பாடம்: 17. தஜ்ஷாலுக்கு முன்பு ஏற்படும் வெற்றிகள்

நாஃபிஉ பின் உத்பா பின் அபீவக்காஸ் ரளியல்லாஹு அன்ஹு கூறியதாவது : நாங்கள் ஒரு போரில் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களுடன் இருந்தோம் . அப்போது கம்பளியாடை அணிந்த ஒரு கூட்டத்தார் மேற்கிலிருந்து வந்து ஒரு குன்றின் அருகில் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களைச் சந்தித்தார்கள் . அப்போது அல்லாஹ்வின் தூதர் ஸல்லல்லாஹு அலைஹி வஸல்லம் அமர்ந்து கொண்டிருந்தார்கள் . அக்கூட்டத்தார் ( அல்லாஹ்வின் தூதர் அவர்களுக்கு அருகில் ) நின்று கொண்டிருந்தார்கள் . அப்போது என் மனம் , “ நீ சென்று அவர்களுக்கும் அல்லாஹ்வின் தூதருக்குமிடையே நின்றுகொள் . அல்லாஹ்வின் தூதரை அவர்கள் திடீரெனத் தாக்கிவிட வேண்டாம் `` என்று சொன்னது . பிறகு நான் , “ அவர்களுடன் அல்லாஹ்வின் தூதர் ஸல்லல்லாஹு அலைஹி வஸல்லம் ஏதேனும் இரகசியம் பேசிக் கொண்டிருக்கலாம் `` என்று நினைத்தேன் . பிறகு அவர்களிடம் வந்து அவர்களுக்கும் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களுக்கும் நடுவில் நின்றுகொண்டேன் . அப்போது என் கைவிரல்களில் எண்ணியபடி அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடமிருந்து நான்கு விஷயங்களை மனனமிட்டேன் . 1. நீங்கள் அரபுத் தீபகற்பம் முழுவதையும் போரிட்டு வெற்றி காணும் நிலையை அல்லாஹ் ஏற்படுத்துவான் . 2. பிறகு பாரசீகர்களை வெற்றி கொள்ளும் நிலையை அல்லாஹ் ஏற்படுத்துவான் . 3. பிறகு உரோம ( பைஸாந்திய ) ர்களுடன் போரிட்டு வெற்றி கொள்ளும் நிலையை அல்லாஹ் ஏற்படுத்துவான் . 4. பிறகு நீங்கள் ( மகா குழப்பவாதியான ) தஜ்ஜாலுடன் போரிட்டு அவனையும் வெற்றி கொள்ளும் நிலையை அல்லாஹ் ஏற்படுத்துவான் . நாஃபிஉ பின் உத்பா ரளியல்லாஹு அன்ஹு கூறியதாவது : ஜாபிரே ! உரோம ( பைஸாந்திய ) ர்களுடன் போரிட்டு வெற்றி கொள்ளும் வரை தஜ்ஜால் வெளியேறி வருவதை நாம் காண மாட்டோம் .