள்ளதாவது : உன் சகோதரனுக்கு வழிகாட்டும் ஞானம் நிறைந்த வார்த்தைகளைவிடச் சிறந்த அன்பளிப்பு வேறொன்றும் இல்லை .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : ஞானம் நிறைந்த வார்த்தை ஓர் இறை நம்பிக்கையாளரின் காணாமல்போன சொத்தாகும் . அவர் அதை எங்குக் கிடைக்கப் பெறுகிறாரோ , அதை அடைந்துகொள்ள முற்றிலும் தகுதியானவர் .

இப்னு அப்பாஸ் ரளியல்லாஹு அன்ஹு அறிவிப்பதாவது : அல்லாஹ்வுடைய வீடுகளுள் ஒன்றில் ஒரு குழுவினர் ஒன்றுகூடி அல்லாஹ்வின் வேதத்தை நினைவுகூர்கின்றார்கள் . அவர்களுக்கு மத்தியில் அது பற்றிக் கருத்தைப் பரிமாறிக்கொள்கிறார்கள் என்றால் , அவர்களை வானவர்கள் தம் இறக்கைகளால் சூழ்ந்துகொள்ளாமல் இருப்பதில்லை - அவர்கள் அதுவல்லாத ( வேறு ) பேச்சில் ஈடுபடுகின்ற வரை . யார் கல்வியைத் தேடி ஒரு பாதையில் ( நடந்து ) செல்கின்றாரோ , அவர் சொர்க்கம் செல்வதற்கான பாதையை அல்லாஹ் அவருக்கு எளிதாக்குகிறான் . அ( க்கல்வி ) தனைக் கொண்டு யாருடைய செயல்பாடு மெதுவாகச் செல்கிறதோ , அவரை அவருடைய வமிசத்தினர் முந்திவிட முடியாது .

அபூசஈத் அல்குத்ரீ ரளியல்லாஹு அன்ஹு அறிவிப்பதாவது : ஹதீஸை ஒருவருக்கொருவர் நினைவுகூருங்கள் . ஏனென்றால் ஹதீஸை நினைவுகூர்கின்ற அந்தப் பேச்சானது ஹதீஸைத் ( தெரிந்துகொள்ளத் ) தூண்டும் .

அஉமஷ் ரஹிமஹுல்லாஹ் அறிவிப்பதாவது : இஸ்மாயீல் பின் ரஜாஉ அவர்கள் பாலர்வகுப்புச் சிறுவர்களை ஒன்றுகூட்டி அவர்களுக்கு ஹதீஸை அறிவிப்பார்கள் . அதன்மூலம் அவர்கள் ( தமக்குத்தாமே ) மனனம் செய்துகொள்வார்கள் .

முஹம்மது பின் ஃபுளைல் ரஹிமஹுல்லாஹ் தம் தந்தையிடமிருந்து அறிவிப்பதாவது : ஹாரிஸ் பின் யஸீத் அல்உக்லீ , இப்னு ஜுப்ருமா , கஉகாஉ பின் யஸீத் , முஃகீரா ஆகியோர் இஷாத் தொழுகையைத் தொழுதுவிட்டால் , கல்வியைக் கற்றுக்கொள்ள அமர்ந்துவிடுவார்கள் . ஸுப்ஹு உடைய பாங்கு ( அதான் ) தவிர வேறு எதுவும் அவர்களைக் கலைப்பதில்லை .

அப்துல்லாஹ் பின் மஸ்ஊத் ரளியல்லாஹு அன்ஹு கூறியதாவது : ஒவ்வொரு பொருளுக்கும் ஆபத்து உண்டு . கல்வியின் ஆபத்து மறதியாகும் .

அலீ ரளியல்லாஹு அன்ஹு கூறியதாவது : இந்த ஹதீஸை ஒருவருக்கொருவர் நினைவுகூருங்கள் . ஒருவருக்கொருவர் சந்தித்துப் பரிமாறிக்கொள்ளுங்கள் . நிச்சயமாக நீங்கள் அவ்வாறு செய்யவில்லையானால் அது அழிந்துவிடும் .

இக்ரிமா ரஹிமஹுல்லாஹ் கூறியதாவது : இப்னு அப்பாஸ் ரளியல்லாஹு அன்ஹு என் இரு ( முட்டிக் ) கால்கள்மீது முன்கையை வைப்பார்கள் . எனக்குக் குர்ஆனையும் சுன்னத்துகளையும் கற்பிப்பார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : யார் ( மார்க்கம் தொடர்பாகப் பயனளிக்கக்கூடிய ஒரு ) கல்வி குறித்துக் கேட்கப்படும்போது அவர் அதை ( த் தெரிந்திருந்தும் ) மறைக்கிறாரோ அல்லாஹ் அவருக்கு மறுமைநாளில் நெருப்பாலான கடிவாளம் இடுவான் .

அபூஹுரைரா ரளியல்லாஹு அன்ஹு கூறியுள்ளதாவது : அல்லாஹ்வுடைய வேதத்தில் இரண்டு வசனங்கள் மட்டும் இல்லையென்றால் , நான் எதையும் ஒருபோதும் அவர்களிடமிருந்து அதாவது நபி ஸல்லல்லாஹு அலைஹி வஸல்லம் அவர்களிடமிருந்து அறிவித்திருக்க மாட்டேன் . ( அவை ) இன்னல்லதீன யக்த்துமூன மா அன்ஸ லல்லாஹு மினல் கித்தாபி ..... எனும் இரண்டு வசனங்கள் ( அல்பகரா : 174-175) ஆகும் . ( பொருள் : நாம் இறக்கிய தெளிவான வேதத்திலிருந்து எவர்கள் மறைக்கின்றார்களோ .... எனும் இரண்டு வசனங்கள் .

அபூஉமாமா ரளியல்லாஹு அன்ஹு அறிவிப்பதாவது : அல்லாஹ்வின் தூதர் ஸல்லல்லாஹு அலைஹி வஸல்லம் , “ நல்வழியில் இருந்துவந்த ஒரு சமுதாயம் வழிதவறிப் போகிறதென்றால் அவர்கள் விதண்டாவாதம் வழங்கப்பட்டனர் என்றே கொள்க `` என்று கூறிவிட்டு , “ இல்லை , அவர்கள் குதர்க்கவாதம் பேசும் கூட்டத்தார் ஆவர் `` (43:58) எனும் இறைவசனத்தை ஓதிக்காட்டினார்கள் .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : குர்ஆன் குறித்து விதண்டாவாதம் செய்தல் இறைமறுப்பு ஆகும் .

உமர் பின் அப்தில் அஸீஸ் ரஹிமஹுல்லாஹ் கூறியதாவது : யார் இந்த மார்க்கத்தை வாதங்கள் செய்வதற்கான பகடைக்காயாக ஆக்கிக்கொண்டாரோ அவர் ( வார்த்தைகளை ) அதிகமாக இடம் மாற்றிவிட்டார் .

கஸீர் பின் முர்ரா ரஹிமஹுல்லாஹ் கூறியதாவது : தவறானதை அறிஞர்களிடம் கூறாதே . அவர்கள் உன்னிடம் கோபப்படுவார்கள் . ஞானத்தை அறிவிலிகளிடம் கூறாதே . அவர்கள் உன்னைப் பொய்யன் எனக் கூறுவார்கள் . கல்வியை அதற்குரியவர்களிடம் ( சேர்ப்பதில் ) தடையை ஏற்படுத்தாதே . ( அவ்வாறு செய்தால் ) நீ பாவம் செய்தவனாவாய் . தகுதி இல்லாதவர்களிடம் அதை ( ச் சேர்த்து ) வைக்காதே . ( அவ்வாறு செய்தால் ) நீ முட்டாளாக்கப்படுவாய் . உன் செல்வத்தில் உன்மீது கடமை இருப்பதைப்போல் உன் கல்வியிலும் உன்மீது கடமை உள்ளது .

இப்னு மைசரா ரஹிமஹுல்லாஹ் கூறியதாவது : மக்களுள் யாரையும் சிறப்பு வாய்ந்தவராகவும் தாழ்வானவராகவும் நான் கண்டதில்லை . தாவுஸ் - ரஹிமஹுல்லாஹ் - தவிர அனைவரும் சமமே . அவர் அதன்மீது சத்தியம் செய்வார் .

அஸ்ஸுஹ்ரீ ரஹிமஹுல்லாஹ் கூறியதாவது : கல்வியை எழுதி வைப்பதை நாங்கள் வெறுத்துவந்தோம் . அரசர் எங்களை அதற்காக நிர்ப்பந்திக்கின்ற வரை . பிறகு யாருக்கும் அதை ( கல்வியை ) நாங்கள் மறுத்துவிடுவதை வெறுத்தோம் .

இப்னு அவ்ன் ரஹிமஹுல்லாஹ் கூறியதாவது : முஹம்மது பின் சீரீன் அவர்களிடம் மக்கள் - அவருக்கு ஹதீஸ் அறிவிக்கிற - ஒரு மனிதரைப் பற்றிக் கேட்டனர் . அதற்கு அவர்கள் , “ ஹதீஸ் அறிவிக்கின்ற அவர் நீக்ரோ இனத்தைச் சார்ந்தவராக இருந்தாலும் அவரும் அப்துல்லாஹ் பின் முஹம்மது ஆகிய இருவரும் என்னிடம் இவ்விஷயத்தில் சமம்தான் ” என்று கூறினார்கள் .

ஹுமைத் ரஹிமஹுல்லாஹ் கூறியதாவது : நான் உமர் பின் அப்தில் அஸீஸ் ரஹிமஹுல்லாஹ் அவர்களிடம் , “ மக்கள் அனைவரையும் ஒரே விஷயத்தில் ஒன்றிணைத்தால் என்ன ?” என்று கேட்டேன் . அதற்கு அவர்கள் , “ அவர்கள் கருத்து வேறுபாடு கொள்ளாமல் இருப்பது எனக்கு மகிழ்ச்சியைத் தராது ” என்று கூறினார்கள்.அறிவிப்பாளர் கூறுகிறார் : மேலும் அவர்கள் ஒவ்வொரு சமுதாய மக்களும் தத்தம் அறிஞர்கள் ஒன்றுபட்ட விஷயங்களைக்கொண்டு ( தமக்குள் ) தீர்ப்பளிக்கட்டும் என்று பல்வேறு ஊர்களுக்குக் கடிதம் எழுதினார்கள் .

சயீத் பின் ஆமிர் ரஹிமஹுல்லாஹ் கூறியதாவது : சல்லாம் அவர்கள் , அய்யூப் - அஸ்ஸக்த்தியானீ - அவர்களை நினைவுகூர்ந்து கொண்டிருந்தார்கள் . நீ உன் ஆசிரியரின் தவறுகளைத் தெரிந்துகொள்ள நாடினால் , ( அவர் அல்லாத ) மற்றவர்களிடம் அமர்ந்துகொள் ” என்று கூறினார்கள் .

ஷஅபீ ரஹிமஹுல்லாஹ் அவர்களிடமிருந்து அபூபக்ர் அல்ஹுதலீ ரஹிமஹுல்லாஹ் கூறியதாவது : நான் ஜுரைஹ் என்பாரிடம் இருந்தேன் . அப்போது முராத் குலத்திலிருந்து ஒருவர் வந்து , அபூ உமய்யா அவர்களே ! விரல்களுக்கான தியத் ( இழப்பீட்டுத் ) தொகை எவ்வளவு ?” என்று கேட்டார் . அதற்கு அவர்கள் , “( ஒவ்வொரு விரலுக்கும் ) பத்து பத்து ” என்று பதிலளித்தார்கள் . அதற்கவர் , “ சுப்ஹானல்லாஹ் ! இவ்விரண்டும் சமம்தானா ?” என்று கேட்டுக்கொண்டே , தம் சுண்டு விரலையும் கட்டை விரலையும் ஒன்றாகக் காட்டினார் . அதற்கு ஜுரைஹ் அவர்கள் , “ சுப்ஹானல்லாஹ் ! உன் காதும் கையும் சமமா ? திண்ணமாகக் காது-அதனை முடி , தொப்பி , தலைப்பாகை ஆகியவை மறைத்துக்கொள்கின்றன . ( அப்படியிருக்க ) அதில் பாதி இழப்பீடும் , கைக்குப் பாதி இழப்பீடும் ( தானே ) உள்ளது ” என்று எதிர்வினா தொடுத்தார்கள் . “ உனக்குக் கேடுதான் ! நிச்சயமாக சுன்னத் உன் ஒப்பீட்டை ( கியாஸ் ) முந்திவிட்டது . எனவே அந்த சுன்னத்தையே ) பின்பற்று ; புதிதாக உண்டாக்காதே . திண்ணமாக நீ ஹதீஸை எடுத்துக்கொள்ளும் வரை ஒருபோதும் வழிதவற மாட்டாய் ” என்றும் கூறினார்கள் . அபூபக்ர் அல் ஹுதலீ ரஹிமஹுல்லாஹ் கூறியதாவது : என்னிடம் ஷஅபீ ரஹிமஹுல்லாஹ் , “ ஹுதலீ ! உங்களுடைய அஹ்னஃப் ( பின் கைஸ் என்பவர் ) கொல்லப்பட்டால் - இந்தச் சிறுவன் தன் தொட்டிலில் உள்ள நிலையில் - அப்போது அவ்விரண்டு பேரின் இழப்பீட்டுத் தொகையும் சமமா ?” என்று கேட்டார்கள் . அதற்கு நான் , “ ஆம் ( சமம்தான் )” என்றேன் . அதற்கு அவர்கள் , “( இப்போது ) உங்கள் ஒப்பீடு எங்கே ( போனது )?” என்று கேட்டார்கள் .

ஷஅபீ ரஹிமஹுல்லாஹ் கூறியதாவது : அல்லாஹ்வின்மீது ஆணையாக ! ( ஹதீஸ்களை விட்டுவிட்டு ) ஒப்பீடுகள் மூலம் ( சட்டங்களை ) நீங்கள் எடுக்கத் தொடங்கிவிட்டால் , ஆகுமானதைத் தடைசெய்வீர்கள் ; தடை செய்யப்பட்டதை ஆகுமாக்குவீர்கள் . ஷஅபீ ரஹிமஹுல்லாஹ் கூறியதாவது : நீங்கள் என்ன கருதுகிறீர்கள் ? நீங்கள் என்ன கருதுகிறீர்கள் ? என்று கேட்பதே என்னிடம் மிகவும் சினத்திற்குரியது . ஒருவர் தம் தோழரிடம் , நீர் என்ன கருதுகிறீர் ? என்று கேட்கிறார் . அவர் ஒப்பிட்டுப் பார்க்காதவராக இருந்தார் . ( அதாவது ஹதீஸை மட்டுமே பார்ப்பவராக இருந்தார் ). ஷஅபீ ரஹிமஹுல்லாஹ் கூறியதாவது : இவர்களெல்லாம் நபி ஸல்லல்லாஹு அலைஹி வஸல்லம் அவர்களின் காலத்தில் இருந்திருந்தால் , குர்ஆன் முழுக்க , “ உம்மிடம் கேட்கிறார்கள் ; உம்மிடம் கேட்கிறார்கள் ” என்றே இறங்கியிருக்கும் .

ஷஅபீ ரஹிமஹுல்லாஹ் கூறியதாவது : இவர்கள் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடமிருந்து அறிவித்தவற்றை எடுத்துக்கொள் . ( அவற்றைச் செயல்படுத்து ). இவர்கள் தம் சிந்தனையால் ( சிந்தித்துக் ) கூறியவற்றைக் குப்பையில் போட்டுவிடு .

அவ்ஸாயீ ரஹிமஹுல்லாஹ் கூறியதாவது : இப்லீஸ் தன்னுடைய நண்பர்களிடம் , “ நீங்கள் மனிதர்களிடம் எதைக் கொண்டு வருகின்றீர்கள் ?” என்று கேட்டான் . “ எல்லாவற்றையும் கொண்டு வருகிறோம் ” என்றனர் . இஸ்திஃக்ஃபார் - பாவமன்னிப்புத் தேடுதல் ஊடாக அவர்களிடம் வருகின்றீர்களா ?” என்று கேட்டான் . அதற்கு அவர்கள் , “( அதுவோ இயலாத ) தூரமாகிவிட்டது . அதுவோ தவ்ஹீதோடு இணைக்கப்பட்டுள்ளதே ” என்றனர் . “ அவர்கள் அல்லாஹ்விடம் இஸ்திஃக்ஃபார்-பாவமன்னிப்புத் தேட முடியாத வகையிலான விஷயத்தை நிச்சயமாக நான் அவர்களிடம் பரப்பிவிடுவேன் ” என்று கூறினான் . ( பிறகு ) அவர்களிடம் மனவேட்கைகளைப் பரப்பிவிட்டான் .

ஸியாத் பின் ஹுதைர் ரஹிமஹுல்லாஹ் கூறியதாவது : “ இஸ்லாமிய மார்க்கத்தை இடித்துத் தள்ளும் விஷயத்தை நீ அறிவாயா ?” என்று உமர் ரளியல்லாஹு அன்ஹு கேட்டார்கள் . அதற்கு நான் , “ தெரியாது ” என்றேன் . அவர்கள் கூறினார்கள் : “ ஓர் ஆலிம் உடைய சருகுதல் , ( திருக்குர்ஆன் எனும் ) வேதத்தைக்கொண்டு நயவஞ்சகனிடம் தர்க்கம் செய்தல் , வழிகெடுக்கக்கூடிய தலைவர்கள் ஆட்சி செய்தல் ஆகியவை அதனை இடித்துத் தள்ளும் .

அபூகிலாபா ரஹிமஹுல்லாஹ் கூறியதாவது : மனவேட்கைப்படிச் செயல்படக்கூடியவர்களோடு சேர்ந்து அமராதீர்கள் . அவர்களிடம் தர்க்கம் செய்யாதீர்கள் . ஏனென்றால் நிச்சயமாக அவர்கள் தம்முடைய வழிகேட்டில் உங்களையும் மூழ்கடிக்கச் செய்துவிடுவார்கள் அல்லது நீங்கள் அறிந்துள்ளவை குறித்து அவர்கள் உங்கள் மத்தியில் குழப்பத்தை ஏற்படுத்திவிடுவார்கள் என்று நான் அஞ்சுகிறேன் .

அஸ்மா பின் உபைத் ரஹிமஹுல்லாஹ் கூறியதாவது : மனவேட்கைப்படிச் செயல்படக்கூடிய இருவர் இப்னு சீரீன் அவர்களிடம் வந்து , “ அபூபக்ர் அவர்களே ! ஒரு ஹதீஸை நாங்கள் உங்களுக்கு அறிவிக்கட்டுமா ?” என்று வினவினார்கள் . அதற்கு அவர்கள் , “ வேண்டாம் ” என்றார்கள் . “ அல்லாஹ்வின் வேதத்திலிருந்து ஒரு வசனத்தை நாங்கள் உங்களிடம் ஓதிக் காட்டட்டுமா ?” என்று வினவினார்கள் . அதற்கு அவர்கள் , “ வேண்டாம் ; நீங்கள் இருவரும் என்னிடமிருந்து எழுந்து செல்கின்றீர்களா ? அல்லது நான் எழுந்து செல்லட்டுமா ?” என்று கேட்டார்கள் . ( அதன்பின் ) அவர்கள் இருவரும் புறப்பட்டுவிட்டார்கள் . அதைக் கண்ட மக்கள் சிலர் , அபூபக்ர் அவர்களே ! “ அல்லாஹ்வின் வேதத்திலிருந்து ஒரு வசனத்தை அவர்கள் உங்களிடம் ஓதிக் காட்டுவதில் உங்களுக்கு என்ன ( சிரமம் ) இருக்கிறது ?” என்று வினவினார்கள் . “ அவர்கள் என்னிடம் ஏதாவது ஓர் இறைவசனத்தை ஓதுவார்கள் . அ( தன் விளக்கத் ) தை மாற்றிக் கூறுவார்கள் . அது என் உள்ளத்தில் பதிந்துவிடும் . ( அது எனக்குச் சிரமத்தை ஏற்படுத்தும் )” என்று பதிலளித்தார்கள் .

ஹஸன் , இப்னு சீரீன் ரஹிமஹுமல்லாஹ் இருவரும் கூறியதாவது : மனவேட்கைப்படிச் செயல்படக் கூடியவர்களோடு சேர்ந்து அமராதீர்கள் . அவர்களிடம் தர்க்கம் செய்யாதீர்கள் . அவர்களிடமிருந்து ( எதையும் ) செவியுறாதீர்கள் .

இப்னு அப்பாஸ் ரளியல்லாஹு அன்ஹு கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் அவர்களுடைய மிகுதியான ஹதீஸ்கள் அன்ஸாரிகள் வாழும் இந்தப் பகுதியில்தான் பெற்றுக்கொள்ளப்பட்டன . அல்லாஹ்வின் மீதாணையாக ! அவர்களுள் ஒருவரிடம் நான் ( ஹதீஸை நாடி ) வந்தால் , அவர் உறங்கிக் கொண்டிருக்கிறார் என்று கூறப்படும் . நான் நாடினால் எனக்காக அவர் எழுப்பப்பட்டிருப்பார் . ( எனினும் ) நான் அவர் ( தம் தூக்கத்திலிருந்து விழித்து ) வெளியே வரும் வரை அவரை விட்டுவிடுவேன் . ஏனென்றால் அந்த ஹதீஸை அவரிடமிருந்து நல்ல மனநிலையில் நான் பெறவேண்டுமென்பதற்காக ( அவ்வாறு செய்தேன் ).

அஸ்ஸுஹ்ரீ ரஹிமஹுல்லாஹ் கூறியதாவது : நான் உர்வாவின் வீட்டிற்கு வந்துபோய்க்கொண்டிருந்தேன் . ( வீட்டிற்குச் சென்று ) கதவருகே அமர்ந்துவிடுவேன் . நான் உள்ளே செல்ல நாடியிருந்தால் ( வீட்டிற்குள் ) நுழைந்திருப்பேன் . எனினும் அவருக்கு மரியாதை செலுத்தும் பொருட்டு ( அவ்வாறு நான் செய்யவில்லை ).

இப்னு அப்பாஸ் ரளியல்லாஹு அன்ஹு கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள் வஃபாத் ஆனபோது அன்ஸாரிகளுள் ஒருவரிடம் , “ இன்னாரே ! வாருங்கள் . நபித்தோழர்களிடம் நாம் ( தெரியாததைக் ) கேட்போம் . ஏனென்றால் இன்று அவர்கள் நிறையப் பேர் இருக்கின்றார்கள் ” என்றேன் . அதற்கு அவர் , “ இப்னு அப்பாஸ் அவர்களே ! உம்மைக் கண்டு ஆச்சரியமாக இருக்கிறது . மக்கள் உம்மிடம் தேவையாகுவதை நீர் பார்க்கின்றீரா ? ( இல்லையா ?) நபித்தோழர்களுள் யாரை நீர் காண்கிறீர் ?... ” அதன் தொடரில் உள்ளதாவது : மக்கள் என்னிடம் ஒன்று சேர்ந்துவிட்டதைக் கண்ட அந்த மனிதர் , “ இந்த இளைஞர் என்னைவிட மிகவும் அறிவாளி ” என்று கூறினார் .

அபுத்தர்தா ரளியல்லாஹு அன்ஹு கூறியதாவது : மாணவனாக ஆகும் வரை அறிஞராக ( ஆலிமாக ) ஆகமாட்டாய் . ( கற்ற கல்விப்படி செயல்படாமல் கல்வியின் மூலம் அறிஞராக ஆக முடியாது . நீ வாதம் செய்பவனாக இருப்பதே பாவியாக இருப்பதற்குப் போதுமானது . நீ வாக்குவாதம் செய்பவனாக இருப்பதே பாவியாக இருப்பதற்குப் போதுமானது . நீ அல்லாஹ்வுடைய உள்ளமை ( தாத் ) அல்லாததைப் பற்றிப் பேசிக்கொண்டிருப்பதே நீ பொய்யன் என்பதற்குப் போதுமானது .

இம்ரான் அல்மின்க்கரீ ரஹிமஹுல்லாஹ் கூறியதாவது : நான் ஹஸன் ரஹிமஹுல்லாஹ் அவர்களிடம் ஒரு நாள் ஒரு விஷயம் குறித்துப் பேசினேன் . அபூசஈத் அவர்களே ! மார்க்கச் சட்ட அறிஞர்கள் ( ஃபுகஹாஉ ) இவ்வாறு கூறவில்லை என்று கூறினேன் . அதற்கு அவர்கள் , “ உனக்கு ஏற்பட்ட கேடே ! மார்க்கச் சட்ட அறிஞர் யாரையேனும் இதுவரை நீ பார்த்திருக்கிறாயா ? மார்க்கச் சட்ட அறிஞர் என்பவர் , உலகில் துறவியாகவும் மறுமையை விரும்புபவராகவும் தம் தீன் சார்ந்த செயல்களில் தீர்க்கமான பார்வையுடையவராகவும் தம் இறைவனை வழிபடுவதில் நீடித்திருப்பவராகவும் இருப்பார் ” என்றார்கள் .

இம்ரான் அல்மின்க்கரீ ரஹிமஹுல்லாஹ் கூறியதாவது : நான் ஒரு சமுதாயத்தின் குணநலனை ( இவ்வாறு இருப்பதாக ) க் காண்கிறேன் . அவர்கள் செயல்படுவதற்கன்றிக் கற்றுக்கொள்கின்றார்கள் ; வழிபாட்டுக்கன்றி மார்க்கச் சட்டங்களைக் கற்றுக்கொள்கின்றார்கள் ; மறுமையின் செயல்பாடுகளை வைத்து இம்மையைத் தேடுகின்றார்கள் ; வெள்ளாட்டுத் தோல்களை அணிந்து கொள்கின்றார்கள் . அவர்களின் உள்ளங்கள் கற்றாழையைவிடக் கசப்பானது . என்னைக்கொண்டே பெருமை கொள்கின்றார்களா ? அல்லது என்னையே அவர்கள் ஏமாற்றுகின்றார்களா ? என்னைக் கொண்டே நான் சத்தியம் செய்கிறேன் : ஒரு பொறுமையாளனையே தடுமாற்றத்தில் விட்டுவிடும் வகையிலான குழப்பத்தை அவர்களுக்கு நான் நிச்சயமாகக் கொடுப்பேன் .

ஷஅபீ ரஹிமஹுல்லாஹ் கூறியதாவது : பகுத்தறிவு , துறவுநிலை ஆகிய இரண்டு பண்புகள் கொண்டவர்கள்தாம் இந்தக் கல்வியைத் தேடிக்கொண்டிருந்தனர் . அவர் துறவியாக இருந்து , பகுத்தறிவாளராக இல்லையென்றால் அவர் அதைத் தேடமாட்டார் . அவர் பகுத்தறிவாளராக இருந்து , துறவியாக இல்லையென்றால் - இது துறவிகள் தவிர மற்றவர்கள் பெறமுடியாத விஷயமாகும் - அவர் அதைத் தேடமாட்டார் . ( ஆனால் ) இன்று அதைத் தேடுபவருக்குப் பகுத்தறிவு , துறவுநிலை ஆகிய இரண்டினுள் எதுவும் இல்லை .

ஷஅபீ ரஹிமஹுல்லாஹ் கூறியதாவது : என் கல்வியின்மூலம் எனக்குச் சாதகமாகவோ எனக்கு எதிராகவோ எதுவுமின்றிப் போதுமான அளவு நான் வெற்றிபெற்றுவிட்டேன் என்று சொல்ல ஆசைப்பட்டேன் .

ஹஸன் ரஹிமஹுல்லாஹ் கூறியதாவது : மக்களை ( இவ்வாறு ) அடைந்துகொண்டேன் . வழிபாட்டில் ஈடுபடுபவர் வழிபாட்டில் ஈடுபட்டால் , அவர் தம் பேச்சின்மூலம் அறியப்படமாட்டார் . மாறாக அவர் தம் அமல்-செயல்பாடுகள் மூலம் அறியப்படுவார் . அதுதான் பயனுள்ள கல்வியாகும் .

மாலிக் பின் மிஃக்வல் ரஹிமஹுல்லாஹ் கூறியதாவது : ஆலிம் அவர்களே ! எனக்கு மார்க்கத் தீர்ப்பு வழங்குங்கள் என்று ஷஅபீ ரஹிமஹுல்லாஹ் அவர்களிடம் ஒருவர் கேட்டார் . அதற்கு அவர்கள் , “ ஆலிம் என்பவர் அல்லாஹ்வை அஞ்சிக்கொள்பவரே ஆவார் ” என்றார்கள் .

ஹஸன் ரஹிமஹுல்லாஹ் கூறியதாவது : கல்வி இரண்டு வகை . 1. உள்ளத்தில் பதிந்த கல்வி . அதுவே பயனுள்ள கல்வி . 2. நாவில் உள்ள கல்வி . அது ஆதமுடைய மகனுக்கு எதிராக அல்லாஹ்வுடைய ஆதாரமாகும் .

ஹபீப் பின் உபைத் ரஹிமஹுல்லாஹ் கூறியதாவது : கல்வியைக் கற்றுக் கொள்ளுங்கள் . அதன்மூலம் பயன்பெறுங்கள் . ( மாறாக ) அதைக் கொண்டு அழகுபடுத்திக் கொள்வதற்காகக் கற்றுக் கொள்ளாதீர்கள் . ஏனென்றால் உங்களுக்கு வயது நீளமாக இருந்தால் ( நீங்கள் பார்க்கலாம் . அதாவது ) சீருடையாளர் தம் சீருடைமூலம் தம்மை அழகுபடுத்திக் கொள்வதைப்போல் கல்வியாளர் தம் கல்வியின் மூலம் தம்மை அழகுபடுத்திக்கொள்ளும் காலம் நெருங்கிவிட்டது என்று சொல்லப்பட்டு வந்தது .

ஹஸன் அல்பஸ்`ரீ ரஹிமஹுல்லாஹ் கூறியதாக ஹிஷாம் ரஹிமஹுல்லாஹ் கூறியதாவது : ஒரு மனிதர் கல்வியின் வாசலை அடைந்துகொண்டு ( கற்றபடி ) செயல்பட்டால் , அது அவருக்கு இவ்வுலகத்தையும் அதில் உள்ளவற்றையும் விடச் சிறந்ததாக அமையும் . அவருக்கு அது அவ்வாறு ஆகிவிட்டால் அதனை மறுமைக்காக ஆக்கிக்கொள்வார் . ஹஸன் அல்பஸ்`ரீ ரஹிமஹுல்லாஹ் கூறியதாவது : ஒரு மனிதர் கல்வியைத் தேட முற்பட்டுவிட்டால் அது அவருடைய பார்வையில் , பணிவில் , நாவில் , கையில் , உறவைப் பேணுவதில் , துறவில் காணப்படாமல் இருப்பதில்லை . முஹம்மது-பின் சீரீன் - ரஹிமஹுல்லாஹ் கூறியதாவது : இந்த ஹதீஸை யாரிடமிருந்து எடுக்கின்றீர்கள் ( பெறுகின்றீர்கள் ) என்பதைக் கூர்ந்து கவனியுங்கள் . ஏனென்றால் அதுதான் உங்களுடைய மார்க்கமாகும் .

அபூமுஸ்லிம் அல்கவ்லானீ ரஹிமஹுல்லாஹ் கூறியதாவது : அறிஞர்கள் மூவகை . 1. ஒருவர் தம் கல்வியின்படி வாழ்ந்தார் . அவரோடு அதன்படி மக்களும் வாழ்ந்தனர் . 2. ஒருவர் தம் கல்வியின்படி வாழ்ந்தார் . அவரோடு அதன்படி ( மக்களுள் ) எவரும் வாழவில்லை . 3. ஒருவருடைய கல்வியின்படி மக்கள் வாழ்ந்தனர் . ( ஆனால் கல்வியைக் கற்றவர் அதன்படி செயல்படாமல் ) அவர் துர்பாக்கியசாலியாக ஆகிவிட்டார் .

அபூஉமாமா அல்பாஹிலீ ரளியல்லாஹு அன்ஹு கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடம் இரண்டு மனிதர்களைப் பற்றிப் பேசப்பட்டது . அவர்களுள் ஒருவர் கல்விமான் ஆவார் . மற்றவர் பக்திமான் ஆவார் . அப்போது அல்லாஹ்வின் தூதர் ஸல்லல்லாஹு அலைஹி வஸல்லம் , " ஒரு பக்திமானைவிடக் கல்விமானுக்குள்ள சிறப்பு உங்களில் கடைநிலையில் உள்ள ஒருவரைவிட ( இறைத்தூதராகிய ) எனக்குள்ள சிறப்பைப் போன்றதாகும் " என்று கூறிவிட்டு , அல்லாஹ்வும் அவனுடைய வானவர்களும் விண்ணிலும் மண்ணிலும் வசிப்போரும் பொந்துகளில் வாழும் எறும்புகள் , ( தண்ணீரில் வாழும் ) மீன்கள் உட்பட யாவுமே மக்களுக்கு நல்லதைக் கற்பிப்பவருக்காக அருள் வேண்டிப் பிரார்த்தனை செய்கின்றன " என்று கூறினார்கள் .

வஹ்ப் பின் முநப்பிஹ் ரஹிமஹுல்லாஹ் கூறியதாவது : கல்வி குறித்து விவாதிக்கப்படுகின்ற சபை - அந்த அளவிற்குத் தொழுவதைவிட - எனக்கு மிகவும் விருப்பமானது . ( விவாதிக்கப்படுகின்ற அச்சபையிலிருந்து ) அவர்களுள் ஒருவர் ஒரு வார்த்தையைச் செவியுறலாம் . அதன்மூலம் ஓராண்டுக்காலம் அவர் பயன்பெறலாம் . அல்லது அவர் தம் வாழ்நாளெல்லாம் பயன்பெறலாம் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூசஈத் அல்குத்ரீ ரளியல்லாஹு அன்ஹு அறிவித்துள்ளதாவது : உங்களிடம் மிக விரைவில் கல்வியைத் தேடுகின்ற சமுதாயத்தார்கள் வரவிருக்கின்றார்கள் . அவர்களை நீங்கள் கண்டால் , அல்லாஹ்வின் தூதர் ஸல்லல்லாஹு அலைஹி வஸல்லம் அவர்களின் அறிவுரைப்படி உங்களுக்கு நற்செய்தி , நற்செய்தி என்று கூறுங்கள் . அவர்களுக்குக் ( கல்வியைக் ) கற்பியுங்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவித்துள்ளதாவது : ( மார்க்க ) ஆதாரம் ஏதுமின்றி மார்க்கத் தீர்ப்பு வழங்கப்பட்ட ஒருவர் ( அந்தத் தவறான தீர்ப்பின் படி செயல்பட்டால் ) அதற்குரிய பாவம் அந்தத் தீர்ப்பை வழங்கியவரையே சாரும் .

இப்னு அப்பாஸ் ரளியல்லாஹு அன்ஹு கூறியதாவது : யார் சிந்திக்காமல் மார்க்கத் தீர்ப்பு வழங்கினாரோ ( அந்தத் தவறான தீர்ப்பின்படி செயல்பட்டால் ) அதற்குரிய பாவம் அ( ந்தத் தீர்ப்பை வழங்கிய ) வரையே சாரும் .

அபூசுஹைல் நாஃபிஉ பின் மாலிக் அல்அஸ்பஹீ ரஹிமஹுல்லாஹ் கூறியதாவது : என் மனைவி மஸ்ஜிதுல் ஹராமில் மூன்று நாள்கள் இஉத்திகாஃப் இருக்க வேண்டியது இருந்தது . எனவே நான் உமர் பின் அப்தில் அஸீஸ் ரஹிமஹுல்லாஹ் அவர்களிடம் அது குறித்துக் கேட்டேன் . அப்போது ( அங்கு ) அவர்களுடன் இப்னு ஷிஹாப் ரஹிமஹுல்லாஹ் இருந்தார்கள் . “( அதாவது இஉத்திகாஃப் இருக்கும்போது ) அவர் நோன்பு நோற்க வேண்டுமா ?” என்று கேட்டேன் . அதற்கு இப்னு ஷிஹாப் ரஹிமஹுல்லாஹ் , “ நோன்பின்றி இஉத்திகாஃப் இல்லை ” என்றார்கள் . அப்போது அவரிடம் , உமர் பின் அப்தில் அஸீஸ் ரஹிமஹுல்லாஹ் , “ இதை நீர் நபி ஸல்லல்லாஹு அலைஹி வஸல்லம் கூறியதாகச் சொல்கின்றீரா ?” என்று வினவ , அவர் “ இல்லை ” என்றார் . “ அபூபக்ர் ரளியல்லாஹு அன்ஹு கூறியதாகச் சொல்கின்றீரா ?” என்று வினவ , அவர் “ இல்லை ” என்றார் . “ உமர் ரளியல்லாஹு அன்ஹு கூறியதாகச் சொல்கின்றீரா ?” என்று வினவ , அவர் “ இல்லை ” என்றார் . “ உஸ்மான் ரளியல்லாஹு அன்ஹு கூறியதாகச் சொல்கின்றீரா ?” என்று வினவ , அவர் “ இல்லை ” என்றார் . அப்போது உமர் பின் அப்தில் அஸீஸ் ரஹிமஹுல்லாஹ் , “ அவர்மீது நோன்பு ( கடமை ) இல்லை என்றே நான் கருதுகிறேன் ” என்றார்கள் . நான் ( அங்கிருந்து ) புறப்பட்டுச் சென்றேன் . ( பின்னர் ) தாவூஸ் ரஹிமஹுல்லாஹ் , அதாஉ பின் அபீரபாஹ் ரஹிமஹுல்லாஹ் ஆகிய இருவரையும் பார்த்தேன் . ( இவ்விஷயம் குறித்து ) அவ்விருவரிடம் கேட்டேன் . அதற்கு தாவூஸ் ரஹிமஹுல்லாஹ் , “ இப்னு அப்பாஸ் ரளியல்லாஹு அன்ஹு அவர்மீது நோன்பு - அவர் விருப்பப்பட்டு நோற்றாலே தவிர - இல்லை என்றே கூறிவந்தார்கள் ” என்றார் . ( அப்போது அங்கிருந்த ) அதாஉ ரஹிமஹுல்லாஹ் “ என் கருத்தும் அதுதான் ” என்றார் .

மைமூன் அபீஹம்ஸா ரஹிமஹுல்லாஹ் கூறியதாவது : என்னிடம் இப்ராஹீம் அந்நகயீ ரஹிமஹுல்லாஹ் , “ அல்லாஹ்வின்மீதாணையாக நான் ( நிறையப் ) பேசிவிட்டேன் . அவசியம் ஏற்படவில்லையானால் நான் பேசியிருக்க மாட்டேன் . நான் கூஃபா வாழ் மக்களுக்கு மார்க்கத் தீர்ப்பு வழங்கும் அறிஞராக இருக்கும் காலம் கெட்ட காலமாகவே இருக்கும் ” என்று கூறினார்கள் .

உமர் பின் இஸ்ஹாக் ரஹிமஹுல்லாஹ் கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் அவர்களுடைய தோழர்களுள் நான் சந்தித்த பலர் என்னைவிட ( வயதில் ) முந்தியோராகவே இருந்தனர் . உடலமைப்பில் அவர்களைவிட மென்மையானவர்களையோ அவர்களைவிட மிகக் குறைந்த வன்மை உடையவர்களையோ நான் காணவில்லை .

ஜஅஃபர் பின் இயாஸ் ரஹிமஹுல்லாஹ் கூறியதாவது : நான் சஈத் பின் ஜுபுபைர் ரளியல்லாஹு அன்ஹு அவர்களிடம் , “ தாங்கள் ஏன் தலாக் குறித்து எதுவும் சொல்வதில்லை ?” என்று கேட்டேன் . அதற்கு அவர்கள் , அது குறித்து நான் கேட்டுத் தெரிந்துகொள்ளாதது எதுவும் இல்லை . எனினும் தடைசெய்யப்பட்டதை ஆகுமானதாகவோ ஆகுமானதைத் தடை செய்யப்பட்டதாகவோ ஆக்குவதை நான் விரும்பவில்லை ” என்று கூறினார்கள் .

அப்துர் ரஹ்மான் பின் அபீலைலா ரஹிமஹுல்லாஹ் கூறியதாவது : நான் இந்த மஸ்ஜிதில் நூற்று இருபது அன்ஸாரித் தோழர்களைப் பார்த்துள்ளேன் . அவர்களுள் ஒருவர் ஹதீஸை அறிவித்தால் , அவர் முன் உள்ள சகோதரர் அந்த ஹதீஸ் தமக்குப் போதுமென எண்ணுமளவிற்கு அறிவிப்பார் . அவர்களுள் ஒருவரிடம் மார்க்கத் தீர்ப்பு ஏதேனும் கேட்டால் அவர் முன் உள்ள சகோதரர் அந்த மார்க்கத் தீர்ப்பு தமக்குப் போதுமென எண்ணுமளவிற்குச் சொல்வார் .

இப்னுல் முன்கதிர் ரஹிமஹுல்லாஹ் கூறியதாவது : திண்ணமாக ஓர் ( இஸ்லாமிய ) அறிஞர் அல்லாஹ்வுக்கும் அவனுடைய அடியார்களுக்கும் இடையே நுழை ( ந்து இறைவனை அடைவதற்கான வழியைக் காட்டு ) கிறார் . எனவே ( உங்களுள் ஒவ்வொருவரும் ) தமக்காக ( நரகத்திலிருந்து ) வெளியேறுகின்ற வழியைத் தேடிக்கொள்ளட்டும் .

ஸல்த் பின் ராஷித் ரஹிமஹுல்லாஹ் கூறியதாவது : நான் தாவூஸ் ரஹிமஹுல்லாஹ் அவர்களிடம் ஒரு பிரச்சனை ( முஸ்அலா ) குறித்துக் கேட்டேன் . அதற்கு அவர்கள் , “ இது நடந்ததா ?” என்று கேட்டார்கள் . அதற்கு நான் , “ ஆம் !” என்றேன் . “ அல்லாஹ்வின் மீது ஆணையாகவா ?” என்று கேட்டார்கள் . அதற்கு நான் , “ அல்லாஹ்வின்மீது ஆணையாக !” என்றேன் . பிறகு அவர்கள் சொன்னார்கள் : முஆத் பின் ஜபல் ரளியல்லாஹு அன்ஹு அவர்களிடமிருந்து நம்முடைய தோழர்கள் நமக்கு அறிவித்தார்கள் . மக்களே ! சோதனை இறங்குவதற்கு முன்னரே , அது இறங்க வேண்டுமென அவசரப்படாதீர்கள் . அப்படிச் செய்தால் இங்குமங்கும் உங்களை அது கொண்டு சென்றுவிடும் . நீங்கள் சோதனை இறங்குவதற்குமுன் , அது இறங்க வேண்டுமென அவசரப்படவில்லையானால் , முஸ்லிம்களுள் யாரேனும் ஒருவர் வினாத் தொடுக்கப்பட்டால் அதைச் சீராகச் சொல் ( லி வழிகாட்டு ) வார் . அவர் ஏதேனும் கூறினால் , அதற்கு நல்வாய்ப்பு வழங்கப்படுவார் .

அபூநள்ரா ரஹிமஹுல்லாஹ் கூறியதாவது : அபூசலமா ரளியல்லாஹு அன்ஹு பஸ்ரா வந்திருந்தபோது , நானும் ஹஸன் பஸ்`ரீ ரஹிமஹுல்லாஹ் அவர்களும் அவர்களிடம் வந்தோம் . அப்போது அவர்கள் , ஹஸன் பஸ்`ரீ அவர்களிடம் , “ நீங்கள்தாம் ஹஸனா ? இந்த பஸ்ராவில் உம்மைச் சந்திப்பதைவிட எனக்குப் பிரியமானவர் யாருமில்லை . ஏனென்றால் தாங்கள் உங்களின் ( சொந்தக் ) கருத்தின்மூலம் மார்க்கத் தீர்ப்பு வழங்குவதாக எனக்குச் செய்தி கிடைத்தது . அவ்வாறு தாங்கள் உங்களின் ( சொந்தக் ) கருத்தின்மூலம் மார்க்கத் தீர்ப்பு வழங்காதீர் . ( மாறாக ) அ( ந்தத் தீர்ப்பான ) து அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடமிருந்து வந்துள்ள சுன்னத்தாக இருக்க வேண்டும் . அல்லது இறக்கியருளப்பட்ட வேதமாக இருக்க வேண்டும் ” என்று கூறினார்கள் .

அப்துல் அஃலா ரஹிமஹுல்லாஹ் கூறியதாவது : ஹஸன் அல்பஸ்`ரீ ரஹிமஹுல்லாஹ் ( ஒரு நாள் ) கடைவீதிக்குச் சென்று ஒருவரிடம் துணியை விலைபேசி வாங்கினார்கள் . அந்த வியாபாரி , “ இது உமக்காக இன்னின்ன விலை . அல்லாஹ்வின் மீதாணையாக . மற்றவராக இருந்திருந்தால் இதை நான் ( இன்ன விலைக்குக் ) கொடுத்திருக்க மாட்டேன் ; ( தங்களின் கல்வியின் காரணமாக ) இதை ( எந்தவிதப் பேரமும் பேசாமல் விற்க ) ச் செய்துவிட்டீர்கள் ” என்றார் . ( அதைக் கேட்ட இமாம் அவர்கள் ) அதன்பிறகு அல்லாஹ்வோடு சேர்கின்ற ( மரணம் ) வரை வாங்கவோ விற்கவோ கடைவீதிக்கு வந்ததே இல்லை .

உபைத் பின் ஹஸன் ரஹிமஹுல்லாஹ் கூறியதாவது : முஸ்அப் பின் அஸ்ஸுபைர் ரஹிமஹுல்லாஹ் , ரமளான் மாதம் தொடங்கும்போது கூஃபாவாழ் காரீகளுக்கு ( குர்ஆன் ஓதுவோர் ) பொருளைக் கொடுப்பதாகச் சத்தியம் செய்தார் . எனவே அவர் அப்துர் ரஹ்மான் பின் மஅகில் என்பாருக்கு ஈராயிரம் திர்ஹம்களை அனுப்பிவைத்து , “ உம்முடைய இந்த மாதத்தில் இதைக்கொண்டு உதவிபெற்றுக்கொள்வீராக ” என்று சொல்லியனுப்பினார் . ( ஆனால் ) அப்துர் ரஹ்மான் பின் மஅகில் , “ இந்த அன்பளிப்புக்காக நாங்கள் குர்ஆன் ஓதுவதில்லை ” என்று கூறி , அதைத் திருப்பி அனுப்பிவிட்டார் .

உபைதுல்லாஹ் பின் உமர் ரஹிமஹுல்லாஹ் கூறியதாவது : உமர் பின் அல்கத்தாப் ரளியல்லாஹு அன்ஹு , அப்துல்லாஹ் பின் ஸலாம் அவர்களிடம் , “ கல்வியாளர்கள் யார் ?” என்று கேட்டார்கள் . அதற்கு அவர்கள் , “ தாம் அறிந்ததைக்கொண்டு செயல்படுபவர்களே ஆவர் ” என்று கூறினார்கள் . “( கல்விக்கேற்ற செயல்பாடு இல்லையானால் ) ஆண்களின் உள்ளங்களிலிருந்து கல்வியை ( இல்ம் ) இல்லாமல் அழித்துவிடுமா ?” என்று மறுவினாத் தொடுத்தார்கள் . அதற்கு அவர்கள் , “( கல்வியைத் தேட வேண்டுமென்ற ) தேட்டம் ( அழிந்துவிடும் )” என்று விடையளித்தார்கள் .

அலீ ரளியல்லாஹு அன்ஹு கூறியதாவது : கல்வியைக் கற்றுக்கொள்ளுங்கள் . அதைக் கற்றுக்கொண்டால் அதனோடு அடக்கமாக இருங்கள் . அதனைச் சிரிப்போடும் விளையாட்டோடும் கலந்துவிடாதீர்கள் . ( அவ்வாறு செய்தால் கற்ற ) அந்த உள்ளம் அதனைத் துப்பிவிடும் .

சுலைம் பின் ஹன்ழலா ரஹிமஹுல்லாஹ் கூறியதாவது : உபை பின் கஅப் ரளியல்லாஹு அன்ஹு அவர்களிடம் பேசிக்கொண்டிருப்பதற்காக வந்தோம் . ( பேச்சு முடிந்து ) அவர் எழுந்தபோது நாங்களும் எழுந்து , அவருக்குப் பின்னால் நடந்துசென்றோம் . அதைக் கண்ட உமர் ரளியல்லாஹு அன்ஹு , அவரைப் பின்பற்றி வந்து அவரைச் சாட்டையால் அடித்தார்கள் . அவருக்குப் பின்னால் செல்வதை நீங்கள் தவிர்த்துக் கொள்ளுங்கள் ” என்று கூறினார்கள் . “ அமீருல் முஃமினீன் அவர்களே ! ( அப்படியானால் ) நாங்கள் என்ன செய்ய வேண்டும் ?” என்று வினவினார் . பின்பற்றிச் செல்பவருக்கு அது இழிவு என்றும் , பின்பற்றிச் செல்லப்படுபவருக்கு ஏதாவது குழப்பம் ஏற்படும் என்பதை நீர் கவனிக்க மாட்டீரா ?” என்று கேட்டார்கள் .

இப்ராஹீம் ரஹிமஹுல்லாஹ் கூறியதாவது : ( அறிஞர்களாகிய ) அவர்கள் தமக்குப் பின்னால் காலடித் தடங்கள் மிதிக்கப்படுவதை ( மனிதர்கள் நடந்துவருவதை ) வெறுப்பவர்களாக இருந்தார்கள் .

உமய்யு என்ற இப்னு ரபீஆ அல்முராதீ என்பாரிடமிருந்து சுஃப்யான் ரஹிமஹுல்லாஹ் கூறியதாவது : அலீ ரளியல்லாஹு அன்ஹு அவர்களுக்குப் பின்னால் ( மக்கள் சிலர் ) நடந்தார்கள் . அப்போது அவர்கள் , “ உங்களுடைய காலணி ஓசையை என்னைவிட்டு விலக்கிக் கொள்ளுங்கள் . ஏனென்றால் இ( வ்வாறு நீங்கள் நடந்துவருவ ) து அறிவிலிகளின் நெஞ்சங்களில் குழப்பத்தை ஏற்படுத்தும் ” என்று கூறினார்கள் .

உபாதா பின் அஸ்ஸாமித் ரளியல்லாஹு அன்ஹு அறிவித்துள்ளதாவது : திண்ணைத் தோழர்களுக்கு எழுத்துப் பயிற்சியையும் குர்ஆனையும் கற்றுக்கொடுத்தேன் . ஆகவே அவர்களுள் ஒருவர் எனக்கொரு வில்லை அன்பளிப்பாகக் கொடுத்தார் . இது ( பணம் சார்ந்த ) பொருள் இல்லை . மேலும் நான் இதை அல்லாஹ்வின் பாதையில் எய்யப் பயன்படுத்துவேன் ; ( இருந்தாலும் ) நான் அல்லாஹ்வின் தூதரிடம் சென்று , ( இதற்கான விளக்கத்தைக் ) கேட்பேன் என்று நான் கூறிக்கொண்டேன் . எனவே நான் அவர்களிடம் வந்து , “ அல்லாஹ்வின் தூதரே ! எழுத்துப் பயிற்சியையும் குர்ஆனையும் கற்றுக்கொடுத்தவர்களுள் ஒருவர் , எனக்கொரு வில்லை அன்பளிப்பாகக் கொடுத்தார் . இது ( பணம் சார்ந்த ) பொருள் இல்லை . நான் இதை அல்லாஹ்வின் பாதையில் எய்ய ( ப் பயன்படுத்த ) லாமா ?” என்று கேட்டேன் . அதற்கவர்கள் , “ அதன் மூலம் ( உமக்கு ) நெருப்பு மாலை போடப்படுவது உமக்கு மகிழ்ச்சியளித்தால் , அதை நீர் ஏற்றுக்கொள்வீர் ” என்று கூறினார்கள் .

உபை பின் கஅப் ரளியல்லாஹு அன்ஹு அறிவித்துள்ளதாவது : நான் ஒருவருக்குக் குர்ஆனைக் கற்றுக்கொடுத்தேன் . ஆகவே அவர் எனக்கொரு வில்லை அன்பளிப்பாகக் கொடுத்தார் . நான் அதை அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடம் கூறினேன் . அதற்கவர்கள் , “ அதை நீர் எடுத்துக்கொண்டால் நரகத்திலிருந்து ஒரு வில்லை எடுத்துக்கொண்டுவிட்டீர் ” என்று கூறினார்கள் . ஆகவே நான் அதைத் திருப்பிக்கொடுத்துவிட்டேன் .

ஹிஷாம் பின் உர்வா ரஹிமஹுல்லாஹ் அறிவித்துள்ளதாவது : ( என் தந்தை ) உர்வா பின் அஸ்ஸுபைர் ரளியல்லாஹு அன்ஹு தம் பிள்ளைகளை ஒருங்கிணைத்து , “ என் அருமைப் பிள்ளைகளே ! கல்வியைக் கற்றுக்கொள்ளுங்கள் . நீங்கள் ( இப்போது ) மக்களுள் சிறுவர்களாக இருந்தாலும் ( எதிர்காலத்தில் ) பின்னோருக்குப் பெரியவர்களாக ஆகலாம் . கல்வியறிவில்லாத ஒரு முதியவரிடம் ( கல்வி குறித்துக் ) கேட்கப்படுவதைவிட மிக மோசமானது எதுவுமில்லை ” என்று கூறினார்கள் .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : ஒவ்வோர் இறைத்தூதருக்கும் சில அற்புதங்கள் வழங்கப்பட்டே இருந்தன . அவற்றைக் காணும் மக்கள் நம்பித்தான் ஆகவேண்டிய நிலை இருந்தது . எனக்கு வழங்கப்பெற்ற அற்புதமெல்லாம் , அல்லாஹ் எனக்கு அருளிய வேத அறிவிப்பு ( வஹீ ) தான் . ஆகவே , நபிமார்களிலேயே மறுமை நாளில் , பின்பற்றுவோர் அதிகம் உள்ள நபியாக நான் இருக்க வேண்டும் என எதிர்பார்க்கிறேன் .

அனஸ் பின் மாலிக் ரளியல்லாஹு அன்ஹு அறிவிப்பதாவது : அல்லாஹ் , தன் தூதர் ஸல்லல்லாஹு அலைஹி வஸல்லம் இறக்கும் வரையிலும் அவர்களுக்குத் தொடர்ந்து " வஹீ ` ( வேத அறிவிப்பை ) அருளினான் . அவர்கள் இறப்பதற்குச் சற்று முன்பு அருளப்பெற்ற வேத அறிவிப்பு ( மற்ற காலங்களில் அருளப்பெற்றதைவிட ) அதிகமாக இருந்தது . அதற்குப் பின்னரே , அல்லாஹ்வின் தூதர் ஸல்லல்லாஹு அலைஹி வஸல்லம் இறந்தார்கள் .

இப்னு அப்பாஸ் ரளியல்லாஹு அன்ஹு அறிவிப்பதாவது : அல்லாஹ்வின் தூதர் ஸல்லல்லாஹு அலைஹி வஸல்லம் ( நபியாக்கப்பட்ட பின் ) மக்காவில் பதின் மூன்றாண்டுகள் தங்கியிருந்தார்கள் . தம் அறுபத்து மூன்றாம் வயதில் இறப்பெய்தினார்கள் .

ஆயிஷா ரளியல்லாஹு அன்ஹா அவர்களும் இப்னு அப்பாஸ் ரளியல்லாஹு அன்ஹு அவர்களும் கூறியதாவது : நபி ஸல்லல்லாஹு அலைஹி வஸல்லம் தம்மீது குர்ஆன் அருளப்பட்டுக்கொண்டிருந்த நிலையில் ( தம் பிறந்தகமான ) மக்காவில் பத்தாண்டுகள் தங்கி இருந்தார்கள் ; ( ஹிஜ்ரத்துக்குப் பின் ) மதீனாவில் பத்தாண்டுகள் இருந்தார்கள் .

சஈத் பின் ஜுபைர் ரளியல்லாஹு அன்ஹு கூறியதாவது : நிச்சயமாக , நாம் அதை ( குர்ஆனை ) கண்ணியமிக்க ( லைலத்துல் கத்ர் ) இரவில் இறக்கினோம் (97: 1) என்று அல்லாஹ் கூறுவது குறித்து இப்னு அப்பாஸ் ரளியல்லாஹு அன்ஹு கூறினார்கள் : கண்ணியமிக்க ( லைலத்துல் கத்ர் ) இரவில் ஒரே மொத்தமாக உலக வானிற்கு அருளப்பட்டது . ( பின்னர் ) அது நட்சத்திரங்கள் விழுமிடத்தில் இருந்தது . அல்லாஹ் அதனைத் தன் தூதருக்கு ( அவ்வப்போது ) கொஞ்சம் கொஞ்சமாக இறக்கினான் . ( நபியே !) எவர்கள் ( உங்களை ) நிராகரிக்கிறார்களோ அவர்கள் , “ இந்த வேதம் முழுவதும் ஒரே தடவையில் இறக்கப்படவேண்டாமா ?`` என்று கூறுகின்றனர் . ( இதனை ) இவ்வாறு நாம் கொஞ்சம் கொஞ்சமாக இறக்கி ( வரிசை முறைப்படி ) ஒழுங்குபடுத்துவதெல்லாம் உங்கள் உள்ளத்தைத் திடப்படுத்துவதற்காகவே ! ( அல்ஃபுர்கான் : 32) என்ற வசனத்தை ஓதிக்காட்டினார்கள் .

அப்துல் அஸீஸ் பின் ருஃபைஉ ரஹிமஹுல்லாஹ் கூறியதாவது : நானும் ஷத்தாத் பின் மஅகில் ரஹிமஹுல்லாஹ் அவர்களும் இப்னு அப்பாஸ் ரளியல்லாஹு அன்ஹு அவர்களிடம் சென்றோம் . அப்போது இப்னு அப்பாஸ் ரளியல்லாஹு அன்ஹு அவர்களிடம் ஷத்தாத் ரஹிமஹுல்லாஹ் , “ நபி ஸல்லல்லாஹு அலைஹி வஸல்லம் ( உலகைப் பிரிந்தபோது , இந்தக் குர்ஆனில் இடம் பெறாத ) வேறு ( இறைவசனங்கள் ) எதையும் ( நம்மிடையே ) விட்டுச் சென்றார்களா ?`` என்று கேட்டார்கள் . இப்னு அப்பாஸ் ரஹிமஹுல்லாஹ் , “( இந்தக் குர்ஆனின் ) இரு அட்டைகளுக்கிடையேயுள்ள வசனங்களைத்தான் ( இறை வேதமாக ) நபி ஸல்லல்லாஹு அலைஹி வஸல்லம் விட்டுச்சென்றார்கள் `` என்று பதிலளித்தார்கள் . நாங்கள் அலீ ரளியல்லாஹு அன்ஹு அவர்களுடைய புதல்வரான முஹம்மது பின் ஹனஃபிய்யா ரஹிமஹுல்லாஹ் அவர்களிடம் சென்று , இது குறித்துக் கேட்டோம் . அதற்கு அவர்கள் “ இப்னு அப்பாஸ் ரளியல்லாஹு அன்ஹு பதிலளித்தது போன்றே “( இந்தக் குர்ஆனின் ) இரண்டு அட்டைகளுக்கிடையேயுள்ள வசனங்களைத்தான் ( இறை வேதமாக ) நபி ஸல்லல்லாஹு அலைஹி வஸல்லம் விட்டுச் சென்றார்கள் `` என்று பதிலளித்தார்கள் .

பராஉ ரளியல்லாஹு அன்ஹு கூறியதாவது : முழுமையான வடிவில் அருளப்பெற்ற கடைசி அத்தியாயம் , " பராஅத் ` (" அத்தவ்பா ` என்னும் 9-ஆம்) அத்தியாயம் ஆகும் . கடைசியாக அருளப்பெற்ற அத்தியாயப் பகுதி " அந்நிஸா`வின் இறுதிப் பகுதியாகும் . அந்த வசனம் வருமாறு : ( நபியே !) மக்கள் உங்களிடம் " கலாலா ` பற்றித் தீர்ப்பு வழங்குமாறு கேட்கிறார்கள் . நீங்கள் கூறுங்கள் : அல்லாஹ் உங்களுக்கு " கலாலா ` பற்றி இவ்வாறு தீர்ப்பளிக்கின்றான் .... (4: 176)

உபைதுல்லாஹ் பின் அப்தில்லாஹ் பின் உத்பா ரஹிமஹுல்லாஹ் கூறியதாவது : என்னிடம் இப்னு அப்பாஸ் ரளியல்லாஹு அன்ஹு , “ குர்ஆனில் இறுதியாக அருளப்பெற்ற முழு அத்தியாயம் எதுவென உங்களுக்குத் தெரியுமா ?`` என்று கேட்டார்கள் . நான் , “ ஆம் ; " அல்லாஹ்வின் உதவியும் வெற்றியும் வந்துவிட்டால் ...` என்று தொடங்கும் (110ஆம்) அத்தியாயமே அது `` என்று பதிலளித்தேன் . அதற்கு அவர்கள் ,” உண்மைதான் `` என்றார்கள் .

ஜுபைர் பின் நுஃபைர் ரஹிமஹுல்லாஹ் கூறியதாவது : நான் ஆயிஷா ரளியல்லாஹு அன்ஹா அவர்களிடம் சென்றேன் . அப்போது அவர்கள் , “ நீ அல்மாயிதா அத்தியாயத்தை ஓதுகிறாயா ?” என்று கேட்டார்கள் . “ ஆம் ” என்றேன் . “ அதுதான் கடைசியாக இறங்கிய அத்தியாயமாகும் . அதில் நீங்கள் ஆகுமானதெனக் கண்டதை ஆகுமாக்குங்கள் . தடைசெய்யப்பட்டதெனக் கண்டதைத் தடைசெய்துவிடுங்கள் ” என்று கூறினார்கள் . அல்லாஹ்வின் தூதர் ஸல்லல்லாஹு அலைஹி வஸல்லம் அவர்களின் குணத்தைக் குறித்து நான் அவர்களிடம் கேட்டேன் . அதற்கு அவர்கள் , “ குர்ஆன் ( ஆக இருந்தது )” என்று கூறினார்கள் .

ஆயிஷா ரளியல்லாஹு அன்ஹா கூறியதாவது : இக்ரஃ பிஸ்மி ரப்பிகல்லதீ கலக் ( பொருள் : - உம்மைப்-படைத்த உம் இறைவனின் பெயரால் ஓதுவீராக . - அல்அலக் ) என்று தொடங்கும் அத்தியாயமே முதன் முதலில் இறங்கியது .

அபூரஜா அல்உத்தாரிதீ ரஹிமஹுல்லாஹ் கூறியதாவது : அபூமூஸா அல்அஷ்அரீ ரளியல்லாஹு அன்ஹு அவர்களிடம் நாங்கள் பஸ்ராவின் மஸ்ஜிதில் வைத்து குர்ஆனைக் கற்றோம் . நாங்கள் வட்ட வட்டமாக அமர்ந்துகொண்டிருந்தோம் . ( அவர்கள் உடுத்தியிருந்த ) இரண்டு வெண்ணிற ஆடைகளில் அவர்களை ( இப்போதும் ) காண்பதைப் போன்று உள்ளது . அவர்களிடமிருந்துதான் இக்ரஃ பிஸ்மி ரப்பிகல்லதீ கலக் ( பொருள் : - உம்மைப்-படைத்த உம் இறைவனின் பெயரால் ஓதுவீராக ) என்று தொடங்கும் அத்தியாயத்தைக் கற்றேன் . ( அப்போது ) “ முஹம்மது ஸல்லல்லாஹு அலைஹி வஸல்லம் அவர்களுக்கு அருளப்பெற்ற அத்தியாயங்களுள் இதுவே முதலாவது ஆகும் ” என்று கூறினார்கள் .

உபை பின் கஅப் ரளியல்லாஹு அன்ஹு கூறியதாவது : குர்ஆனில் கடைசியாக இறங்கியது இதுதான் : ( இறைநம்பிக்கை கொண்டோரே ! நம்முடைய ) ஒரு தூதர் நிச்சயமாக உங்களிடம் வந்திருக்கின்றார் ; அவர் உங்களிலுள்ளவர்தாம் . ( உங்களுக்கு யாதொரு துன்பம் ஏற்பட்டு ) நீங்கள் சிரமத்திற்குள்ளாகிவிட்டால் , அது அவருக்கு மிக்க வருத்தமாகவே இருக்கும் . ( அந்த அளவிற்கு உங்கள்மீது அன்புடையவர் .) மேலும் உங்களுடைய நன்மையையே பெரிதும் விரும்புகின்றவராகவும் , நம்பிக்கையாளர் ( களாகிய உங் ) கள்மீது மிக்க கருணையும் அன்பும் உடையவராகவும் இருக்கின்றார் . (9: 128)

( வேத அறிவிப்பை எழுதியோருள் ஒருவரான ) ஸைத் பின் ஸாபித் ரளியல்லாஹு அன்ஹு கூறியதாவது : யமாமா ( போரில் ) வீரர்கள் கொல்லப் பட்டபோது அபூபக்ர் ரளியல்லாஹு அன்ஹு ( என்னை அழைத்து வரும்படி ) ஆளனுப்பினார்கள் . ( நான் சென்றேன் .) அங்கே அவர்களுடன் உமர் ரளியல்லாஹு அன்ஹு அவர்களும் இருந்தார்கள் . அப்போது அபூபக்ர் ரளியல்லாஹு அன்ஹு கூறினார்கள் : உமர் ரளியல்லாஹு அன்ஹு என்னிடம் வந்து , இந்த யமாமா போர் , குர்ஆன் அறிஞர்கள் பலரைப் பலிகொண்டு விட்டது . ( இறைமறுப்பாளர்களுடன் போர் நடக்கும் ) எல்லா இடங்களிலும் குர்ஆன் அறிஞர்கள் பலர் கொல்லப்பட்டு அதனால் குர்ஆனில் பெரும்பகுதி ( அந்த நெஞ்சங்களுடன் அழிந்து ) போய்விடுமோ என்று நான் அஞ்சுகின்றேன் . ஆகவே , ( கலீஃபாவான ) நீங்கள் குர்ஆனைத் திரட்டுமாறு ஆணையிட வேண்டுமென நான் கருதுகின்றேன் `` என்று கூறினார்கள் . அதற்கு நான் , “ அல்லாஹ்வின் தூதர் ஸல்லல்லாஹு அலைஹி வஸல்லம் செய்யாத ஒன்றை நான் எப்படிச் செய்ய முடியும் ?`` என்று - உமர் அவர்களிடம் - கேட்டேன் . அதற்கு உமர் ரளியல்லாஹு அன்ஹு , “ அல்லாஹ்வின் மீதாணையாக ! இது நன்மை ( யான பணி ) தான் `` என்று கூறினார்கள் . இது விஷயமாக தொடர்ந்து உமர் ரளியல்லாஹு அன்ஹு என்னிடம் வலியுறுத்திக் கொண்டேயிருந்தார்கள் . முடிவில் , உமர் ரளியல்லாஹு அன்ஹு அவர்களின் மனத்தை அல்லாஹ் எதற்காக விரிவாக்கினானோ அதற்காக என் மனத்தையும் அவன் விரிவாக்கினான் ; இது விஷயத்தில் உமர் ரளியல்லாஹு அன்ஹு கருதியதையே நானும் ( உசிதமானதாகக் ) கண்டேன் . பிறகு அபூபக்ர் ரளியல்லாஹு அன்ஹு ( என்னிடம் ), “ நீங்கள் புத்திசாலியான இளைஞர் ; உங்களை நாங்கள் ( எந்த விதத்திலும் ) சந்தேகப்பட்டதில்லை . நீங்கள் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களுக்காக வஹீ ( வேத அறிவிப்பை ) எழுதக்கூடியவராக இருந்தீர்கள் . எனவே , ( தனித்தனிப் பிரதிகளில் பல்வேறு நபித்தோழர்களிடம் உள்ள ) குர்ஆன் வசனங்களைத் தேடி ( ஒரே பிரதியில் ) ஒன்றுதிரட்டுங்கள் `` என்று சொன்னார்கள் . அல்லாஹ்வின் மீதாணையாக ! மலைகளுள் ஒன்றை நகர்த்த வேண்டுமென என்னை அவர்கள் பணித்திருந்தாலும்கூட அது எனக்குப் பளுவாக இருந்திருக்காது . குர்ஆனை ஒன்று திரட்டும்படி எனக்கு அவர்கள் கட்டளையிட்டது அதைவிட எனக்குப் பளுவாக இருந்தது . நான் , “ அல்லாஹ்வின் தூதர் ஸல்லல்லாஹு அலைஹி வஸல்லம் செய்யாத ஒன்றை நீங்கள் இருவரும் எப்படிச் செய்யப் போகிறீர்கள் ?`` என்று கேட்டேன் . அதற்கு அபூபக்ர் ரளியல்லாஹு அன்ஹு , “ அல்லாஹ்வின் மீதாணையாக ! இது நன்மை ( யான பணி ) தான் `` என்று சொன்னார்கள் . இதையே என்னிடம் அன்னார் தொடர்ந்து வலியுறுத்திக் கொண்டிருந்தார்கள் . முடிவில் எதற்காக அபூபக்ர் , உமர் ரளியல்லாஹு அன்ஹுமா ஆகியோரின் மனத்தை அல்லாஹ் விரிவாக்கினானோ அதற்காக என் மனத்தையும் அல்லாஹ் விரிவாக்கினான் . அவர்கள் இருவரும் கருதியதையே நானும் ( உசிதமானதாகக் ) கருதினேன் . ஆகவே , நான் ( மக்களின் கரங்களிலிருந்த ) குர்ஆன் ( சுவடிகளைத் ) தேடினேன் . அகலமான பேரீச்சமட்டைகள் , துண்டுத் தோல்கள் , ஓடுகள் மற்றும் ( குர்ஆனை மனனம் செய்திருந்த ) மனிதர்களின் நெஞ்சங்கள் ஆகியவற்றிலிருந்து குர்ஆன் வசனங்களைத் திரட்டினேன் . அப்போது நான் அத்தவ்பா எனும் (9ஆம்) அத்தியாயத்தின் இறுதி வசனம் " குஸைமா ` ரளியல்லாஹு அன்ஹு அவர்களிடம் அல்லது " அபூகுஸைமா ` ரளியல்லாஹு அன்ஹு அவர்களிடம் இருக்கக் கண்டேன் . அதை நான் அதற்குரிய அத்தியாயத்தில் சேர்த்தேன் . “ உங்களிலிருந்தே ஒரு தூதர் உங்களிடம் வந்திருக்கிறார் `` என்று தொடங்கும் (9:128ஆம்) வசனமே அந்த வசனமாகும் . ( என் வாயிலாகத் திரட்டித் தொகுக்கப்பெற்ற ) குர்ஆன் பிரதிகள் ( கலீஃபா ) அபூபக்ர் ரளியல்லாஹு அன்ஹு அவர்களிடம் , அவர்களை அல்லாஹ் மரணிக்கச் செய்யும் வரை அவர்களது வாழ்நாள் முழுக்க இருந்து வந்தது . பிறகு ( கலீஃபா ) உமர் ரளியல்லாஹு அன்ஹு அவர்களிடம் அவர்களை அல்லாஹ் மரணிக்கச் செய்யும் வரை அவர்களது வாழ்நாள் முழுக்க இருந்து வந்தது . பிறகு ( நபிகளாரின் துணைவியாரான ) ஹஃப்ஸா பின்த் உமர் ரளியல்லாஹு அன்ஹா அவர்களிடம் இருந்துவந்தது .

அனஸ் பின் மாலிக் ரளியல்லாஹு அன்ஹு கூறியதாவது : ஹுதைஃபா பின் யமான் ரளியல்லாஹு அன்ஹு உஸ்மான் ரளியல்லாஹு அன்ஹு அவர்களிடம் ( அவர்களது ஆட்சிக் காலத்தின்போது மதீனாவிற்கு ) வருகை புரிந்தார்கள் . ( அப்போது ) உஸ்மான் ரளியல்லாஹு அன்ஹு , அர்மீனியா , அஃதர் பைஜான் ஆகிய நாடுகளை இராக்கியருடன் சேர்ந்து வெற்றி கொள்வதற்கான போரில் கலந்து கொள்ளுமாறு சிரியாவாழ் மக்களுக்கு ஆணை பிறப்பித்திருந்தார்கள் . ஹுதைஃபா ரளியல்லாஹு அன்ஹு அவர்களை , ( இராக் , சிரியா நாட்டு ) முஸ்லிம்கள் குர்ஆனை ஓதும் முறையில் கருத்து வேறுபாடுகொண்டது அதிர்ச்சிக்குள்ளாக்கியது . ஆகவே , ஹுதைஃபா ரளியல்லாஹு அன்ஹு உஸ்மான் ரளியல்லாஹு அன்ஹு அவர்களிடம் , “ யூதர்களும் கிறிஸ்தவர்களும் ( தங்களுடைய வேதங்களில் ) கருத்து வேறுபாடுகொண்டது போல் இந்தச் சமுதாயமும் இந்த ( த் திருக் குர்ஆன் ) வேதத்தில் கருத்து வேறுபாடு கொள்வதற்கு முன்பே இவர்களைக் காப்பாற்றுங்கள் , இறைநம்பிக்கையாளர்களின் தலைவர் அவர்களே !`` என்று கூறினார்கள் . ஆகவே , உஸ்மான் ரளியல்லாஹு அன்ஹு ( அன்னை ) ஹஃப்ஸா ரளியல்லாஹு அன்ஹா அவர்களிடம் ஆளனுப்பி " தங்களிடமுள்ள குர்ஆன் பதிவை எங்களிடம் கொடுத்து அனுப்புங்கள் ! நாங்கள் அதனைப் பல பிரதிகள் படியெடுத்துவிட்டுத் திருப்பித் தந்து விடுகிறோம் `` என்று தெரிவித்தார்கள் . எனவே , ஹஃப்ஸா ரளியல்லாஹு அன்ஹா தம்மிடமிருந்த குர்ஆன் பதிவை உஸ்மான் ரளியல்லாஹு அன்ஹு அவர்களிடம் கொடுத்தனுப்பினார்கள் . ஸைத் பின் ஸாபித் , அப்துல்லாஹ் பின் ஸுபைர் , சயீத் பின் ஆஸ் , அப்துர் ரஹ்மான் பின் ஹாரிஸ் பின் ஹிஷாம் ரளியல்லாஹு அன்ஹும் ஆகியோரிடம் அவற்றைப் பல பிரதிகளில் படியெடுக்கும்படி உஸ்மான் ரளியல்லாஹு அன்ஹு உத்தரவிட்டார்கள் . மேலும் , உஸ்மான் ரளியல்லாஹு அன்ஹு ( அந்த நால்வரில் ) குறைஷிக் குழுவினரான மூவரை நோக்கி , “ நீங்களும் ( அன்ஸாரியான ) ஸைத் பின் ஸாபித் அவர்களும் குர்ஆனில் ஏதேனும் ஒரு ( எழுத்திலக்கண ) விஷயத்தில் கருத்து வேறுபாடு கொண்டால் குறைஷியரின் ( வட்டார ) மொழிவழக்குப்படியே பதிவு செய்யுங்கள் . ஏனெனில் , குர்ஆன் குறைஷியரின் மொழிவழக்குப்படியே இறங்கிற்று `` என்று கூறினார்கள் . அந்த நால்வரும் அவ்வாறே செயல்பட்டார்கள் . ஹஃப்ஸா ரளியல்லாஹு அன்ஹா அவர்களிடமிருந்த அந்தக் குர்ஆன் பதிவை பல பிரதிகளில் படியெடுத்தார்கள் . பிறகு உஸ்மான் ரளியல்லாஹு அன்ஹு அந்தப் பிரதியை ஹஃப்ஸா ரளியல்லாஹு அன்ஹா அவர்களிடம் திருப்பிக் கொடுத்துவிட்டார்கள் . பிறகு அவர்கள் படியெடுத்த பிரதிகளில் ஒவ்வொன்றையும் ஒவ்வொரு பகுதிக்கு அனுப்பிவைத்தார்கள் . இதுவல்லாமல் ( புழக்கத்திலிருந்த ) இதர பிரதிகளை , அல்லது ஏடுகளை எரித்து விடும்படி உஸ்மான் ரளியல்லாஹு அன்ஹு உத்தரவிட்டார்கள் .

இப்னு அப்பாஸ் ரளியல்லாஹு அன்ஹு அறிவித்துள்ளதாவது : பிஸ்மில்லா ஹிர்ரஹ்மா னிர்ரஹீம் எனும் வசனம் அருளப்படுகின்ற வரை அத்தியாயங்களுக்கு இடையே பிரித்தல் பற்றி நபி ஸல்லல்லாஹு அலைஹி வஸல்லம் அறிந்திருக்கவில்லை .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக இப்னு அப்பாஸ் ரளியல்லாஹு அன்ஹு அறிவித்துள்ளதாவது : ஒரேயரு ( வட்டார ) மொழிவழக்குப் படி ஜிப்ரீல் அலைஹிஸ்ஸலாம் ( குர்ஆனை ) எனக்கு ஓதக் கற்றுத்தந்தார்கள் . அதை இன்னும் பல ( வட்டார ) மொழிவழக்குகளின்படி எனக்கு ஓதக் கற்றுத்தருமாறு அவர்களிடம் நான் திரும்பத் திரும்பக் கேட்டுக் கொண்டேயிருந்தேன் . ( நான் கேட்கக் கேட்க ) எனக்கு அவர்கள் அதிகப்படுத்திக் கொண்டே வந்து இறுதியில் ஏழு ( வட்டார ) மொழி வழக்குகள் அளவிற்கு வந்து நின்றது .

உமர் ரளியல்லாஹு அன்ஹு கூறியதாவது : ஹிஷாம் பின் ஹகீம் பின் ஹிஸாம் ரளியல்லாஹு அன்ஹு ( திருக்குர்ஆனின் 25ஆம்) அத்தியாயம் அல்ஃபுர்கானை நான் ஓதுகின்ற முறைக்கு மாற்றமாக ஓதுவதைச் செவியுற்றேன் . நபி ஸல்லல்லாஹு அலைஹி வஸல்லம் ஏற்கெனவே அந்த அத்தியாயத்தை எனக்கு ஓதிக் காட்டியிருந்தார்கள் . நான் , உடனே ஹிஷாம் ரளியல்லாஹு அன்ஹு அவர்களைக் கண்டிக்க முற்பட்டேன் . பிறகு ( சற்று யோசித்து ) அவர்கள் தொழுகையை முடிக்கும் வரை அவர்களுக்கு அவகாசம் அளித் ( துக் காத்திருந் ) தேன் . ( அவர்கள் தொழுது முடித்த ) பிறகு , அவர்களின் போர்வை ( போன்ற அங்கி ) யை அவர்களுடைய கழுத்தில் போட்டு இழுத்து , அல்லாஹ்வின் தூதரிடம் கொண்டு சென்று , "( நபியவர்களே !) நீங்கள் எனக்கு ஓதிக் கொடுத்ததற்கு மாற்றமாக இவர் ஓதுவதை நான் கேட்டேன் `` என்று கூறினேன் . நபி ஸல்லல்லாஹு அலைஹி வஸல்லம் , “ அவரை விட்டு விடுங்கள் `` என்று கூறினார்கள் . பிறகு ஹிஷாம் ரளியல்லாஹு அன்ஹு அவர்களை நோக்கி , “ நீங்கள் ஓதுங்கள் `` என்று கூறினார்கள் . அவர் ஓத , அதைக் கேட்ட நபி ஸல்லல்லாஹு அலைஹி வஸல்லம் , “ இப்படித்தான் ( இந்த அத்தியாயம் ) இறங்கிற்று `` என்று கூறினார்கள் . பிறகு என்னை நோக்கி , “ நீங்கள் ஓதுங்கள் `` என்று கூறினார்கள் . நான் ஓதினேன் . ( அதைக் கேட்ட ) நபி ஸல்லல்லாஹு அலைஹி வஸல்லம் , “ இப்படித்தான் ( இந்த அத்தியாயம் ) இறங்கிற்று . நிச்சயமாக , குர்ஆன் , ( ஓதுவதற்கான ) ஏழு முறைகளின்படி இறக்கியருளப்பட்டிருக்கின்றது . ஆகவே , உங்களுக்கு இலேசானதை அதிலிருந்து ஓதிக் கொள்ளுங்கள் `` என்று கூறினார்கள் .

உபை பின் கஅப் ரளியல்லாஹு அன்ஹு கூறியதாவது : ( ஒரு முறை ) நான் பள்ளிவாசலில் அமர்ந்திருந்தேன் . அப்போது ஒரு மனிதர் ( பள்ளிவாசலுக்குள் ) வந்து தொழலானார் ; ( தொழுகையில் குர்ஆன் வசனங்களை ) ஒரு விதமாக ஓதினார் . அதை நான் அறிந்திருக்கவில்லை . பிறகு மற்றொருவர் வந்து ( அதே வசனங்களை ) முதலாமவர் ஓதியதற்கு மாற்றமாக ஓதித் தொழலானார் . தொழுகை முடிந்ததும் நாங்கள் அனைவரும் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடம் சென்றோம் . நான் " இவர் குர்ஆனை நான் அறிந்திராத ( ஓதல் ) முறையில் ஓதினார் . பின்னர் மற்றவர் வந்து முதலாமவர் ஓதியதற்கு மாறாக ( அதையே ) வேறு முறையில் ஓதினார் `` என்றேன் . நபி ஸல்லல்லாஹு அலைஹி வஸல்லம் அவ்விருவரையும் ஓதிக் காட்டும்படி பணித்தார்கள் . அவ்விருவரும் ஓதினர் . நபி ஸல்லல்லாஹு அலைஹி வஸல்லம் அவ்விருவரும் சரியாகவே ஓதினர் எனக் கூறினார்கள் . ( இதைக் கேட்டவுடன் ) என் உள்ளத்தில் நபியவர்கள் பொய்யுரைக்கிறார்கள் என்ற எண்ணம் விழுந்தது . அறியாமைக் காலத்தில்கூட இத்தகைய எண்ணம் எனக்கு ஏற்பட்டதில்லை . என்னை ஆட்கொண்டிருந்த ( அந்த எண்ணத் ) தை அல்லாஹ்வின் தூதர் ஸல்லல்லாஹு அலைஹி வஸல்லம் கண்டபோது என் நெஞ்சில் ஓர் அடி அடித்தார்கள் . ( அடி விழுந்ததும் ) எனக்கு வியர்த்துக் கொட்டியது . அச்சத்தால் எனக்கு அல்லாஹ்வே காட்சியளிப்பதைப் போன்றிருந்தது . அப்போது அல்லாஹ்வின் தூதர் ஸல்லல்லாஹு அலைஹி வஸல்லம் என்னிடம் " உபை , குர்ஆனை ஓர் ஓதல் முறைப்படி ஓதுவீராக ` என எனக்கு ( இறைவனிடமிருந்து ) செய்தி அறிவிக்கப்பட்டது . உடனே நான் என் சமுதாயத்தாருக்கு இன்னும் எளிதாக்கும்படி ( இறைவனிடம் ) கோரினேன் . அப்போது " குர்ஆனை இரண்டு ஓதல் முறைப்படி ஓதுவீராக !` என எனக்கு இரண்டாவது முறையாக இறைவன் அறிவித்தான் . உடனே நான் இன்னும் என் சமுதாயத்தாருக்கு எளிதாக்கும்படி கோரினேன் . மூன்றாவது முறை குர்ஆனை ஏழு ஓதல் முறைகளின்படி ஓதுமாறு எனக்கு இறைவன் அறிவித்தான் . மேலும் , " நீர் கோரிய ( மூன்று கோரிக்கைகளில் ) ஒவ்வொரு கோரிக்கைக்கும் பகரமாக என்னிடம் உமக்கு ஓர் ( அங்கீகரிக்கப்பட்ட ) பிரார்த்தனை உண்டு ` என்றும் ( இறைவன் ) கூறினான் . எனவே நான் ‘ இறைவா ! என் சமுதாயத்தாரை மன்னிப்பாயாக ! இறைவா ! என் சமுதாயத்தாரின் குற்றங்குறைகளை மறைப்பாயாக !` என ( இரண்டு ) பிரார்த்தனை செய்தேன் . ( இவ்விரு பிரார்த்தனைகள் அல்லாமல் ) மூன்றாவது பிரார்த்தனையை நான் ஒரு நாளைக்காகத் தாமதப்படுத்தி ( பத்திரப்படுத்தி ) வைத்துள்ளேன் . அந்நாளில் படைப்பினங்கள் அனைத்தும் என்னிடம் ( பரிந்துரைக்கும்படி ) ஆவலுடன் வருவார்கள் ; இப்ராஹீம் அலைஹிஸ்ஸலாம் உட்பட `` எனக் கூறினார்கள் .

உபை பின் கஅப் ரளியல்லாஹு அன்ஹு கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் ( வானவத் தூதர் ) ஜிப்ரீல் அலைஹிஸ்ஸலாம் அவர்களைச் சந்தித்தபோது , " ஷிப்ரீலே ! நான் எழுத்தறிவற்ற சமுதாயத்தாருக்கு ( த் தூதராக ) அனுப்பப்பட்டுள்ளேன் . அவர்களில் இயலாதவர்களும் , முதிய வயதுடையவர்களும் , சிறுவர் சிறுமியரும் , எந்த ஒரு நூலையும் அறவே வாசிக்கத் தெரியாதவர்களும் உள்ளனர் ( இவர்களெல்லாம் எந்த முறையில் குர்ஆனை ஓதுவர் ?)" என்று கூறினார்கள் . அதற்கு ஜிப்ரீல் அலைஹிஸ்ஸலாம் , " இந்தக் குர்ஆன் ( ஓதுவதற்கான ) ஏழு முறைகளில் அருளப்பட்டிருக்கின்றது ( அவற்றில் எளிதானதை அவர்கள் ஓதிக்கொள்ளட்டும் )" என்று கூறினார்கள் .

அபூஜுஹைம் பின் ஹாரிஸ் ரளியல்லாஹு அன்ஹு கூறியதாவது : திருக்குர்ஆனின் ஒரு வசனத்தில் இருவர் கருத்துவேறுபாடு கொண்டார்கள் . ( அவர்களுள் ) ஒருவர் , “ நான் இதை அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடமிருந்து கற்றேன் ” என்றார் . ( அவ்விருவருள் ) மற்றவர் , “ நான் இதை அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடமிருந்து கற்றேன் ” என்றார் . எனவே அவ்விருவரும் நபி ஸல்லல்லாஹு அலைஹி வஸல்லம் அவர்களிடம் சென்று ( விஷயத்தைச் சொல்லி விளக்கம் ) கேட்டார்கள் . அப்போது நபி ஸல்லல்லாஹு அலைஹி வஸல்லம் , " இந்தக் குர்ஆன் ( ஓதுவதற்கான ) ஏழு முறைகளில் அருளப்பட்டிருக்கின்றது ( அவற்றில் எளிதானதை அவர்கள் ஓதிக்கொள்ளுங்கள் ); குர்ஆனில் ( சந்தேகம் கொண்டு ) தர்க்கம் செய்யாதீர்கள் . குர்ஆனில் ( சந்தேகம் கொண்டு ) தர்க்கம் செய்வது இறைமறுப்பாகும் " என்று கூறினார்கள் .

உபை பின் கஅப் ரளியல்லாஹு அன்ஹு கூறியதாவது:நான் ( குர்ஆனிலிருந்து ) ஒரு வசனத்தை ஓதினேன் . இப்னு மஸ்ஊத் ரளியல்லாஹு அன்ஹு அதற்கு மாற்றமாக ( அந்த வசனத்தை ) ஓதினார் . எனவே நான் நபி ஸல்லல்லாஹு அலைஹி வஸல்லம் அவர்களிடம் வந்து , “ இந்த வசனத்தை இன்னின்னவாறு நீங்கள் என்னிடம் ஓதவில்லையா ?” என்று கேட்டேன் . அதற்கு அவர்கள் , “ ஆம் !” என்றார்கள் . இப்னு மஸ்ஊத் ரளியல்லாஹு அன்ஹு “ இந்த வசனத்தை இன்னின்னவாறு நீங்கள் என்னிடம் ஓதவில்லையா ?” என்று கேட்டார்கள் . அதற்கு அவர்கள் , “ ஆம் ! நீங்கள் இருவரும் சரியாகவும் அழகாகவும் ஓதியுள்ளீர்கள் ” என்றார்கள் . பிறகு நான் அவர்களிடம் ( என் மனத்தில் ஏற்பட்ட சந்தேகத்தைக் ) கூறினேன் . எனவே அவர்கள் என் நெஞ்சத்தின்மீது ( ஓர் அடி ) அடித்தார்கள் . பின்பு அவர்கள் , “ உபை பின் கஅபே ! நிச்சயமாக என்னிடம் குர்ஆன் ஓதிக்காட்டப்பட்டது . அப்போது என்னிடம் , ஓர் ஓதல் முறையா , இரண்டு ஓதல் முறையா ?” என்று கேட்கப்பட்டது . என்னுடன் இருந்த வானவர் , “ இரண்டு ஓதல் முறை ” என்று கூறினார் . எனவே நான் , “ இரண்டு ஓதல் முறை ” என்று கூறினேன் . பிறகு “ இரண்டு ஓதல் முறையா , மூன்று ஓதல் முறையா ?” என்று கேட்டார் . என்னுடன் இருந்த வானவர் , “ மூன்று ஓதல் முறை ” என்று கூறினார் . எனவே நான் , “ மூன்று ஓதல் முறை ” என்று கூறினேன் . இவ்வாறே ( கேள்வியும் பதிலும் தொடர்ந்து ) ஏழு ஓதல் முறைகள் வரை அடைந்தது . அவற்றில் தெளிவான போதுமான ஓதல் முறைகள் இல்லாமலில்லை . ஃகஃபூரர் ரஹீமா ( மன்னிக்கக்கூடியவன் , அன்பாளன் ) என்று நீ சொன்னாலும் அல்லது சமீஅன் அலீமா ( செவியுறுபவன் , நன்கறிந்தவன் ) என்றோ அலீமன் சமீஆ ( நன்கறிந்தவன் , செவியுறுபவன் ) என்றோ நீ சொன்னாலும் அல்லாஹ் அவ்வாறே உள்ளான் . வேதனை குறித்துப் பேசுகின்ற வசனத்தில் நீ ரஹ்மத் எனும் அருளைக்கொண்டு முடிக்கக் கூடாது . ரஹ்மத் குறித்துப் பேசுகின்ற வசனத்தில் அதாப் எனும் வேதனையைக்கொண்டு முடிக்கக் கூடாது என்று கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : இந்தக் குர்ஆன் ( ஓதுவதற்கான ) ஏழு முறைகளில் அருளப்பட்டிருக்கின்றது ( அவற்றில் எளிதானதை அவர்கள் ஓதிக்கொள்ளுங்கள் ); குர்ஆனில் ( சந்தேகம் கொண்டு ) தர்க்கம் செய்வது இறைமறுப்பாகும் என்று - மும்முறை - கூறினார்கள் . அதில் நீங்கள் அறிந்ததைச் செயல்படுத்துங்கள் . அதில் நீங்கள் அறியாததை அறிந்தவரிடம் ( அவரது கவனத்திற்குத் ) திருப்புங்கள் .

யூசுப் பின் மாஹக் ரஹிமஹுல்லாஹ் கூறியதாவது : இறைநம்பிக்கையாளர்களின் அன்னை ஆயிஷா ரளியல்லாஹு அன்ஹா அவர்களிடம் நான் இருந்து கொண்டிருந்தேன் . அப்போது இராக் நாட்டைச் சேர்ந்த ஒருவர் வந்து , “( இறந்தவருக்கு அணிவிக்கப்படும் ) " கஃபன் ` துணியில் சிறந்தது எது ? ( வெள்ளை நிறமா ? மற்ற நிறமா ?)`` என்று கேட்டார் . ஆயிஷா ரளியல்லாஹு அன்ஹா , “ அடப்பாவமே ! ( நீங்கள் இறந்ததற்குப் பின்னால் எந்தக் கஃபன் துணியால் அடக்கம் செய்யப்பட்டாலும் ) உங்களுக்கு என்ன கஷ்டம் வந்துவிடப்போகிறது ?`` என்று கேட்டார்கள் . அதற்கவர் , “ இறைநம்பிக்கையாளர்களின் அன்னையே ! தங்களிடமுள்ள குர்ஆன் பிரதியை எனக்குக் காட்டுங்கள் ?`` என்று கூறினார் . ( அன்னை ) அவர்கள் , “ ஏன் ?`` என்று கேட்டார்கள் . அதற்கவர் , " அதனை ( முன்மாதிரியாக ) க்கொண்டு நான் குர்ஆனை ( வரிசைக்கிரமமாக ) த் தொகுக்க வேண்டும் . ஏனெனில் , ( தற்சமயம் ) வரிசைப்படி தொகுக்கப்படாமல் தான் குர்ஆன் ஓதப்பட்டு வருகிறது `` என்று சொன்னார் . ஆயிஷா ரளியல்லாஹு அன்ஹா , “( வரிசைப்படுத்தப்படாமல் உள்ள குர்ஆன் அத்தியாயங்களில் ) எதை நீங்கள் முதலில் ஓதினால் ( என்ன ? எதை அடுத்து ஓதினால் ) என்ன கஷ்டம் ( ஏற்பட்டு விடப்போகிறது )?`` என்று கேட்டார்கள் . " முஃபஸ்ஸல் ` ( எனும் ஓரளவு சிறிய ) அத்தியாயங்களில் உள்ள ஒன்றுதான் முதன் முதலில் அருளப்பட்டது ; அதில் சொர்க்கம் நரகம் பற்றிக் கூறப்பட்டது . அடுத்து மக்கள் இஸ்லாத்தை நோக்கித் திரும்பி ( அதன் நம்பிக்கைகள் மீது திருப்தியடையத் தொடங்கி ) யபோது ஹலால் ( அனுமதிக்கப்பட்டவை ) ஹராம் ( விலக்கப்பட்டவை ) குறித்த வசனங்கள் அருளப்பட்டன . எடுத்த எடுப்பிலேயே “ நீங்கள் மது அருந்தாதீர்கள் `` என்று வசனம் அருளப்பட்டிருந்தால் அவர்கள் , “ நாங்கள் ஒருபோதும் மதுவைக் கைவிடமாட்டோம் `` என்று கூறியிருப்பார்கள் . அல்லது , “ விபச்சாரம் செய்யாதீர்கள் `` என்று ( முதன் முதலில் ) வசனம் அருளப்பட்டிருக்குமானால் , நிச்சயம் அவர்கள் , “ நாங்கள் ஒருபோதும் விபச்சாரத்தைக் கைவிடமாட்டோம் `` என்று கூறியிருப்பார்கள் . ( ஆகவேதான் அல்லாஹ் , படிப்படியாகச் சட்ட விதிகளைக் கூறும் வசனங்களை அருளினான் .) நான் விளையாடும் சிறுமியாக இருந்தபோதுதான் மக்காவில் முஹம்மத் ஸல்லல்லாஹு அலைஹி வஸல்லம் அவர்களுக்கு “( இவர்களின் கணக்கைத் தீர்ப்பதற்காக உண்மையில் ) வாக்களிக்கப்பட்ட நேரம் மறுமை நாளாகும் . மேலும் , அந்த நேரம் மிகவும் அதிர்ச்சியளிக்கக் கூடியதும் , கசப்பானதுமாகும் `` எனும் (54:46ஆம்) வசனம் அருளப்பட்டது . ( சட்டங்கள் சம்பந்தமான வசனங்கள் இடம் பெற்றுள்ள ) அல்பகரா (2ஆம்) அத்தியாயமும் , அந்நிஸா (4ஆம்) அத்தியாயமும் நான் ( மதீனாவில் ) நபி ஸல்லல்லாஹு அலைஹி வஸல்லம் அவர்களுடன் ( அவர்களுடைய மனைவியாக ) இருந்தபோதுதான் இறங்கின என்று கூறிவிட்டு , ஆயிஷா ரளியல்லாஹு அன்ஹா தம்மிடமிருந்த அந்தக் குர்ஆன் பிரதியை ( இராக் நாட்டவரான ) அந்த மனிதருக்காகக் கொண்டுவந்து அவருக்காக ஒவ்வோர் அத்தியாயத்தின் வசனங்களையும் எழுதச் செய்தார்கள் .

மஸ்ரூக் ரஹிமஹுல்லாஹ் கூறியதாவது : அப்துல்லாஹ் பின் அம்ர் ரளியல்லாஹு அன்ஹு அவர்களிடம் அப்துல்லாஹ் பின் மஸ்ஊத் ரளியல்லாஹு அன்ஹு அவர்களைப் பற்றிய பேச்சு வந்தது . அப்போது அப்துல்லாஹ் பின் அம்ர் ரளியல்லாஹு அன்ஹு , “ அவர் எத்தகைய மனிதரென்றால் , அல்லாஹ்வின் தூதர் ஸல்லல்லாஹு அலைஹி வஸல்லம் , " அப்துல்லாஹ் பின் மஸ்ஊத் , அபூ ஹுதைஃபாவின் ( முன்னாள் ) அடிமையான சாலிம் , உபை பின் கஅப் , முஆத் பின் ஜபல் ஆகிய நால்வரிடமிருந்தும் குர்ஆனை ஓதக் கற்றுக் கொள்ளுங்கள் ` என்று சொல்லி அப்துல்லாஹ் பின் மஸ்ஊத் அவர்களை முதலாவதாகக் குறிப்பிட்டதைக் கேட்ட பிறகு அவரை நிரந்தரமாக நான் நேசிக்கலானேன் `` என்று சொன்னார்கள் . அறிவிப்பாளர்களுள் ஒருவரான அம்ர் பின் முர்ரா ரஹிமஹுல்லாஹ் , “ அப்துல்லாஹ் பின் அம்ர் ரளியல்லாஹு அன்ஹு அவர்கள் , உபை பின் கஅப் ரளியல்லாஹு அன்ஹு அவர்களை முதலாவதாகச் சொன்னாரா , முஆத் ரளியல்லாஹு அன்ஹு அவர்களை முதலாவதாகச் சொன்னாரா ( இவர்கள் இருவருள் யாரை முதலில் குறிப்பிட்டார் ) என்று எனக்குத் தெரியாது `` எனக் கூறுகிறார்கள் .

கதாதா ரஹிமஹுல்லாஹ் கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் அவர்களுடைய காலத்தில் நான்கு பேர் ( கொண்ட குழுவினர் ) குர்ஆனை ( மனனம் செய்து ) திரட்டினார்கள் . அவர்கள் அனைவருமே அன்ஸாரிகள் ஆவர் . 1. உபை பின் கஅப் . 2. முஆத் பின் ஜபல் . 3. அபூஸைத் . 4. ஸைத் பின் ஸாபித் ரளியல்லாஹு அன்ஹும் ஆகியோர்தாம் அவர்கள் `` என்று அனஸ் ரளியல்லாஹு அன்ஹு சொன்னார்கள் . நான் அனஸ் ரளியல்லாஹு அன்ஹு அவர்களிடம் , “ அபூஸைத் என்பவர் யார் ?`` என்று கேட்டேன் . அதற்கு அவர்கள் , “ என் தந்தையின் சகோதரர்களுள் ஒருவர் `` என்று பதிலளித்தார்கள் .

அனஸ் பின் மாலிக் ரளியல்லாஹு அன்ஹு கூறியதாவது : நபி ஸல்லல்லாஹு அலைஹி வஸல்லம் , உபை பின் கஅப் ரளியல்லாஹு அன்ஹு அவர்களிடத்தில் அல்லாஹ் உங்களுக்கு , “ வேதம் அருளப்பட்டவர்களிலும் இணை வைப்பவர்களிலும் உள்ள இறை நிராகரிப்பாளர்கள் தெளிவான சான்று தங்களிடம் வரும் வரை தங்களுடைய நிராகரிப்பிலிருந்து விலகிக் கொள்வோராய் இருக்கவில்லை ...`` என்னும் ( திருக்குர்ஆனின் 98ஆம்) அத்தியாயத்தை ஓதிக் காட்டும்படி எனக்குக் கட்டளையிட்டான் `` என்று சொன்னார்கள் . அதற்கு உபை பின் கஅப் ரளியல்லாஹு அன்ஹு , “ என் பெயரைக் குறிப்பிட்டா ( அப்படிச் ) சொன்னான் ?`` என்று கேட்க , நபி ஸல்லல்லாஹு அலைஹி வஸல்லம் , “ ஆம் `` என்று பதிலளித்தார்கள் . அதைக் கேட்டு உபை பின் கஅப் அவர்கள் ( ஆனந்தம் மேலிட்டு ) அழுதார்கள் .

அபூஹுரைரா ரளியல்லாஹு அன்ஹு கூறியதாவது : ஒவ்வோர் ஆண்டும் ஒரு முறை ( வானவர் ஜிப்ரீல் அதுவரை அருளப்பெற்ற ) குர்ஆன் வசனங்களை நபி ஸல்லல்லாஹு அலைஹி வஸல்லம் அவர்களுக்கு ( மொத்தமாக ) ஓதிக் காட்டுவது வழக்கம் . நபி ஸல்லல்லாஹு அலைஹி வஸல்லம் இறந்துபோன ஆண்டில் இரண்டு முறை அவர்களுக்கு ( ஜிப்ரீல் ) ஓதிக் காட்டினார்கள் . நபி ஸல்லல்லாஹு அலைஹி வஸல்லம் ஒவ்வோர் ஆண்டும் ( ரமளான் மாதத்தின் இறுதிப் ) பத்து நாட்கள் " இஃதிகாஃப் ` மேற்கொள்வது வழக்கம் . அவர்கள் இறந்த ஆண்டு , ( ரமளானில் ) இருபது நாட்கள் " இஃதிகாஃப் ` மேற்கொண்டார்கள் .

முஜாஹித் ரஹிமஹுல்லாஹ் கூறியதாவது : இப்னு அப்பாஸ் ரளியல்லாஹு அன்ஹு , “ இரண்டு ஓதல்களில் எது கடைசியாக இருந்தது ? அப்துல்லாஹ் பின் மஸ்ஊத் அவர்களின் ஓதலா ? ஸைத் பின் ஸாபித் அவர்களின் ஓதலா ?” என்று கேட்டார்கள் . “ ஸைத் பின் ஸாபித் அவர்களின் ஓதல்தான் ” என்று நாங்கள் கூறினோம் . அதற்கு அவர்கள் , “ இல்லை . மாறாக , ஒவ்வோர் ஆண்டும் ஒரு முறை வானவர் ஜிப்ரீல் அவர்களிடம் ( அதுவரை அருளப்பெற்ற ) குர்ஆன் வசனங்களை அல்லாஹ்வின் தூதர் ஸல்லல்லாஹு அலைஹி வஸல்லம் ( மொத்தமாக ) ஓதிக் காட்டுவது வழக்கம் . நபி ஸல்லல்லாஹு அலைஹி வஸல்லம் இறந்துபோன ஆண்டில் இரண்டு முறை அவர்கள் அவரிடம் ( ஜிப்ரீலிடம் ) ஓதிக் காட்டினார்கள் . மேலும் ஓதலில் கடைசியானது அப்துல்லாஹ் பின் மஸ்ஊத் அவர்களின் ஓதல்தான் ” என்று கூறினார்கள் .

சமுரா பின் ஜுன்துப் ரளியல்லாஹு அன்ஹு கூறியதாவது : குர்ஆன் வசனங்கள் பல தடவை அல்லாஹ்வின் தூதர் ஸல்லல்லாஹு அலைஹி வஸல்லம் அவர்களுக்கு ( மொத்தமாக ) ஓதிக் காட்டப்பட்டது . எனவே மக்களாகிய அவர்கள் , ( முன்னிலையில் ஓதிக்காட்டப்படும்போது ) நிச்சயமாக நம்முடைய இந்த ஓதல் முறைதான் ( நபியவர்களுக்குக் ) கடைசியாக ஓதிக்காட்டப்பட்டது என்று கூறுவார்கள் .

அனஸ் பின் மாலிக் ரளியல்லாஹு அன்ஹு கூறியதாவது : ஒவ்வோர் ஆண்டும் ரமளானில் ஒரு முறை ( அதுவரை அருளப்பெற்ற ) குர்ஆன் வசனங்களை நபி ஸல்லல்லாஹு அலைஹி வஸல்லம் அவர்களிடம் வானவர் ஜிப்ரீல் ( மொத்தமாக ) ஓதிக் காட்டுவது வழக்கம் . நபியவர்களின் உயிர் கைப்பற்றப்பட்ட ஆண்டில் அதை இரண்டு முறை ஓதிக்காட்டினார் .

உமர் ரளியல்லாஹு அன்ஹு கூறியதாவது : எங்களுள் ( குர்ஆனை ) நன்கு ஓதத் தெரிந்தவர் உபை பின் கஅப் ரளியல்லாஹு அன்ஹு ஆவார் . எங்களுள் நன்கு தீர்ப்பு வழங்கும் ஞானமுடையவர் அலீ ரளியல்லாஹு அன்ஹு ஆவார் . நாங்கள் உபை அவர்களின் சொற்களில் சிலவற்றை விட்டுவிடுவோம் . ஏனெனில் அவர் , “ அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடமிருந்து நான் செவிமடுத்த எதையும் கைவிடமாட்டேன் `` என்று சொல்வார் . ஆனால் , அல்லாஹ்வோ , “ எந்த ஒரு வசனத்தையாவது நாம் மாற்றிவிட்டால் , அல்லது அகற்றிவிட்டால் ( அதற்குப் பதிலாக ) அதனினும் சிறந்த , அல்லது அதைப் போன்ற வேறு வசனத்தை நாம் கொண்டு வருகிறோம் `` (2: 106) என்று கூறியுள்ளான் .

ஸிர்ரு ரஹிமஹுல்லாஹ் கூறியதாவது : உபை பின் கஅப் ரளியல்லாஹு அன்ஹு என்னிடம் , “ நீர் அல்அஹ்ஸாப் அத்தியாயத்தை ஓதுவதைப்போல் தெரிகிறதே ? அல்லது அதை எண்ணுவதைப் போல் தெரிகிறதே ? என்று கேட்டார்கள் . அதற்கு நான் , “( ஆம் ! அதில் ) எழுபத்து மூன்று வசனங்கள் உள்ளன ” என்று கூறினேன் . அதற்கு அவர்கள் , நிச்சயமாக ! நான் அதைப் பார்த்திருக்கிறேன் . திண்ணமாக அது அல்பகரா அத்தியாயத்திற்குச் சமமானது . அதில் நாங்கள் ( இவ்வாறு ) படித்திருக்கிறோம் : முதியவரும் மூதாட்டியும் விபச்சாரம் செய்துவிட்டால் கண்டிப்பாக அல்லாஹ்விடமிருந்துள்ள தண்டனையாக அவ்விருவரையும் ( மரணம் வரை ) கல்லால் அடியுங்கள் . அல்லாஹ் நன்கறிந்தோனும் நுட்பமானவனும் ஆவான் .

அப்துல்லாஹ் பின் மஸ்ஊத் ரளியல்லாஹு அன்ஹு கூறியதாவது : எதுவெல்லாம் யாஅய் ‎ யுஹல்லதீன ஆமனூ ( இறைநம்பிக்கைகொண்டோரே ) என்று தொடங்குகிறதோ அதுவெல்லாம் மதீனாவில் அருளப்பட்டது . எதுவெல்லாம் யாஅய்யுஹன்னாஸ் ( மக்களே ) என்று தொடங்குகிறதோ அதுவெல்லாம் மக்காவில் அருளப்பட்டது .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூமூஸா அல்அஷ்அரீ ரளியல்லாஹு அன்ஹு கூறியதாவது : குர்ஆனை ஓதும் இறைநம்பிக்கையாளரின் நிலையானது , நாரத்தைப் பழம் போன்றதாகும் . அதன் மணமும் நன்று ; சுவையும் நன்று . குர்ஆனை ஓதாத இறைநம்பிக்கையாளரின் நிலையானது பேரீச்சம் பழத்தைப் போன்றதாகும் . அதற்கு மணம் கிடையாது ; ( ஆனால் ,) அதன் சுவை இனிமையானது . குர்ஆனை ஓதுகின்ற நயவஞ்சகனின் நிலையானது , துளசிச் செடியின் நிலைக்கு ஒத்திருக்கிறது . அதன் மணம் நன்று . அதன் சுவையோ கசப்பானது . குர்ஆனை ஓதாத நயவஞ்சகனின் நிலையானது , குமட்டிக்காயின் நிலைக்கு ஒத்திருக்கிறது . அதற்கு மணமும் கிடையாது ; அதன் சுவையும் கசப்பானதாகும் .

நபி ஸல்லல்லாஹு அலைஹி வஸல்லம் கூறியதாக அப்துல்லாஹ் பின் உமர் ரளியல்லாஹு அன்ஹு கூறியதாவது : இரண்டில் தவிர வேறெதிலும் பொறாமை கூடாது . 1. ஒரு மனிதருக்கு அல்லாஹ் குர்ஆன் ஞானத்தை அருள , அவர் அதை அல்லும் பகலும் ஓதி ( அதன்படி செயல்பட்டு ) வருகிறார் . 2. இன்னொரு மனிதருக்கு அல்லாஹ் செல்வத்தை வழங்க , அவர் அதை அல்லும் பகலும் தானம் செய்கிறார் .

அபூஹுரைரா ரளியல்லாஹு அன்ஹு கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் , “ உங்களுள் ஒருவர் தம் வீட்டாரிடம் செல்கையில் வீட்டில் மூன்று பெரிய கொழுத்த சினை ஒட்டகங்கள் காணப்படுவதை விரும்புவாரா ?`` என்று கேட்டார்கள் . நாங்கள் " ஆம் ` என்று பதிலளித்தோம் . அப்போது அவர்கள் , “ உங்களுள் ஒருவர் தமது தொழுகையில் மூன்று வசனங்களை ஓதுவது மூன்று பெரிய கொழுத்த சினை ஒட்டகங்களைவிடச் சிறந்ததாகும் `` என்று கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அப்துல்லாஹ் பின் அம்ர் ரளியல்லாஹு அன்ஹு அறிவிப்பதாவது : ( மறுமை நாளில் ) குர்ஆன் உடையவரிடம் ( மனனம் செய்தவரிடம் ) “ உலகில் அதை நீர் நிறுத்தி நிறுத்தித் தெளிவாக ஓதிக்கொண்டிருந்ததைப்போல் ஓதிக்கொண்டே முன்னேறிச் செல்வீராக . நீர் ஓதுகின்ற கடைசி வசனத்தின் இடத்தில் உம்முடைய தங்குமிடம் உள்ளது ” என்று சொல்லப்படும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அப்துல்லாஹ் பின் மஸ்ஊத் ரளியல்லாஹு அன்ஹு அறிவிப்பதாவது : அல்லாஹ்வின் வேதத்தில் ( குர்ஆனில் ) ஓர் எழுத்தை ஓதியவருக்கு ஒரு நன்மை உண்டு . ஒரு நன்மைக்கு அதைப் போன்ற பத்து மடங்கு நன்மை ( என்ற அடிப்படையில் அவருக்கு ) உண்டு . ` அலிஃப் லாம் மீம் ` என்பது ஓர் எழுத்தாகும் என்று நான் கூறமாட்டேன் . மாறாக , அலிஃப் என்பது ஓர் எழுத்தாகும் ; லாம் என்பது ஓர் எழுத்தாகும் ; மீம் என்பது ஓர் எழுத்தாகும் .

அனஸ் பின் மாலிக் ரளியல்லாஹு அன்ஹு அறிவிப்பதாவது : “ திண்ணமாக அல்லாஹ்வுக்கு மக்களிலிருந்து குடும்பத்தினர் உள்ளனர் ” என்று அல்லாஹ்வின் தூதர் ஸல்லல்லாஹு அலைஹி வஸல்லம் கூறினார்கள் . அப்போது , “ அல்லாஹ்வின் தூதரே ! அவர்கள் யாவர் ?” என்று ( தோழர்கள் ) வினவினர் . “ அவர்கள்தாம் குர்ஆனை உடையவர்கள் ; அல்லாஹ்வின் குடும்பத்தினர் ; அவனோடு நெருங்கிய தொடர்புடையவர்கள் ” என்று விடையளித்தார்கள் .

அபூஉமாமா ரளியல்லாஹு அன்ஹு அறிவிப்பதாவது : குர்ஆனை ஓதுங்கள் . ( இங்கு ஆணியில் ) மாட்டப்பட்டுள்ள இந்தக் குர்ஆன் பிரதிகள் உங்களை ஏமாற்றிவிட வேண்டாம் . ஏனென்றால் திண்ணமாக அல்லாஹ் இந்தக் குர்ஆனைப் பாதுகாத்த உள்ளத்தை ஒருபோதும் வேதனைப்படுத்த மாட்டான் .

இப்னு அப்பாஸ் ரளியல்லாஹு அன்ஹு அறிவிப்பதாவது : உங்களுள் ஒருவர் கடைவீதியிலிருந்து அல்லது தம் தேவையிலிருந்து திரும்பி , ( உறங்குவதற்காகத் ) தம் விரிப்பில் சாய்ந்தால் , குர்ஆனிலிருந்து மூன்று வசனங்களை ( யேனும் ) ஓதுவதிலிருந்து தடுத்துவிட வேண்டாம் .

நபி ஸல்லல்லாஹு அலைஹி வஸல்லம் கூறியதாக ஆயிஷா ரளியல்லாஹு அன்ஹா அறிவிப்பதாவது : குர்ஆனை மனனமிட்டு ( ச் சிரமமின்றி ) ஓதிவருபவர் கண்ணியம் நிறைந்த தூதர்க ( ளான வானவர்க ) ளைப் போன்றவராவார் . குர்ஆனை ( மனனம் செய்திராவிட்டாலும் அதனைச் ) சிரமத்துடன் தொடர்ந்து ஓதி வருகின்றவருக்கு இரு மடங்கு நன்மைகள் உண்டு .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக இப்னு உமர் ரளியல்லாஹு அன்ஹு அறிவிப்பதாவது : குர்ஆனை ( ப் பார்த்தோ மனப்பாடமாகவோ ) ஓதுகின்றவரின் நிலையெல்லாம் , கயிற்றால் கட்டிவைக்கப்பட்டுள்ள ஒட்டக உரிமையாளரின் நிலையை ஒத்திருக்கிறது . அதனை அவர் கண்காணித்து வந்தால் தம்மிடமே அதை அவர் தக்கவைத்துக் கொள்ளலாம் . அதை அவிழ்த்துவிட்டு விட்டாலோ அது ஓடிப்போய்விடும் .

நபி ஸல்லல்லாஹு அலைஹி வஸல்லம் கூறியதாக அப்துல்லாஹ் பின் மஸ்ஊத் ரளியல்லாஹு அன்ஹு அறிவிப்பதாவது : “ இன்ன இன்ன குர்ஆன் வசனங்களை நான் மறந்துவிட்டேன் `` என்று ஒருவர் கூறுவதுதான் அவரின் வார்த்தைகளிலேயே மிகவும் மோசமான வார்த்தையாகும் . வேண்டுமானால் , " மறக்க வைக்கப்பட்டு விட்டது ` என்று அவர் கூறட்டும் ! குர்ஆனைத் தொடர்ந்து ( ஓதி ) நினைவுபடுத்தி வாருங்கள் . ஏனெனில் , ஒட்டகங்களைவிட வேகமாக மனிதர்களின் நெஞ்சங்களிலிருந்து குர்ஆன் தப்பக்கூடியதாகும் .

சாயிப் பின் யஸீத் ரளியல்லாஹு அன்ஹு அறிவிப்பதாவது : அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடம் ஜுரைஹ் அல்ஹள்ரமீ என்பாரைக் குறித்துக் கூறப்பட்டது . அதற்கு அல்லாஹ்வின் தூதர் ஸல்லல்லாஹு அலைஹி வஸல்லம் , “ குர்ஆனைத் தலையணையாக ஆக்கிக்கொள்ள வேண்டாம் ” என்று கூறினார்கள் .

நபி ஸல்லல்லாஹு அலைஹி வஸல்லம் கூறியதாக உஸ்மான் ரளியல்லாஹு அன்ஹு அறிவிப்பதாவது : குர்ஆனைத் தாமும் கற்று , பிறருக்கும் அதனைக் கற்பித்தவரே உங்களுள் சிறந்தவர் .

சஈத் பின் ஜுபைர் ரளியல்லாஹு அன்ஹு கூறியதாவது : “ நான் அல்லாஹ்வின் தூதர் ஸல்லல்லாஹு அலைஹி வஸல்லம் ( வாழ்ந்த ) காலத்திலேயே " அல் முஹ்கம் ` அத்தியாயங்களை மனனம் செய்திருந்தேன் `` என்று இப்னு அப்பாஸ் ரளியல்லாஹு அன்ஹு கூறினார்கள் . நான் அவர்களிடம் , “ அல்முஹ்கம் என்றால் என்ன ?`` என்று கேட்டேன் . அவர்கள் “ அல்முஃபஸ்ஸல்`தான் (" அல்முஹ்கம் `)`` என்று ( பதில் ) சொன்னார்கள் .

ஷுஅபா பின் அல்ஹஜ்ஜாஜ் ரஹிமஹுல்லாஹ் கூறியதாவது : முஆவியா பின் குர்ரா ரஹிமஹுல்லாஹ் , " அப்துல்லாஹ் பின் முகஃப்பல் அல்முஸனீ ரளியல்லாஹு அன்ஹு மக்கா வெற்றி நாளில் அல்லாஹ்வின் தூதர் ஸல்லல்லாஹு அலைஹி வஸல்லம் தமது ஒட்டகம் ஒன்றின்மீது இருந்தபடி " அல் ஃபத்ஹ் எனும் (48ஆம்) அத்தியாயத்தை ` அல்லது " அல்ஃபத்ஹ் அத்தியாயத்தில் ஒரு பகுதியை ` ஓதிக்கொண்டிருக்கக் கண்டேன் . அப்போது நபி ஸல்லல்லாஹு அலைஹி வஸல்லம் " தர்ஜீஉ ` எனும் ஓசை நயத்துடன் ( இழுத்து ) ஓதிக்கொண்டிருந்தார்கள் என்று எனக்கு அறிவித்தார்கள் `` எனக் கூறிவிட்டு , இப்னு முகஃப்பல் ரளியல்லாஹு அன்ஹு ஓதியதைப் போன்று அப்படியே ஓதிக் காட்டினார்கள் . பிறகு , “ உங்களைச் சுற்றி மக்கள் கூடி விடுவார்கள் எனும் அச்சம் எனக்கில்லாவிட்டால் நபி ஸல்லல்லாஹு அலைஹி வஸல்லம் ஓதிய விதத்தை இப்னு முகஃப்பல் ரளியல்லாஹு அன்ஹு ஓசை நயத்துடன் ( இழுத்து ) ஓதிக் காட்டியதைப் போன்றே நானும் ஓதிக் காட்டியிருப்பேன் `` என்று சொன்னார்கள் . நான் , முஆவியா ரஹிமஹுல்லாஹ் அவர்களிடம் , “ அவர்கள் ஓசை நயத்துடன் ஓதிய முறை எப்படி ?`` என்று கேட்க ("ஆ` எனும் இடத்தில் ) ‘ஆ...ஆ...ஆ...` என்று மும்முறை ( இழுத்து ) அவர்கள் ஓதினார்கள் `` எனச் சொன்னார்கள் .

கத்தாதா ரஹிமஹுல்லாஹ் கூறியதாவது : “ நபி ஸல்லல்லாஹு அலைஹி வஸல்லம் அவர்களின் ஓதல் முறை எப்படியிருந்தது ?`` என அனஸ் ரளியல்லாஹு அன்ஹு அவர்களிடம் வினவப்பட்டது . அதற்கவர்கள் , “ நீட்டி ஓதலே அவர்களின் வழக்கம் என்று கூறிவிட்டு , " பிஸ்மில்லாஹிர் ரஹ்மானிர் ரஹீம் ` என்பதில் " பிஸ்மில்லா ... ஹ் ` என நீட்டுவார்கள் ; " அர்ரஹ்மா ... ன் ` என்றும் நீட்டுவார்கள் ; " அர்ரஹீ ... ம் ` என்றும் நீட்டுவார்கள் `` என்று பதிலளித்தார்கள் .

அபூவாயில் ஷகீக் பின் சலமா ரஹிமஹுல்லாஹ் கூறியதாவது : இப்னு மஸ்ஊத் ரளியல்லாஹு அன்ஹு அவர்களிடம் ஒரு மனிதர் வந்து , “ நான் நேற்றிரவு " அல்முஃபஸ்ஸல் ` அத்தியாயங்களை ஒரு ரக்அத்தில் ஓதி முடித்தேன் `` என்று கூறினார் . அதற்கு இப்னு மஸ்ஊத் ரளியல்லாஹு அன்ஹு , “ பாட்டுப் பாடுவதைப் போன்று அவசர அவசரமாக ஓதினீரா ? நபி ஸல்லல்லாஹு அலைஹி வஸல்லம் தமது தொழுகையில் ஒவ்வொரு ரக்அத்திலும் இரண்டிரண்டாக ஓதிவந்த ஒத்த ( பொருள் கொண்ட ) அத்தியாயங்களை நான் அறிந்துள்ளேன் `` என்று கூறிவிட்டு , அல்முஃபஸ்ஸல் அத்தியாயங்களில் இருபது அத்தியாயங்களைக் குறிப்பிட்டார்கள் .

இப்னு அபீமுலைகா ரஹிமஹுல்லாஹ் நபி ஸல்லல்லாஹு அலைஹி வஸல்லம் அவர்களின் துணைவியருள் ஒருவரிடமிருந்து அறிவித்துள்ளதாவது : நாஃபிஉ ரஹிமஹுல்லாஹ் கூறியதாக அபூஆமிர் ரஹிமஹுல்லாஹ் சொன்னார் : அல்லாஹ்வின் தூதர் ஸல்லல்லாஹு அலைஹி வஸல்லம் அவர்கள் ( தொழுகையில் குர்ஆன் ) ஓதிய விதம் குறித்து ( அவர்களின் துணைவியார் ) ஹஃப்ஸா ரளியல்லாஹு அன்ஹா அவர்களிடம் வினவப்பட்டபோது , “ அ( வ்வாறு ஓதுவ ) து உங்களால் இயலாது ” எனக் கூறினார்கள் . “ அதை நீங்கள் எங்களுக்கு அறிவியுங்கள் ” என்று அவர்களிடம் கேட்டுக்கொள்ளப்பட்டது . அப்போது அவர்கள் , நிறுத்தி நிதானமாக ஓதிக்காட்டினார்கள் . இப்னு அபீமுலைகா எங்களுக்குக் கூறியதாக நாஃபி கூறினார் என்று அபூஆமிர் சொன்னதாவது : அல்ம்து லில்லாஹி ரப்பில் ஆலமீன் என்று ( ஓதி ) நிறுத்தினார் . அர்ரஹ்மான் னிர்ரஹீம் என்று ( ஓதி ) நிறுத்தினார் . பிறகு மாலிகி யவ்மித்தீன் என்று ஓதி ( நிறுத்தி ) னார் .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : அல்லாஹ் , தன் தூதர் ஒருவர் இனிய குரலில் குர்ஆனை உரக்க ஓதும்போது அதைச் செவிகொடுத்துக் கேட்டதைப் போன்று வேறு எதையும் அவன் செவிகொடுத்துக் கேட்டதில்லை .

அபூமூஸா ரளியல்லாஹு அன்ஹு கூறியதாவது : நபி ஸல்லல்லாஹு அலைஹி வஸல்லம் , “( நான் இனிய குரலில் குர்ஆன் ஓதுவதைப் பாராட்டி ) “ அபூமூஸா ! ( இறைத்தூதர் ) தாவூத் அலைஹிஸ்ஸலாம் அவர்களுக்கு வழங்கப்பட்டிருந்த ( சங்கீதம் போன்ற ) இனிய குரல் உங்களுக்கும் வழங்கப்பட்டுள்ளது `` என என்னிடம் கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அல்பராஉ பின் ஆஸிப் ரளியல்லாஹு அன்ஹு கூறியதாவது : உங்களின் குரல்களால் குர்ஆனை அழகாக்குங்கள் .

அப்துர் ரஹ்மான் பின் ஸாபித் அல்ஜுமஹீ ரளியல்லாஹு அன்ஹு , நபி ஸல்லல்லாஹு அலைஹி வஸல்லம் அவர்களின் மனைவி ஆயிஷா ரளியல்லாஹு அன்ஹா அவர்களிடமிருந்து அறிவித்துள்ளதாவது : நான் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களின் காலத்தில் இஷாவுக்குப்பின் ஓர் இரவில் தாமதமாக வந்தேன் . இவ்வளவு நேரம் எங்கே போயிருந்தாய் ? என்று என்னிடம் நபியவர்கள் வினவினார்கள் . உங்களுடைய தோழர்களுள் ஒருவர் குர்ஆன் ஓதுவதை நான் கேட்டுக்கொண்டிருந்தேன் . அவருடைய ஓதலைப் போன்றும் குரலைப் போன்றும் யாரிடமிருந்தும் நான் ( இதுவரை ) செவியுற்றதில்லை என்று கூறினேன் . எனவே அவர்கள் எழுந்து சென்றார்கள் . நானும் அவர்களுடன் சென்றேன் . அவர் ஓதுவதைச் செவியுற்றார்கள் . பின்னர் என்னைத் திரும்பிப் பார்த்து , “ இவர் அபூஹுதைஃபாவின் முன்னாள் அடிமை சாலிம் ஆவார் . இவரைப் போன்றவரை என் சமுதாயத்தில் ஆக்கிய அல்லாஹ்வுக்கே எல்லாப் புகழும் ” என்று கூறினார்கள் .

முஹம்மது பின் சீரீன் ரஹிமஹுல்லாஹ் கூறியதாவது : ( எமது காலத்தில் வாழ்ந்த அறிஞர்கள் ) குர்ஆனை அழகிய தொனியில் ஓதுவதைப் புதுமையான செயலாகக் கருதினார்கள் .

அனஸ் ரளியல்லாஹு அன்ஹு கூறியதாவது : ஒரு நாள் இரவு அபூமூஸா ரளியல்லாஹு அன்ஹு ( திருக்குர்ஆனை ) ஓதிக்கொண்டிருந்தார் . அதைக் கேட்டுக்கொண்டே அல்லாஹ்வின் தூதர் ஸல்லல்லாஹு அலைஹி வஸல்லம் நடந்து சென்றார்கள் . ( நேற்றிரவு உம்முடைய ஓதலை நபியவர்கள் செவியுற்றார்கள் என்ற ) இச்செய்தி அவர்களிடம் காலையில் சொல்லப்பட்டது . “( என்னுடைய ஓதலை நபியவர்கள் செவியுற்றார்கள் என்பது ) எனக்குத் தெரிந்திருந்தால் நான் இன்னும் அழகிய தொனியில் இனிமையாக ஓதியிருப்பேனே ” என்று கூறினார்கள் .

நபி ஸல்லல்லாஹு அலைஹி வஸல்லம் கூறியதாக அனஸ் பின் மாலிக் ரளியல்லாஹு அன்ஹு கூறியதாவது : ஒவ்வொரு பொருளுக்கும் ஓர் அழகு உண்டு . குர்ஆனின் அழகு அழகிய குரல்தான் .

இப்னு அப்பாஸ் ரளியல்லாஹு அன்ஹு கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடம் , “ அழகிய முறையில் ஓதுபவர் யார் ?” என்று கேட்கப்பட்டது . “ அவர் ஓதுவதை நீ செவியுற்றால் , அவர் வல்லமையும் மகத்துவமும் கொண்ட அல்லாஹ்வை அஞ்சு ( ம் நிலையில் ஓது ) கிறார் என நீ கருதுவாய் ” என்று பதிலுரைத்தார்கள் .

நபி ஸல்லல்லாஹு அலைஹி வஸல்லம் கூறியதாக ஜுன்துப் பின் அப்தில்லாஹ் ரளியல்லாஹு அன்ஹு கூறியதாவது : உங்கள் உள்ளங்கள் ஒன்றுபட்டிருக்கும் வரை குர்ஆனை ஓதுங்கள் . ( அதன் கருத்தை அறிவதில் ) உங்கள் மத்தியில் கருத்து வேறுபாடு எழுந்தால் அ( ந்த இடத் ) தைவிட்டு எழுந்து ( சென்று ) விடுங்கள் .

அப்துல்லாஹ் பின் மஸ்ஊத் ரளியல்லாஹு அன்ஹு கூறியதாவது : ஒரு மனிதர் திருக்குர்ஆனின் ஒரு வசனத்தை ஓத நான் கேட்டேன் . அவர் ஓதிய முறைக்கு மாற்றமாக நபி ஸல்லல்லாஹு அலைஹி வஸல்லம் ஓத நான் கேட்டிருந்தேன் . ஆகவே , அவரை அழைத்துக் கொண்டு நபி ஸல்லல்லாஹு அலைஹி வஸல்லம் அவர்களிடம் வந்து விவரத்தைத் தெரிவித்தேன் . அப்போது அவர்களின் முகத்தில் அதிருப்தி ( யின் சாயல் ) படிந்திருப்பதை உணர்ந்தேன் . அவர்கள் , “ நீங்கள் இருவருமே சரியாகத்தான் ஓதியிருக்கிறீர்கள் . ( எல்லா விஷயங்களிலும் ) கருத்து வேறுபாடு கொள்ளாதீர்கள் . ஏனெனில் , உங்களுக்கு முன்னிருந்தவர்கள் ( ஒவ்வொரு விஷயத்திலும் ) கருத்து வேறுபாடு கொண்டு அதனால்தான் அழிந்து போனார்கள் `` என்று சொன்னார்கள்

அப்துல்லாஹ் பின் மஸ்ஊத் ரளியல்லாஹு அன்ஹு கூறியதாவது : “ எனக்குக் குர்ஆனை ஓதிக் காட்டுக !`` என்று அல்லாஹ்வின் தூதர் ஸல்லல்லாஹு அலைஹி வஸல்லம் ( என்னிடம் ) கூறினார்கள் . அதற்கு நான் , “ தங்கள் மீதே குர்ஆன் அருளப்பட்டுக் கொண்டிருக்க , தங்களுக்கே நான் ஓதிக் காட்டுவதா ?`` என்று கேட்டேன் . நபி ஸல்லல்லாஹு அலைஹி வஸல்லம் , “ பிறரிடமிருந்து அதைக் கேட்க நான் பெரிதும் ஆசைப்படுகிறேன் `` என்று சொன்னார்கள் . நான் " அந்நிஸா ` எனும் (4ஆம்) அத்தியாயத்தை ஓதினேன் . “ ஒவ்வொரு சமுதாயத்திலிருந்தும் ( அவர்களுடைய நபியாகிய ) சாட்சியை நாம் ( மறுமையில் ) கொண்டுவரும்போதும் , ( நபியே !) உங்களை இவர்களுக்கெதிரான சாட்சியாக நாம் கொண்டுவரும்போதும் ( இவர்களின் நிலை ) எப்படியிருக்கும் ?`` எனும் (4:41ஆம்) வசனத்தை நான் அடைந்தபோது " நிறுத்துங்கள் ` என்று சொன்னார்கள் அப்போது அவர்களின் கண்கள் கண்ணீரைச் சொரிவதை நான் கண்டேன் .

அப்துல்லாஹ் பின் அம்ர் ரளியல்லாஹு அன்ஹு கூறியதாவது : என்னிடம் அல்லாஹ்வின் தூதர் ஸல்லல்லாஹு அலைஹி வஸல்லம் , “ ஒவ்வொரு மாதமும் ( ஒரு முறை குர்ஆனை ) ஓதி நிறைவுசெய் !`` என்று கூறினார்கள் . அப்போது நான் , “( அதைவிடக் குறைந்த நாட்களில் குர்ஆனை முழுமையாக ஓதி முடிக்கும் ) சக்தி எனக்கு உள்ளது `` என்று கூறினேன் . அப்படியானால் , ஏழு நாட்களில் ( ஒரு முறை ) ஓதி நிறைவுசெய் ; அதைவிட ( ஓதுவதை ) அதிகமாக்கிவிடாதே `` என்று சொன்னார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக உமர் பின் அல்கத்தாப் ரளியல்லாஹு அன்ஹு அறிவிப்பதாவது : ஒருவர் இரவில் வாடிக்கையாக ஓதி வருபவற்றை , அல்லது அதில் ஒரு பகுதியை ஓதாமல் உறங்கிவிட்டால் அதை அவர் ஃபஜ்ர் தொழுகைக்கும் லுஹ்ர் தொழுகைக்கும் இடையே ஓதினால் இரவில் ஓதியதைப் போன்றே அவருக்கு ( நன்மை ) எழுதப்படுகிறது .

ஆமிர் பின் வாஸிலா ரஹிமஹுல்லாஹ் கூறியதாவது : நாஃபிஉ பின் அப்தில் ஹாரிஸ் ரளியல்லாஹு அன்ஹு , ( கலீஃபா ) உமர் ரளியல்லாஹு அன்ஹு அவர்களை உஸ்ஃபான் எனுமிடத்தில் சந்தித்தார்கள் . ( இக்காலக் கட்டத்தில் ) உமர் ரளியல்லாஹு அன்ஹு நாஃபிஉ ரளியல்லாஹு அன்ஹு அவர்களை மக்காவின் ஆளுநராக நியமித்திருந்தார்கள் . உமர் ரளியல்லாஹு அன்ஹு ( நாஃபிஉ ரளியல்லாஹு அன்ஹு அவர்களிடம் ) “ நீங்கள் இந்தப் பள்ளத்தாக்கு ( மக்கா ) வாசிகளுக்கு எவரை ஆளுநராக ஆக்கினீர்கள் ?`` என்று கேட்டார்கள் . அதற்கு நாஃபிஉ ரளியல்லாஹு அன்ஹு , “( அப்துர் ரஹ்மான் ) இப்னு அப்ஸா ரளியல்லாஹு அன்ஹு அவர்களை `` என்று பதிலளித்தார்கள் . உமர் ரளியல்லாஹு அன்ஹு , “ இப்னு அப்ஸா யார் ?`` எனக் கேட்டார்கள் . நாஃபிஉ ரளியல்லாஹு அன்ஹு , “ எங்களால் விடுதலை செய்யப்பட்ட எங்கள் ( முன்னாள் ) அடிமைகளுள் ஒருவர் `` எனப் பதிலளித்தார்கள் . அதற்கு உமர் ரளியல்லாஹு அன்ஹு , “ அவர்களுக்கு ஒரு முன்னாள் அடிமையையா ஆட்சித் தலைவராக்கினீர் ?`` என்று கேட்டார்கள் . அதற்கு நாஃபிஉ ரளியல்லாஹு அன்ஹு , “ அவர் (- இப்னு அப்ஸா ) இறை வேதத்தை அறிந்தவர் ; பாகப் பிரிவினைச் சட்டங்களை அறிந்தவர் `` என்று கூறினார்கள் . ( இதைக் கேட்ட ) உமர் ரளியல்லாஹு அன்ஹு “ அறிந்துகொள்க ! அல்லாஹ் இந்த வேதத்தின் மூலம் சிலரை உயர்த்துகிறான் ; வேறு சிலரைத் தாழ்த்துகிறான் `` என்று உங்கள் நபி ஸல்லல்லாஹு அலைஹி வஸல்லம் கூறியுள்ளார்கள் . ( இப்னு அப்ஸா வேத அறிவால் மேன்மை பெற்றுவிட்டார் )`` என்று சொன்னார்கள் .

இப்னு உமர் ரளியல்லாஹு அன்ஹு கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் திருக்குர்ஆனுடன் ( திருக்குர்ஆன் பிரதியுடன் ) எதிரி நாட்டிற்குப் பயணம் செய்வதைத் தடை செய்தார்கள் .

அலீ ரளியல்லாஹு அன்ஹு அவர்களிடமிருந்து ஹாரிஸ் அல்அஃவர் கூறியதாவது : " அல்லாஹ்வின் தூதரே ! நிச்சயமாக உங்களுடைய சமுதாயம் உங்களுக்குப் பிறகு சோதனைக்கு உள்ளாக்கப்படுமா ? என்று கேட்கப்பட்டது . ( அதற்கு அவர்கள் ஆம் என்றதும் ) உடனே நான் , " அதிலிருந்து விடுபட வழி என்ன ?" என்று கேட்டேன் . அதற்கு நபி ஸல்லல்லாஹு அலைஹி வஸல்லம் , “ அல்லாஹ்வின் வேதம் ( குர்ஆனைக் கடைப்பிடிப்பதுதான் வழி ). ‘ இதற்கு முன்னும் சரி , இதற்குப் பின்னும் சரி உண்மைக்கு மாறான யாதொரு விஷயமும் ( திருக்குர்ஆனாகிய ) இதனை ( அணுகவே ) அணுகாது . மிக்க புகழும் ஞானமும் உடையவனால் ( இது ) இறக்கப்பட்டது .’ (41: 42) என்று அல்லாஹ் கூறுகின்றான் . அதை விட்டுவிட்டு மற்றவற்றில் யார் நல்வழியைத் தேடுகிறாரோ அவரை அல்லாஹ் வழிதவறச் செய்துவிடுவான் . அதை யார் அகம்பாவத்துடன் புறக்கணித்துச் சென்று , அது அல்லாத மற்றதைக் கொண்டு தீர்ப்பளித்தாரோ அவரை ( அவரது கழுத்தை ) அல்லாஹ் முறித்துவிடுவான் . அதுதான் ஞானமிக்க அறிவுரை ; தெளிவான ஒளி ; நேரிய வழி . அதில் உங்களுக்கு முந்தையவர்கள் பற்றிய வரலாறும் , உங்களுக்குப் பின்னால் நிகழவிருப்பது பற்றிய செய்தியும் , உங்கள் மத்தியில் நிகழும் விவகாரங்களுக்குத் தீர்ப்புகளும் உள்ளன . அதுதான் ( சத்தியத்தையும் அசத்தியத்தையும் பகுத்துக்காட்டும் ) தெளிவாகும் ; அது கேலிக்குரியதன்று . அதைச் செவியுற்ற ஜின்களைக்கூட , ` நாங்கள் ஆச்சரியமான குர்ஆனைச் செவியுற்றோம் . அது நேர்வழியைக் காட்டுகிறது ` (72:1-2) என்று இறுதியில் கூறவைத்தது . ஒன்றுக்குப் பலமுறை திரும்பத் திரும்ப அதைக் கையாண்டாலும் அது இற்றுப் போய்விடாது . அதன் படிப்பினைகள் முடிவுறா ; அதன் ஆச்சரியங்கள் முற்றுப் பெறா . பிறகு அலீ ரளியல்லாஹு அன்ஹு ஹாரிஸிடம் , " அஃவரே ! இந்த அறிவுரையைப் பெற்று உம்மிடம் ( மனனமாக ) வைத்துக்கொள் " என்றார்கள் .

கஅபுல் அஹ்பார் ரளியல்லாஹு அன்ஹு கூறியதாவது : குர்ஆனைப் பற்றிக்கொள்ளுங்கள் . ஏனென்றால் அது அறிவின் விளக்கம் ; ஞானத்தின் ஒளி ; கல்வியின் ஊற்றுகள் . ரஹ்மானாகிய அல்லாஹ்விடமிருந்து வந்த வேதங்களில் புதியது . அல்லாஹ் தவ்ராத்தில் சொல்லியுள்ளான் : முஹம்மதே ! நிச்சயமாக நான் உமக்கு புதியதொரு தவ்ராத்தை இறக்கியருளப்போகின்றேன் . அது குருட்டுக் கண்களையும் செவிட்டுக் காதுகளையும் திரையிடப்பெற்ற உள்ளங்களையும் திறக்கும் .

அப்துல்லாஹ் பின் மஸ்ஊத் ரளியல்லாஹு அன்ஹு கூறியதாவது : திண்ணமாக இந்தக் குர்ஆன் அல்லாஹ்வுடைய விருந்தாகும் . எனவே அதிலிருந்து உங்களால் இயன்ற வரை எடுத்துக்கொள்ளுங்கள் . அல்லாஹ்வுடைய வேதத்திலிருந்து எந்த ஒன்றும் ( மனனமாக ) இல்லாத வீட்டைவிட நன்மை அறவே இல்லாத எதையும் நான் அறியேன் . அல்லாஹ்வுடைய வேதத்திலிருந்து எந்த ஒன்றும் ( மனனமாக ) இல்லாத உள்ளம் , குடியிருப்பவர் யாருமில்லாத பாழடைந்த வீட்டைப் போன்றதாகும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அப்துல்லாஹ் பின் அம்ர் பின் ஆஸ் ரளியல்லாஹு அன்ஹு அறிவிப்பதாவது : யார் குர்ஆனை ஓதினாரோ அவர் நபித்துவத்தைத் தம் இரு புறங்களிலும் கொஞ்சம் கொஞ்சமாகப் பெற்றுக்கொண்டுவிட்டார் ( என்று பொருள் ). எனினும் அவருக்கு வஹீ அறிவிக்கப்படுவதில்லை . குர்ஆனை உடையவர் ( மனனம் செய்தவர் ) தம்முடன் கோபப்படுபவர் மீது கோபப்படக்கூடாது . தம்மோடு அறிவற்ற நிலையில் நடந்து கொள்பவரோடு அறிவற்ற நிலையில் நடந்துகொள்ளக்கூடாது . ( ஏனென்றால் ) அவருடைய உள்ளத்தில் உயர்ந்தோன் அல்லாஹ்வின் கலாம் ( பேச்சு ) உள்ளது .

அம்ர் பின் தீனார் ரளியல்லாஹு அன்ஹு கூறியதாவது : அல்லாஹ் படைப்பாளன் ; அவன் அல்லாதவை யாவும் படைக்கப்பட்டவை ; குர்ஆன் மகத்துவமும் வல்லமையும் மிக்க அல்லாஹ்வின் கலாம் ( பேச்சு ) என்று சொல்லக்கூடிய மக்களையே எழுபது ஆண்டுகளாக நான் கண்டுவருகிறேன் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக ஷஹ்ர் பின் ஹவ்ஷப் ரஹிமஹுல்லாஹ் கூறியதாவது : மக்களுடைய பேச்சைவிட அல்லாஹ்வுடைய பேச்சின் சிறப்பு அல்லாஹ்வுடைய படைப்புகளைவிட அவனுடைய சிறப்பைப் போன்றது .

இப்னு அப்பாஸ் ரளியல்லாஹு அன்ஹு கூறியதாவது : அல்லாஹ்வின் வேதத்திலிருந்து யார் ஒரு வசனத்தைச் செவியுற்றாரோ அது அவருக்கு ஒளியாக ஆகிவிடும் .

காலித் பின் மஅதான் ரஹிமஹுல்லாஹ் கூறியதாவது : குர்ஆனை ஓதுபவருக்கு ஒரு கூலி உண்டு . அதைச் செவியுறுபவருக்கு இரண்டு கூலி உண்டு .

இப்னு அப்பாஸ் ரளியல்லாஹு அன்ஹு கூறியதாவது : நபி ஸல்லல்லாஹு அலைஹி வஸல்லம் அவர்களுடைய கிராஅத் அவர்கள் வீட்டிலிருந்து ஓதும்போது அறையில் உள்ளவர்கள் செவியுறும் அளவிற்கு ( ச் சத்தமாக ) அமைந்திருந்தது .

அபூஹுரைரா ரளியல்லாஹு அன்ஹு கூறியதாவது : நபி ஸல்லல்லாஹு அலைஹி வஸல்லம் அவர்களுடைய கிராஅத் இரவில் சிலவேளை உயர்ந்தும் சிலவேளை தாழ்ந்தும் அமைந்திருந்தது .

அபூகத்தாதா ரளியல்லாஹு அன்ஹு கூறியதாவது : நபி ஸல்லல்லாஹு அலைஹி வஸல்லம் ஓர் இரவு வெளியே சென்றார்கள் . அப்போது அபூபக்ர் ரளியல்லாஹு அன்ஹு தமது சத்தத்தைத் தாழ்த்தித் தொழுது கொண்டிருந்தார்கள் . நபி ஸல்லல்லாஹு அலைஹி வஸல்லம் உமர் பின் கத்தாப் ரளியல்லாஹு அன்ஹு அவர்களுக்கு அருகில் சென்றபோது அவர்கள் தமது சத்தத்தை உயர்த்தித் தொழுது கொண்டிருந்தார்கள் . அவ்விருவரும் நபி ஸல்லல்லாஹு அலைஹி வஸல்லம் அவர்களிடம் ஒன்று கூடியதும் நபி ஸல்லல்லாஹு அலைஹி வஸல்லம் , “ அபூபக்ரே ! நான் உங்களுக்கு அருகில் வந்தபோது நீங்கள் சத்தத்தைத் தாழ்த்தித் தொழுது கொண்டிருந்தீர்கள் ” என்று சொன்னார்கள் . “ அல்லாஹ்வின் தூதரே ! நான் யாருடன் இரகசியமாக உரையாடினேனோ அ( ந்த இறை ) வனுக்குச் செவியுறச் செய்துவிட்டேன் ” என்று அபூபக்ர் ரளியல்லாஹு அன்ஹு கூறினார்கள் . நபி ஸல்லல்லாஹு அலைஹி வஸல்லம் , உமர் ரளியல்லாஹு அன்ஹு அவர்களிடம் , “ நான் உங்களுக்கு அருகில் வந்தேன் . நீங்கள் உங்கள் சத்தத்தை உயர்த்தித் தொழுது கொண்டிருந்தீர்கள் ” என்று கூறியதும் “ அல்லாஹ்வின் தூதரே ! அரைகுறையான தூக்கத்திலிருப்பவர்களை விழிக்கச் செய்கின்றேன் ; ஷைத்தானை விரட்டிவிடுகின்றேன் ” என்று உமர் ரளியல்லாஹு அன்ஹு கூறினார்கள் . “ அபூபக்ரே ! உங்கள் சத்தத்தைச் சற்று உயர்த்திக் கொள்ளுங்கள் ” என்றும் உமர் ரளியல்லாஹு அன்ஹு அவர்களிடம் “ உங்கள் சத்தத்தைச் சற்றுத் தாழ்த்திக் கொள்ளுங்கள் ” என்றும் நபி ஸல்லல்லாஹு அலைஹி வஸல்லம் கூறினார்கள் என ஹஸன் ரஹிமஹுல்லாஹ் தமது அறிவிப்பில் கூடுதலாக அறிவித்துள்ளார் .

அபூசயீத் அல்குத்ரீ ரளியல்லாஹு அன்ஹு கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் பள்ளியில் இஃதிகாஃப் இருந்தபோது மக்கள் சத்தமிட்டு ( குர்ஆன் ) ஓதுவதைச் செவியுற்றார்கள் . உடனே , அவர்கள் திரையை நீக்கி “ அறிந்து கொள்ளுங்கள் ! நீங்கள் அனைவரும் உங்களுடைய இறைவனிடம் உரையாடுகின்றீர்கள் . எனவே உங்களுள் ஒருவர் இன்னொருவருக்கு இடையூறு செய்ய வேண்டாம் . உங்களுள் ஒருவர் ( குர்ஆன் ) ஓதும்போது அல்லது ( அறிவிப்பாளருக்கு ஐயம் ஏற்பட்டுள்ளது ) தொழும்போது இன்னொருவரைவிட ( ச் சத்தத்தை ) உயர்த்த வேண்டாம் ” என்று கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக உக்பா பின் ஆமிர் அல்ஜுஹனி ரளியல்லாஹு அன்ஹு கூறியதாவது : குர்ஆனைச் சத்தமிட்டு ஓதுபவர் தர்மத்தைப் பகிரங்கமாக வழங்கியவர் போலாவார் . குர்ஆனை இரகசியமாக ஓதுபவர் தர்மத்தை இரகசியமாக வழங்கியவர் போலாவார் .

யஸீத் பின் அப்தில்லாஹ் ரஹிமஹுல்லாஹ் கூறியதாவது : நாஃபிஉ பின் ஜுபைர் பின் முத்இம் அவர்கள் என்னிடம் , “ நீங்கள் எத்தனை நாள்களில் குர்ஆனை ( முழுமையாக ) ஓதுவீர்கள் ” என்று கேட்டார்கள் . “ நான் குறிப்பிட்ட அளவை வழமையாக்கி ஓதுவதில்லை ” என்று பதிலளித்தேன் . அதற்கு அவர்கள் “ குறிப்பிட்ட ‘ அளவை ( ஹிஸ்பு ) வழமையாக்கி ஓதுவதில்லை ’ என்று கூறாதீர்கள் . ஏனென்றால் அல்லாஹ்வின் தூதர் ஸல்லல்லாஹு அலைஹி வஸல்லம் நான் குர்ஆனில் ஒரு ( குறிப்பிட்ட ) பகுதியை ( ஜுஸ்வு ) ஓதினேன் என்று கூறியிருக்கிறார்கள் ” எனச் சொன்னார்கள் .

அனஸ் ரளியல்லாஹு அன்ஹு கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் ஒரு நாள் இரவு சிறிதளவு வலியை உணர்ந்தார்கள் . காலையில் அவர்களிடம் , “ அல்லாஹ்வின் தூதரே ! நிச்சயமாக உங்களுக்கு வலி மிகவும் வெளிப்படையானதுதான் ” என்று சொல்லப்பட்டது . அதற்கு அவர்கள் , “ அறிந்து கொள்க ! நீங்கள் பார்ப்பதைப் போன்று ( சாதாரணமானவன் ) தான் நான் . அல்லாஹ்வுக்கே எல்லாப் புகழும் . ( அந்த வலியோடு ) நேற்றிரவு நீண்ட நெடிய ஏழு அத்தியாயங்களை ஓதியிருக்கிறேன் ” என்றார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அனஸ் பின் மாலிக் ரளியல்லாஹு அன்ஹு அறிவிப்பதாவது : என் சமுதாயத்தார் செய்த ( நல்லறங்களுக்கான ) நற்பலன்கள் எனக்கு எடுத்துக் காட்டப்பட்டன . எந்த அளவிற்கென்றால் ஒரு மனிதர் பள்ளிவாசலிலிருந்து அகற்றும் அசுத்தம்கூட ( அந்த நற்பலன்களின் பட்டியலில் இடம்பெற்றிருந்தன ). என் சமுதாயத்தாரின் பாவங்களும் எனக்கு எடுத்துக் காட்டப்பட்டன . ( அதில் ) குர்ஆனிலிருந்து ஓர் அத்தியாயம் அல்லது ஒரு வசனம் வழங்கப்பட்டு , பின்னர் அதை மறந்துவிட்ட மனிதர் புரிந்த பாவத்தைவிடப் பெரும் பாவம் எதையும் நான் காணவில்லை .

ஜாபிர் பின் அப்தில்லாஹ் ரளியல்லாஹு அன்ஹு அறிவிப்பதாவது : நாங்கள் குர்ஆன் ஓதிக்கொண்டிருக்கும்போது அல்லாஹ்வின் தூதர் ஸல்லல்லாஹு அலைஹி வஸல்லம் எங்களிடம் வந்தார்கள் . எங்களில் அரபியர்களும் அரபியர்கள் அல்லாதோரும் இருந்தனர் . நீங்கள் ஓதுங்கள் , அனைத்தும் அழகாகத்தான் இருக்கின்றது . அம்பைச் சீர்செய்வதைப் போன்று குர்ஆனைச் சீராக ஓதக்கூடிய கூட்டங்கள் பின்னால் தோன்றும் . அவர்கள் இதன்மூலம் ( உலகத்திலேயே கூலியை ) விரைவாக எதிர்பார்ப்பார்கள் . ( அதன் கூலியை மறுமையில் பெறுவதற்காகக் ) காத்திருக்க மாட்டார்கள் என்று நபி ஸல்லல்லாஹு அலைஹி வஸல்லம் கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடமிருந்து தாம் செவியுற்றதாக அப்துர் ரஹ்மான் பின் ஷிப்ல் ரளியல்லாஹு அன்ஹு அறிவிப்பதாவது : குர்ஆனை ஓதுங்கள் ; அதில் வரம்பு மீறாதீர்கள் ; அதைப் புறக்கணிக்காதீர்கள் ; அதை வைத்துக்கொண்டு ( ஆதாயம் தேடிச் ) சாப்பிடாதீர்கள் ; அதைக் கொண்டு ( பொருளாதாரத்தை ) அதிகப்படுத்திக் கொள்ளாதீர்கள் .

அபூசஈத் அல்குத்ரீ ரளியல்லாஹு அன்ஹு கூறியதாவது : யார் ஓர் இரவில் பத்து வசனங்களை ஓதுகிறாரோ அவர் ( அல்லாஹ்வை ) நினைவுகூருவோருள் ஒருவராக எழுதப்படுவார் . யார் ( ஓர் இரவில் ) நூறு வசனங்களை ஓதுகிறாரோ அவர் ( அல்லாஹ்வின் கட்டளைகளுக்குக் ) கீழ்ப்படிந்து வாழ்வோருள் ஒருவராக எழுதப்படுவார் . யார் ( ஓர் இரவில் ) ஐந்நூறு முதல் ஆயிரம் வசனங்களை ஓதுகிறாரோ அவருக்கான கூலியாக ஒரு ‘ கின்த்தார் ’ உண்டு என்று கூறினார்கள் . ‘ கின்த்தார் ’ என்றால் எவ்வளவு என்று கேட்கப்பட்டது . அதற்கவர்கள் , “ ஒரு காளை மாட்டின் தோல் நிறையத் தங்கம் ஆகும் ” என்று விடையளித்தார்கள் .

அப்துல்லாஹ் பின் மஸ்ஊத் ரளியல்லாஹு அன்ஹு கூறியதாவது : யார் ஓர் இரவில் ஐம்பது வசனங்களை ஓதுகிறாரோ அவர் ( அல்லாஹ்வின் நினைவைவிட்டுக் ) கவனக்குறைவானவர்களுள் ஒருவராக எழுதப்படமாட்டார் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : யார் கடமையான தொழுகைகளைப் பேணிவருகின்றாரோ அவர் ( அல்லாஹ்வின் நினைவைவிட்டுக் ) கவனக்குறைவானவர்களுள் ஒருவராக எழுதப்படமாட்டார் . யார் ஓர் இரவில் நூறு வசனங்களை ஓதுகிறாரோ அவர் ( அல்லாஹ்வின் நினைவைவிட்டுக் ) கவனக்குறைவானவர்களுள் ஒருவராக எழுதப்படமாட்டார் . அல்லது ( அல்லாஹ்வின் கட்டளைகளுக்குக் ) கீழ்ப்படிந்து வாழ்வோருள் ஒருவராக எழுதப்படுவார் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : யார் ஓர் இரவில் பத்து வசனங்களை ஓதுகிறாரோ அவர் ( அல்லாஹ்வின் நினைவைவிட்டுக் ) கவனக்குறைவானவர்களுள் ஒருவராக எழுதப்படமாட்டார் .

ஹகம் ரஹிமஹுல்லாஹ் கூறியதாவது : முஜாஹித் ரஹிமஹுல்லாஹ் என்னிடம் ஆள் அனுப்பினார்கள் . ( நான் அவர்களிடம் சென்றேன் ). “ நாங்கள் குர்ஆனை ( ஓதி ) முடிக்க நாடியுள்ளோம் ; எனவேதான் உங்களை நாங்கள் அழைத்தோம் . ( ஏனென்றால் ) குர்ஆனை முடிக்கின்றபோது ( கேட்கப்படுகின்ற ) பிரார்த்தனை ஏற்கப்படுகிறது என எங்களுக்குச் செய்தி கிடைத்தது ” என்றார்கள் . ( அதன்பிறகு ) அவர்கள் நீண்ட பிரார்த்தனைகளைச் செய்தார்கள் .

இப்ராஹீம் அந்நகஈ ரஹிமஹுல்லாஹ் கூறியதாவது : ஒரு மனிதர் பகலில் குர்ஆனை ஓதினால் வானவர்கள் அவர்மீது மாலை வரை அருள்வேண்டிப் பிரார்த்தனை செய்கிறார்கள் . அதை அவர் இரவில் ஓதினால் வானவர்கள் அவர்மீது காலை வரை அருள்வேண்டிப் பிரார்த்தனை செய்கிறார்கள் . மற்றோர் அறிவிப்பில் உள்ளதாவது : சுலைமான் அல்அஉமஷ் ரஹிமஹுல்லாஹ் கூறினார்கள் : நம்முடைய தோழர்கள் பகலின் தொடக்கத்திலும் ( காலை ) இரவின் தொடக்கத்திலும் ( மாலை ) குர்ஆனை முடிக்க விரும்புவதை நான் கண்டேன் . ( அதாவது குர்ஆனை முடிக்கின்ற துஆவைக் காலையில் அல்லது மாலையில் ஆக்கிக்கொள்ள விரும்புகிறார்கள் .)

அபூபக்ர் பின் முஹம்மத் பின் அம்ர் பின் ஹஸ்ம் ரஹிமஹுல்லாஹ் அறிவிப்பதாவது : அல்லாஹ்வின் தூதர் ஸல்லல்லாஹு அலைஹி வஸல்லம் யமன்வாழ் மக்களுக்கு ஒரு கடிதம் எழுதினார்கள் . அதில் வாரிசுரிமைச் சட்டங்கள் , சுன்னத்தான நடைமுறைகள் , உயிர் இழப்பீட்டுச் சட்டங்கள் ஆகியவை இருந்தன . அதை அம்ர் பின் ஹஸ்ம் ரளியல்லாஹு அன்ஹு அவர்களிடம் கொடுத்து அனுப்பினார்கள் . அது ஒரு நீண்ட ஹதீஸ் . அதில் “ குர்ஆனைத் தூய்மையாளரே தவிர ( மற்றவர் ) தொட மாட்டார் ” என்று ( எழுதப்பட்டு ) இருந்தது .

நபி ஸல்லல்லாஹு அலைஹி வஸல்லம் கூறியதாக அப்துல்லாஹ் பின் உமர் ரளியல்லாஹு அன்ஹு அறிவிப்பதாவது : “ குர்ஆனைத் தூய்மையாளரே தவிர ( மற்றவர் ) தொட மாட்டார் .”

முஸ்அப் பின் சஅத் ரஹிமஹுல்லாஹ் கூறியதாவது : ( என் தந்தை ) சஅத் பின் அபீவக்காஸ் ரளியல்லாஹு அன்ஹு அவர்களிடம் நான் குர்ஆன் பிரதியைப் பிடித்துக்கொண்டிருந்தேன் . அப்போது நான் அதை ( நேரடியாகத் தொடாமல் ) என் கீழாடை மூலம் பிடித்தேன் . அச்சமயத்தில் சஅத் அவர்கள் , “ நீ உன்னுடைய ( கையால் ) ஆணுறுப்பைத் தொட்டுவிட்டாயோ ?” என்று கேட்டார்கள் . அதற்கு நான் “ ஆம் ” என்றேன் . “( அப்படியானால் ) எழுந்து சென்று உளூ செய்துவிட்டு வா ” என்றார்கள் . எனவே நான் எழுந்து சென்று உளூ செய்துவிட்டுத் திரும்பி வந்தேன் .

ஹகீம் பின் ஹிஸாம் ரளியல்லாஹு அன்ஹு கூறியதாவது : நபி ஸல்லல்லாஹு அலைஹி வஸல்லம் என்னை யமன் நாட்டிற்கு ஆளுநராக அனுப்பியபோது , “ நீ தூய்மையாளராக இருக்கும் நிலையில் தவிர குர்ஆனைத் தொடவேண்டாம் ” என்று அறிவுறுத்தினார்கள் .

அபுல் ஃகரீப் ரஹிமஹுல்லாஹ் கூறியதாவது : உளூ செய்வதற்காக அலீ ரளியல்லாஹு அன்ஹு அவர்களுக்குத் தண்ணீர் கொண்டு வரப்பட்டது . அவர்கள் மூன்று தடவை வாய்கொப்பளித்து , நாசிக்குத் தண்ணீர் செலுத்தினார்கள் . மூன்று தடவை தம் முகத்தைக் கழுவினார்கள் . தம் இரு கைகளையும் முழங்கைகளையும் மும்மூன்று தடவை கழுவினார்கள் . பின்னர் தம் தலையைத் ( ஈரக்கையால் ) தடவினார்கள் . பிறகு தம் இரண்டு கால்களையும் கழுவினார்கள் . பின்னர் , “ இவ்வாறுதான் அல்லாஹ்வின் தூதர் ஸல்லல்லாஹு அலைஹி வஸல்லம் உளூ செய்வதை நான் பார்த்தேன் என்று கூறினார்கள் . பிறகு குர்ஆனிலிருந்து கொஞ்சத்தை ஓதினார்கள் . பிறகு , இ( வ்வாறு உளூ செய்வதான ) து குளியல் கடமையில்லாதவருக்குத்தான் . குளியல் கடமையானவரோ ( குர்ஆனை ) ஓதக்கூடாது ; ஒரு வசனத்தைக்கூட ( ஓதக்கூடாது )” என்றார்கள் .

அப்துர் ரஹ்மான் பின் யஸீத் ரஹிமஹுல்லாஹ் கூறியதாவது : நாங்கள் சல்மான் அவர்களுடன் இருந்தோம் . ( அப்போது ) அவர்கள் வெளியே சென்று தம்முடைய சுயதேவையை நிறைவேற்றிவிட்டு , பிறகு வந்தார்கள் . ( அதன்பின் ) நான் அவர்களிடம் , “ அபூஅப்துல்லாஹ் அவர்களே ! நீங்கள் உளூ செய்துவிட்டால் நாங்கள் ( திருக்குர்ஆன் ) வசனங்களைப் பற்றி உங்களிடம் கேட்கலாம் ” என்று கூறினேன் . அதற்கு அவர்கள் , “ நான் அதை ( உளூ இன்றி ) த் தொடுவதில்லை . ( ஏனென்றால் ) ‘ தூய்மையானவர்களே அன்றி அதை ( மற்றவர்கள் ) தொடுவதில்லை ’ (56: 79 என்று அல்லாஹ் கூறியிருக்கிறான் ) என்பதுதான் காரணம் எனக் கூறிவிட்டு ( அதனைத் தொடாமலேயே ) நாங்கள் விரும்பிய அளவிற்கு எங்களுக்கு அவர்கள் ஓதிக் காட்டினார்கள் .

முஹம்மத் பின் சீரீன் ரஹிமஹுல்லாஹ் கூறியதாவது : உமர் ரளியல்லாஹு அன்ஹு ஒரு சமுதாய மக்கள் குர்ஆனை ஓதிக்கொண்டிருந்த நிலையில் அவர்களுடன் இருந்தார்கள் . ( பின்னர் சற்று நேரம் கழித்துத் ) தம் சுயதேவைக்காகச் சென்றுவிட்டு , பின்னர் வந்தார்கள் . ( பிறகு ) அவர்கள் குர்ஆனை ஓதினார்கள் . அப்போது அவர்களிடம் ஒரு மனிதர் , “ இறைநம்பிக்கையாளர்களின் தலைவர் அவர்களே ! உளூ இன்றிக் குர்ஆனை ஓதுகிறீர்களா ?” என்று கேட்டார் . அதற்கு உமர் ரளியல்லாஹு அன்ஹு , “ முசைலிமா ! ( உளூ இன்றிக் குர்ஆனை ஓதக்கூடாது எனும் ) இ( ச்சட்டத் ) தை யார் உமக்கு மார்க்கத் தீர்ப்பு வழங்கினார் ?” எனக் கேட்டார்கள் .

அபூஅப்திர் ரஹ்மான் ரஹிமஹுல்லாஹ் கூறியதாவது : நபி ஸல்லல்லாஹு அலைஹி வஸல்லம் அவர்களின் தோழர்களிடமிருந்து ஓதிக்காட்டியவர்கள் எங்களுக்கு அறிவித்தார்கள் . அத்தோழர்கள் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடமிருந்து பத்து வசனங்களை ஓதக் கேட்பார்கள் . ( பின்னர் ) அந்தப் பத்து வசனங்களிலும் உள்ள கல்வியை அறிந்து அவற்றைச் செயல்படுத்துகிற வரை வேறு பத்து வசனங்களைச் செவியுற மாட்டார்கள் . எனவே அவர்கள் ( இவற்றிலிருந்து ) கல்வியையும் செயல்பாட்டையும் நாங்கள் அறிந்து கொண்டோம் என்று கூறிவந்தார்கள் .

அப்துல்லாஹ் பின் மஸ்ஊத் ரளியல்லாஹு அன்ஹு கூறியதாவது : நாங்கள் நபி ஸல்லல்லாஹு அலைஹி வஸல்லம் அவர்களிடம் குர்ஆனிலிருந்து பத்து வசனங்களைக் கற்றுக்கொண்டால் , அவற்றில் உள்ளதை நாங்கள் அறிந்து கொள்கின்ற வரை அதன் பிறகு இறங்கிய பத்து வசனங்களைக் கற்றுக்கொள்ள மாட்டோம் . அப்போது ஷரீக் ரஹிமஹுல்லாஹ் அவர்களிடம் , “( எதைக் கற்றுக்கொள்கிற வரை ? அவற்றின்படி ) செயல்படுவதையா ?” என்று கேட்கப்பட்டது . அதற்கு அவர்கள் , “ ஆம் ” என்று விடையளித்தார்கள் .

அப்துல்லாஹ் பின் உமர் ரளியல்லாஹு அன்ஹு கூறியதாவது : நாங்கள் எங்கள் காலத்தில் சற்று நிம்மதியாக வாழ்ந்திருக்கிறோம் . எங்களுள் ஒருவர் குர்ஆனுக்கு முன்பே இறைநம்பிக்கை ( ஈமான் ) வழங்கப்பட்டார் . முஹம்மத் ஸல்லல்லாஹு அலைஹி வஸல்லம் அவர்களுக்கு ஓர் அத்தியாயம் இறங்கும் . ( அதன்பின் ) அவர் அது ஆகுமாக்குவதையும் தடைசெய்வதையும் அது கட்டளையிடுவதையும் எச்சரிக்கை செய்வதையும் அதிலிருந்து எதை விளங்கிக்கொள்வது அவசியமோ அவற்றையெல்லாம் - இன்று நீங்கள் குர்ஆனைக் கற்றுக்கொள்வதைப் போன்று - கற்றுக்கொள்வார் . பிறகு இன்றைய ஆண்களைப் பார்க்கிறேன் . அவர்களுள் ஒருவர் இறைநம்பிக்கைக்கு முன்னரே குர்ஆன் கொடுக்கப்பட்டுள்ளார் . எனவே அவர் அதனை ஃபாத்திஹா அத்தியாயத்திலிருந்து அதன் கடைசி ( அத்தியாயம் ) வரை ஓதுகிறார் . ( ஆனால் ) அது கட்டளையிடுவதையும் எச்சரிக்கை செய்வதையும் ( என்னவென்று ) அறியமாட்டார் . அதிலிருந்து எதை விளங்கிக்கொள்வது அவசியமோ அதையும் அறியமாட்டார் . ( மாறாக பேரீச்ச மரம் ) காய்ந்த மட்டமான பேரீச்சம் பழங்களை உதிர்ப்பதைப் போன்று உதிர்ப்பார் .

இக்ரிமா பின் சுலைமான் ரஹிமஹுல்லாஹ் கூறியதாவது : நான் ( குர்ஆனை முழுவதுமாக ) இஸ்மாயீல் பின் அப்தில்லாஹ் பின் கிஸ்த்தன்தீன் அவர்களிடம் ஓதிக்காட்டினேன் . நான் வள்ளுஹா அத்தியாயத்தை அடைந்தபோது , அவர்கள் என்னிடம் , “( இதன்பிறகு ) ஒவ்வோர் அத்தியாயத்தின் முடிவிலும் ( அதன் ) கடைசி ( அத்தியாயம் ) வரை தக்பீர் கூறுவீராக ” என்று சொன்னார்கள் . இச்செய்தியை அவருக்கு அப்துல்லாஹ் பின் கஸீர் ரஹிமஹுல்லாஹ் அறிவித்தார்கள் . அவர்கள் முஜாஹித் ரஹிமஹுல்லாஹ் அவர்களிடம் ஓதிக்காட்டியபோது , அதனை அவருக்குக் கட்டளையிட்டார்கள் . இப்னு அப்பாஸ் ரளியல்லாஹு அன்ஹு தமக்கு அவ்வாறு கட்டளையிட்டதாக முஜாஹித் ரஹிமஹுல்லாஹ் கூறினார்கள் . இப்னு அப்பாஸ் ரளியல்லாஹு அன்ஹு அவர்கள் , உபை பின் கஅப் ரளியல்லாஹு அன்ஹு தமக்கு அதனைக் கட்டளையிட்டதாகக் கூறினார்கள் . உபை பின் கஅப் ரளியல்லாஹு அன்ஹு அவர்கள் , நபி ஸல்லல்லாஹு அலைஹி வஸல்லம் தமக்கு அதனைக் கட்டளையிட்டதாகக் கூறினார்கள் .