பாடம்: 23. சொர்க்கத்தின் படித்தரங்கள் (அந்தஸ்துகள்)

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : சொர்க்கத்தில் நூறு படித்தரங்கள் ( தரஜா ) உள்ளன . ஒவ்வொரு படித்தரத்திற்கும் இடையே நூறாண்டுகள் ( தொலைதூரம் ) உள்ளது .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக உபாதா பின் அஸ்ஸாமித் ரளியல்லாஹு அன்ஹு அறிவிப்பதாவது : சொர்க்கத்தில் நூறு படித்தரங்கள் உள்ளன . ( அவற்றில் ) ஒவ்வோர் இரண்டு படித்தரங்களுக்கு இடையேயும் பூமிக்கும் வானுக்கும் இடையிலுள்ளதைப் போன்ற தொலைதூரம் உள்ளது . ஃபிர்தவ்ஸ் என்பது ( சொர்க்கத்தின் படித்தரங்களில் ) மிக உயர்ந்த படித்தரமாகும் . அதிலிருந்தே நான்கு சொர்க்க ஆறுகள் பாய்கின்றன ; அதற்கு மேலேதான் அர்ஷ் ( இறையாசனம் ) இருக்கிறது . எனவே , நீங்கள் அல்லாஹ்விடம் கோரினால் , அவனிடம் ஃபிர்தவ்ஸ் எனும் அந்தச் சொர்க்கத்தையே கோருங்கள் .