விதியை நம்புதல்

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக ஜாபிர் பின் அப்தில்லாஹ் ரளியல்லாஹு அன்ஹு அறிவிப்பதாவது : அவர்கள் நன்மையும் தீமையும் விதியின் படியே நடக்கின்றன என்று நம்பாத வரை ஓர் அடியார் இறைநம்பிக்கை கொண்டவராக மாட்டார் . எந்த அளவுக்கென்றால் , தமக்குக் கிடைத்த ஒன்று , கிடைத்திருக்கக் கூடாதது அல்ல என்றும் , தமக்குக் கிடைக்காத ஒன்று கிடைத்திருக்க வேண்டியது அல்ல என்றும் அவர் அறிந்துகொள்ள வேண்டும் . ( அதாவது கிடைக்கக் கூடியதுதான் கிடைத்திருக்கிறது ; கிடைக்கக் கூடாததுதான் கிடைக்காமல் போயிருக்கிறது என்று அறிதல் வேண்டும் .)

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அலீ ரளியல்லாஹு அன்ஹு அறிவிப்பதாவது : நான்கு விஷயங்கள்மீது நம்பிக்கை கொள்ளாத வரை எந்த அடியாரும் இறைநம்பிக்கையாளராக ஆகமாட்டார் . 1. அல்லாஹ்வைத் தவிர வேறு இறைவன் இல்லை ; நான் அல்லாஹ்வின் தூதர் முஹம்மத் ஆவேன் ; என்னை அவன் சத்திய ( மார்க்க ) த்துடன் அனுப்பிவைத்தான் என உறுதிமொழிவது . 2. மரணம் உண்டு என நம்புவது , 3. ( அனைவரும் ) இறந்தபின் ( உயிர் கொடுத்து ) எழுப்பப்படும் என்பதை நம்புவது 4. விதியை நம்புவது .

அப்துல்லாஹ் பின் ஃபைரூஸ் அத்தைலமீ ரஹிமஹுல்லாஹ் கூறியதாவது : இந்த ( தலை ) விதி தொடர்பாக என் மனதுக்குள் ஐயப்பாடு எழுந்தது . எங்கே அது என் மார்க்க நம்பிக்கையையும் என் ( மற்ற ) விவகாரங்களையும் பாழாக்கிவிடுமோ என நான் அஞ்சினேன் . ஆகவே , நான் ( நபித்தோழர் ) உபை பின் கஅப் ரளியல்லாஹு அன்ஹு அவர்களிடம் சென்று , " அபுல் முன்திர் ! இந்த விதி தொடர்பாக என் மனதுக்குள் ஐயம் உள்ளது . அது எங்கே என் மார்க்க நம்பிக்கையையும் என் ( இதர ) விவகாரங்களையும் பாழாக்கி விடுமோ என நான் அஞ்சினேன் . ஆகவே , இது குறித்து ஏதேனும் ( நபிமொழியைக் ) கூறுங்கள் ! அதன் மூலம் அல்லாஹ் எனக்குப் பயனளிக்கக்கூடும் `` என்று சொன்னேன் . அப்போது உபை பின் கஅப் ரளியல்லாஹு அன்ஹு கூறினார்கள் : அல்லாஹ் தனது வானத்திலும் பூமியிலும் உள்ள அனைவரையும் வேதனைப் படுத்தினால் அல்லாஹ் அவர்களை வேதனைப்படுத்தியதற்காக அவன் அநீதி இழைத்தவனாக ஆகமாட்டான் . அவன் அவர்கள் அனைவர் மீதும் கருணை காட்டினால் அவர்கள் ( இவ்வுலகில் ) புரிந்த நல்லறங்களை விடச் சிறந்ததாகவே அது இருக்கும் . உன்னிடம் " உஹுத் மலையளவு தங்கம் ` அல்லது " உஹுத் மலையளவு செல்வம் ` இருந்து அவற்றை இறைவழியில் நீ ஈந்தாலும் நீ விதி தொடர்பாக நம்பிக்கை கொள்ளாத வரை அவை உன்னிடமிருந்து ஏற்கப்படாது . அறிந்துகொள் ! உனக்குக் கிடைத்துள்ள ஒன்று , உனக்குக் கிடைக்காதென ( விதியில் எழுதப்பட்டதாக ) இருக்கவுமில்லை ; உனக்குக் கிடைக்காமல் போன ஒன்று உனக்குக் கிடைக்குமென ( விதியில் எழுதப்பட்டதாக ) இருக்கவுமில்லை . ( உனக்குக் கிடைக்குமென விதியில் இருந்ததே கிடைத்தது ; கிடைக்காதென விதியில் இருந்ததே உனக்குக் கிடைக்கவில்லை ). இதற்கு மாறான நம்பிக்கையில் நீ இறந்துபோனால் நரகத்தில்தான் நீ நுழைவாய் `` என்று கூறிவிட்டு , “ இது குறித்து நீ என் சகோதரர் அப்துல்லாஹ் பின் மஸ்ஊதிடம் வினவினால் எந்தப் பிரச்சனையுமில்லை `` என்று கூறினார்கள் . அவ்வாறே நான் அப்துல்லாஹ் பின் மஸ்ஊத் ரளியல்லாஹு அன்ஹு அவர்களிடம் சென்று இது குறித்து வினவினேன் . அப்போது அவரும் உபை பின் கஅப் ரளியல்லாஹு அன்ஹு கூறியதைப் போன்றே கூறினார்கள் . மேலும் “ நீ ஹுதைஃபா ரளியல்லாஹு அன்ஹு அவர்களிடம் சென்று இது குறித்து வினவினால் எந்தப் பிரச்சனையும் இல்லை `` என்றார்கள் . அவ்வாறே நான் ஹுதைஃபா ரளியல்லாஹு அன்ஹு அவர்களிடம் சென்று ( இது குறித்து ) வினவினேன் . அவர்களும் அவ்விருவரும் கூறியதைப் போன்றே கூறினார்கள் . மேலும் " நீ ஸைத் பின் ஸாபித் ரளியல்லாஹு அன்ஹு அவர்களிடம் சென்று ( இது குறித்து ) கேள் !`` என்றார்கள் அவ்வாறே நான் ஸைத் பின் ஸாபித் ரளியல்லாஹு அன்ஹு அவர்களிடம் சென்று வினவினேன் . அப்போது அவர்கள் நபியவர்கள் கூறியதாக மேற்கண்டவாறே கூறினார்கள் :

உபாதா பின் அஸ்ஸாமித் ரளியல்லாஹு அன்ஹு தம் மகனுக்குக் கூறியதாவது : “ என்னருமை மகனே ! நிச்சயமாக நீ , உனக்குக் கிடைத்துள்ள ஒன்று , உனக்குக் கிடைக்காதென ( விதியில் எழுதப்பட்டதாக ) இருக்கவுமில்லை ; உனக்குக் கிடைக்காமல்போன ஒன்று உனக்குக் கிடைக்குமென ( விதியில் எழுதப்பட்டதாக ) இருக்கவுமில்லை . ( உனக்குக் கிடைக்குமென விதியில் இருந்ததே கிடைத்தது ; கிடைக்காதென விதியில் இருந்ததே உனக்குக் கிடைக்கவில்லை ) என்பதை நீ அறியும் வரை நீ உண்மையான ஈமானின் சுவையை ஒருபோதும் சுவைக்க முடியாது . அல்லாஹ்வின் தூதர் ஸல்லல்லாஹு அலைஹி வஸல்லம் கூறியதை நான் செவியுற்றேன் : அல்லாஹ் முதன் முதலில் எழுதுகோலைப் படைத்தான் . அதனிடம் , “ நீ எழுது ” என்றான் . “ என் இறைவா ! நான் எதை எழுதுவேன் ?“ என்றது . அதற்கு அவன் , “ இறுதி நாள் வரையுள்ள எல்லாப் பொருள்களின் விதிகளையும் எழுது ” என்றான் . “ என்னருமை மகனே ! யார் இது அல்லாத நிலையில் ( விதியை நம்பாமல் ) இறந்துவிட்டாரோ அவர் என்னைச் சார்ந்தவர் அல்லர் ” என்று அல்லாஹ்வின் தூதர் ஸல்லல்லாஹு அலைஹி வஸல்லம் கூறியதை நான் செவியுற்றேன் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக ஆயிஷா ரளியல்லாஹு அன்ஹா அறிவிப்பதாவது : வானவர்கள் ஒளியால் படைக்கப்பட்டனர் . " ஜின்`கள் தீப்பிழம்பால் படைக்கப்பட்டனர் . ( ஆதி மனிதர் ) ஆதம் , உங்களுக்கு ( குர்ஆனில் ) கூறப்பட்டுள்ளதைப் போன்று ( களிமண்ணால் ) படைக்கப்பட்டார் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அனஸ் ரளியல்லாஹு அன்ஹு அறிவிப்பதாவது : அல்லாஹ் ( முதல் மனிதர் ) ஆதம் அலைஹிஸ்ஸலாம் அவர்களைச் சொர்க்கத்தில் ( களிமண்ணால் ) படைத்து , தான் நாடிய காலம் வரை அப்படியே விட்டுவிட்டான் . இப்லீஸ் அதைச் சுற்றி வந்து அது என்னவென்று உற்றுப் பார்க்கலானான் . வயிறு உள்ளதாக அதைக் கண்டபோது “ தன்னைத்தானே கட்டுப்படுத்திக் கொள்ள முடியாத ( கட்டுப்பாடற்ற ) படைப்பாகவே அது படைக்கப்பட்டுள்ளது `` என அவன் அறிந்துகொண்டான் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூமூஸா அல்அஷ்அரீ ரளியல்லாஹு அன்ஹு அறிவிப்பதாவது : அல்லாஹ் , ( முதல் மனிதர் ) ஆதம் அலைஹிஸ்ஸலாம் அவர்களை பூமியின் அனைத்துப் பகுதிகளிலிருந்தும் எடுத் ( துவரச் செய் )த ஒரு கைப்பிடி மண்ணிலிருந்தே படைத்தான் . ஆகவேதான் , ஆதமின் மக்கள் ( மனிதர்கள் ) பூமியின் தன்மைக்கேற்பவே உள்ளனர் . இதனாலேயே அவர்களில் சிவப்பரும் வெள்ளையரும் கருப்பரும் இவற்றுக்கு இடைப்பட்ட நிறம் கொண்டோரும் , மெல்லிய இயல்பாளரும் முரடரும் நல்லோரும் தீயோரும் இருக்கின்றனர் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : அல்லாஹ் ஆதம் அலைஹிஸ்ஸலாம் அவர்களைப் படைத்து அவர்களுக்குள் உயிரை ஊதியபோது ஆதம் அவர்களுக்கு தும்மல் ஏற்பட்டது . அப்போது அவர்கள் , ` அல்ஹம்து லில்லாஹ் ( எல்லாப் புகழும் அல்லாஹ்வுக்கே )` என்று சொல்ல நினைத்தார்கள் . பிறகு அல்லாஹ்வின் உத்தரவின்படியே (` அல்ஹம்து லில்லாஹ் ` என்று ) அவனைப் புகழ்ந்தார்கள் . அப்போது அவர்களுடைய இறைவன் அவர்களிடம் , ` ஆதமே ! அல்லாஹ் உமக்குக் கருணை புரிவானாக . நீர் அந்த வானவர்களிடம் - அதாவது அவர்களில் அமர்ந்திருக்கும் அந்தப் பிரமுகர்களிடம் - சென்று , ` அஸ்ஸலாமு அலைக்கும் ( உங்கள் மீது அல்லாஹ்வின் சாந்தி உண்டாகட்டும் )` என்று ( முகமன் ) கூறுவீராக ` என்றான் . ( அவ்வாறே ஆதம் அலைஹிஸ்ஸலாம் சென்று முகமன் கூறினார்கள் .) அப்போது வானவர்கள் , ` வஅலைக்கஸ்ஸலாம் வரஹ்மத்துல்லாஹ் ` ( தங்கள் மீதும் அல்லாஹ்வின் சாந்தியும் கருணையும் உண்டாகட்டும் )` என்று ( பதில் ) சொன்னார்கள் . பிறகு ஆதம் அலைஹிஸ்ஸலாம் தம் இறைவனிடம் திரும்பி வந்தார்கள் . அப்போது அல்லாஹ் , `( ஆதமே !) இதுதான் உமது முகமனும் உம்முடைய சந்ததிகள் தங்களுக்கிடையே கூறும் முகமனும் ஆகும் ` என்று சொன்னான் . பின்னர் அல்லாஹ் தன் இரு கைகளையும் மடக்கி வைத்துக்கொண்டு ஆதம் அலைஹிஸ்ஸலாம் அவர்களிடம் , ` இவ்விரண்டில் நீர் விரும்பியதைத் தேர்வு செய்வீராக ` என்றான் . ஆதம் அவர்கள் , ` நான் என் இறைவனின் வலக்கரத்தைத் தேர்வு செய்துகொண்டேன் ` என்றார்கள் . என் இறைவனின் இரு கரங்களுமே வளமிக்க வலக்கரம் தான் . பிறகு இறைவன் தனது வலக்கரத்தை விரித்தான் . அதில் ஆதம் அலைஹிஸ்ஸலாம் அவர்களுடைய தோற்றமும் , அவர்களின் சந்ததிகளுடைய தோற்றங்களும் இருந்தன . ஆதம் அவர்கள் , ` இறைவா ! இவர்களெல்லாம் யார் ?` என்று கேட்டார்கள் . அதற்கு இறைவன் , ` இவர்களெல்லாம் உம் சந்ததிகளாவார்கள் என்று பதிலளித்தான் . அவர்கள் ஒவ்வொருவரின் இரு கண்களுக்கிடையே அவரது ஆயுட்காலம் எழுதப்பட்டிருந்தது . ` மிகவும் பிரகாசமிக்க ஒருவர் ` அல்லது ` மிகவும் பிரகாசமிக்கோருள் ஒருவர் ` அவர்களில் காணப்பட்டார் . ` இறைவா ! இவர் யார் ?` என ஆதம் அலைஹிஸ்ஸலாம் கேட்டார்கள் . அதற்கு இறைவன் , ` இவர் உம் மகன் தாவூத் ஆவார் . இவரது ஆயுட்காலம் நாற்பது ஆண்டுகள் என எழுதியுள்ளேன் ` என்று கூறினான் . ` இறைவா ! அவரது ஆயுட்காலத்தை இன்னும் அதிகப்படுத்துவாயாக ` என்று ஆதம் அலைஹிஸ்ஸலாம் சொன்னார்கள் . அதற்கு இறைவன் , `( இல்லை ;) அதுதான் அவருக்கு நான் எழுதிய அளவாகும் ` என்று கூறிவிட்டான் . ` இறைவா ! ( அப்படியானால் ) எனது ஆயுட்காலத்தில் அறுபது வருடங்களை அவருக்கு நான் கொடுத்துவிட்டேன் ` என ஆதம் அலைஹிஸ்ஸலாம் கூற , `( அப்படியானால் ) அது உனது விருப்பம் ` என இறைவன் பதிலளித்தான் . பின்னர் ஆதம் அலைஹிஸ்ஸலாம் அல்லாஹ் நாடிய காலம் வரை சொர்க்கத்தில் தங்கவைக்கப்பட்டார்கள் . பிறகு அங்கிருந்து ( பூமிக்கு ) இறக்கப்பட்டார்கள் . ஆதம் அலைஹிஸ்ஸலாம் தமது ஆயுட்காலத்தைக் கணக்கிட்டுக்கொண்டே வந்தார்கள் . ( அவர்களது ஆயுளில் தொள்ளாயிரத்து நாற்பது ஆண்டுகள் முடிவுற்றபோது ) ` மலக்குல் மவ்த் ` ( உயிரைக் கைப்பற்றிச்செல்ல வரும் வானவர் ) ஆதம் அலைஹிஸ்ஸலாம் அவர்களிடம் வந்தார் . அப்போது ஆதம் அலைஹிஸ்ஸலாம் மலக்குல் மவ்த்திடம் , ` நீங்கள் சீக்கிரமாக வந்துவிட்டீர்கள் ; எனது ஆயுட்காலம் ஆயிரம் வருடம் என எழுதப்பட்டுள்ளது ` என்றார்கள் . அதற்கு அந்த வானவர் , ` ஆம் ! ( நீர் கூறுவது சரிதான் .) எனினும் , நீர் உன் மகன் தாவூதுக்கு அறுபது வருடங்களைக் கொடுத்துவிட்டீர் ` என்று கூறினார் . ஆதம் அலைஹிஸ்ஸலாம் மறுத்தார்கள் . எனவே , அவர்களுடைய சந்ததிகளும் மறுத்தார்கள் . ஆதம் அலைஹிஸ்ஸலாம் மறந்தார்கள் . எனவே , அவர்களுடைய சந்ததிகளும் மறந்தார்கள் . அன்றிலிருந்துதான் ( கொடுக்கல் வாங்கலை ) எழுதிவைக்குமாறும் , அதற்குச் சாட்சிகளை ஏற்படுத்துமாறும் ( மக்களுக்கு ) உத்தரவிடப்பட்டது .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக ஜாபிர் பின் அப்தில்லாஹ் ரளியல்லாஹு அன்ஹு அறிவிப்பதாவது : இப்லீஸ் , தனது சிம்மாசனத்தை ( கடல் ) நீரின்மீது அமைக்கிறான் . பிறகு தன் பட்டாளங்களை ( மக்களிடையே ) அனுப்புகிறான் . அவர்களில் மிகப் பெரும் குழப்பத்தை ஏற்படுத்துகின்ற ( ஷைத்தான் எவனோ அ) வனே இப்லீஸிடம் மிகவும் நெருங்கிய அந்தஸ்தைப் பெறுகிறான் . அவனிடம் ஷைத்தான்களுள் ஒருவன் ( திரும்பி ) வந்து “ நான் இன்னின்னவாறு செய்தேன் `` என்று கூறுவான் . அப்போது இப்லீஸ் , “( சொல்லிக்கொள்ளும் அளவுக்கு ) நீ எதையும் செய்யவில்லை `` என்று கூறுவான் . பிறகு அவர்களுள் மற்றொருவன் வந்து , “ நான் ஒரு மனிதனுக்கும் அவனுடைய மனைவிக்கும் இடையே பிரிவை ஏற்படுத்தாமல் அவனை நான் விட்டுவைக்கவில்லை `` என்று கூறுவான் . அப்போது இப்லீஸ் , அவனை அருகில் வரச் செய்து , “ நீதான் சரி ( யான ஆள் )`` என்று ( பாராட்டிக் ) கூறுவான் .

நபி ஸல்லல்லாஹு அலைஹி வஸல்லம் கூறியதாக ஜாபிர் பின் அப்தில்லாஹ் ரளியல்லாஹு அன்ஹு அறிவிப்பதாவது : அரேபிய தீபகற்பத்தில் தொழுகையாளர்கள் தன்னை வணங்குவார்கள் என்ற நம்பிக்கையை ஷைத்தான் இழந்துவிட்டான் . எனினும் , அவர்களிடையே பிளவை உருவாக்குவ ( தில் வெற்றி கண்டு விட்டா ) ன் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதைத் தாம் செவியுற்றதாக ஸப்ரா பின் அபீஃபாகிஹ் ரளியல்லாஹு அன்ஹு அறிவிப்பதாவது : திண்ணமாக ஷைத்தான் ஆதமுடைய மகனுக்காக ( அவன் செல்லும் ) பல பாதைகளில் ( அவனைத் தடுப்பதற்காக ) அமர்ந்தான் . இஸ்லாமிய மார்க்கத்தின் பாதையில் அமர்ந்துகொண்டு , நீ உன்னுடைய மார்க்கத்தையும் உன்னுடைய மூதாதையர் மார்க்கத்தையும் உன்னுடைய மூதாதையரின் பெற்றோருடைய மார்க்கத்தையும் விட்டுவிட்டு முஸ்லிமாகிறாயா ? என்று கேட்டான் . அதற்கவன் , அவனுக்கு மாறு செய்துவிட்டு முஸ்லிமானான் . பின்னர் அவன் ஹிஜ்ரத் செய்யும் வழியில் அமர்ந்தான் . உன்னுடைய பூமியையும் வானத்தையும் விட்டுவிட்டு நீ ஹிஜ்ரத் செய்கிறாயா ? திண்ணமாக ஹிஜ்ரத் செய்பவர் நீண்ட கயிற்றிலுள்ள குதிரையைப் போன்றவர் ஆவார் என்று கூறினான் . அவனுக்கு மாறு செய்துவிட்டு ( அல்லாஹ்விற்காக ) ஹிஜ்ரத் செய்தான் . அவன் ( அல்லாஹ்விற்காகப் ) போராடும் பாதையில் அமர்ந்தான் . பொருளையும் உயிரையும் வருத்திக்கொண்டு நீ போராடப் போகின்றாயா ? நீ போராடினால் கொல்லப்படுவாய் . ( உன் ) மனைவி ( வேறொருவனுக்கு ) மணமுடிக்கப்படுவாள் . ( உன்னுடைய ) பொருட்செல்வம் ( உறவினர்களுக்குப் ) பங்கிடப்படும் என்று கூறி ( அச்சமூட்டி ) னான் . ( அப்போதும் ) அவனுக்கு மாறு செய்துவிட்டு ( அல்லாஹ்விற்காக ) ப் போராடினான் . " யார் இவ்வாறு செய்தாரோ அவரை மகத்துவமும் வல்லமையும் மிக்க அல்லாஹ் சொர்க்கத்தில் நுழையச் செய்வது கடமையாகிவிட்டது . யார் ( போரில் கலந்துகொள்ளும்போது ) கொல்லப்பட்டாரோ அவரை மகத்துவமும் வல்லமையும் மிக்க அல்லாஹ் சொர்க்கத்தில் நுழையச் செய்வது கடமையாகிவிட்டது . யார் ( தண்ணீரில் ) மூழ்கிவிட்டாரோ அவரை அல்லாஹ் சொர்க்கத்தில் நுழையச் செய்வது கடமையாகிவிட்டது . யாரை அவருடைய வாகனம் கீழே தள்ளிவிட்டதோ ( அதன்மூலம் அவர் இறந்துவிட்டாரோ ) அவரை அல்லாஹ் சொர்க்கத்தில் நுழையச் செய்வது கடமையாகிவிட்டது .``

உண்மையே பேசியவரும் உண்மையே அறிவிக்கப்பட்டவருமான அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அப்துல்லாஹ் பின் மஸ்ஊத் ரளியல்லாஹு அன்ஹு அறிவிப்பதாவது : உங்களுள் ஒருவரது கரு தம் தாயின் வயிற்றில் நாற்பது " பகல் ` அல்லது " இரவு ` சேமிக்கப்படுகிறது . பிறகு அதைப் போன்றே (40 நாள்கள் ) அது ( அட்டை போன்று கருப்பையின் சுவரைப் பற்றிப் பிடித்துத் தொங்கும் ) ஒரு கருக் கட்டியாக மாறுகிறது . பிறகு அதைப் போன்றே ( மேலும் 40 நாள்கள் மெல்லப்பட்ட சக்கை போன்ற ) ஒரு சதைப் பிண்டமாக மாறுகிறது . பிறகு அதனிடம் ஒரு வானவர் அனுப்பப்படுகிறார் . அந்த வானவருக்கு நான்கு கட்டளைகள் பிறப்பிக்கப்படுகின்றன : அவர் , ( கருவாக இருக்கும் ) அந்த மனிதனின் வாழ்வாதாரத்தையும் , அவனது வாழ்நாளையும் , செயல்பாட்டையும் , அவன் ( இறுதிக் கட்டத்தில் ) துர்பாக்கியசாலியா அல்லது நற்பாக்கியசாலியா என்பதையும் ( இறைவனின் கட்டளைப்படி ) பதிவு செய்கிறார் . பிறகு அவனுள் உயிர் ஊதப்படுகிறது . இதனால்தான் , உங்களுள் ஒருவர் சொர்க்கவாசிகளின் ( நற் ) செயல்களைச் செய்துகொண்டே செல்வார் . இறுதியில் சொர்க்கத்திற்கும் அவருக்குமிடையே ஒரு முழம் ( இடைவெளி ) தான் இருக்கும் . அதற்குள் அவரது விதி அவரை முந்திக்கொள்ள அவர் நரகவாசிகளின் செயலைச் செய்து அதன் விளைவாக நரகம் புகுந்து விடுவார் . ( இதைப் போன்றே ) உங்களுள் ஒருவர் நரகவாசிகளின் செயலைச் செய்து கொண்டே செல்வார் . இறுதியில் நரகத்திற்கும் அவருக்குமிடையே ஒரு முழம் இடைவெளிதான் இருக்கும் . அதற்குள் அவரது விதி அவரை முந்திக்கொள்ளும் . அவர் சொர்க்கத்திற்குரியவர்களின் ( நற் ) செயல்களைச் செய்து அதன் பயனாகச் சொர்க்கம் புகுவார் .

நபி ஸல்லல்லாஹு அலைஹி வஸல்லம் கூறியதாக அனஸ் பின் மாலிக் ரளியல்லாஹு அன்ஹு அறிவிப்பதாவது : வல்லமையும் மாண்பும் உடைய அல்லாஹ் ( பெண்ணின் ) கருவறைக்கென ஒரு வானவரை நியமித்துள்ளான் . ( அதனுள்ளே ஆணின் விந்தணு செலுத்தப்பட்டு பரிணாம மாற்றங்கள் ஏற்படும்போது ) அந்த வானவர் , “ என் இறைவா ! ( இது ஒரு துளி ) விந்து . என் இறைவா ! இது பற்றித் தொங்கும் கரு . என் இறைவா ! இது மெல்லப்பட்ட சக்கை போன்ற ) சதைத்துண்டு `` என்று கூறிக் கொண்டிருப்பார் . அதனை வாழ்விக்க அல்லாஹ் விரும்பும்போது அவ்வானவர் , “ என் இறைவா ! ( இது ) ஆணா அல்லது பெண்ணா ? துர்பாக்கியம் உடையதா ? நற்பாக்கியம் உடையதா ? ( இதன் ) வாழ்வாதாரம் எவ்வளவு ? ( இதன் ) ஆயுள் எவ்வளவு ?`` என்று கேட்பார் . ( அல்லாஹ்வால் இவையனைத்தும் நிர்ணயிக்கப்பட்டு ) அதன் தாயின் வயிற்றில் அது இருக்கும்போது எழுதப்படும் .

அப்துல்லாஹ் பின் மஸ்ஊத் ரளியல்லாஹு அன்ஹு கூறியதாவது : ( ஒரு முறை ) நபி ஸல்லல்லாஹு அலைஹி வஸல்லம் அவர்களின் துணைவியார் உம்மு ஹபீபா ரளியல்லாஹு அன்ஹா , “ இறைவா ! என் கணவர் அல்லாஹ்வின் தூதர் ஸல்லல்லாஹு அலைஹி வஸல்லம் , என் தந்தை அபூசுஃப்யான் , என் சகோதரர் முஆவியா ஆகியோர் ( நீண்ட நாள்கள் வாழ்வதன் ) மூலம் எனக்குப் பயனளிப்பாயாக !`` என்று பிரார்த்தனை செய்தார்கள் . அப்போது நபி ஸல்லல்லாஹு அலைஹி வஸல்லம் , “ நீ ( ஏற்கெனவே ) நிர்ணயிக்கப்பட்டுவிட்ட ஆயுளையும் குறிக்கப்பட்டுவிட்ட ( வாழ் ) நாள்களையும் பங்கிடப்பட்டுவிட்ட வாழ்வாதாரத்தையும் அல்லாஹ்விடம் கேட்டிருக்கிறாய் . அல்லாஹ் அவற்றில் எதையும் , அதற்குரிய நேரத்திற்கு முன்பே ஒருபோதும் கொண்டுவந்துவிடவு மாட்டான் ; அவற்றில் எதையும் , அதற்குரிய நேரத்தைவிட்டுத் தாமதப்படுத்தவு மாட்டான் . நரக நெருப்பின் வேதனையிலிருந்து அல்லது மண்ணறையின் வேதனையிலிருந்து உன்னைக் காக்கும்படி நீ அல்லாஹ்விடம் வேண்டியிருந்தால் நன்றாகவும் சிறந்ததாகவும் இருந்திருக்கும் `` என்று சொன்னார்கள் . அப்போது நபி ஸல்லல்லாஹு அலைஹி வஸல்லம் அவர்களிடம் குரங்குகள் பற்றிப் பேசப்பட்டது . - பன்றிகளாக உருமாற்றப்பட்ட ( பனூ இஸ்ராயீல் சமுதாயத்த ) வர்கள் பற்றியும் பேசப்பட்டது என்று அல்கமா ரஹிமஹுல்லாஹ் கூறியதாகவே நான் கருதுகிறேன் என அறிவிப்பாளர் மிஸ்அர் ரஹிமஹுல்லாஹ் கூறுகிறார்கள் . - அப்போது நபி ஸல்லல்லாஹு அலைஹி வஸல்லம் , “ அல்லாஹ் ஊருமாற்றிய எந்தச் சமுதாயத்தாருக்கும் சந்ததிகளையோ வழித்தோன்றல்களையோ அவன் ஏற்படுத்தியதில்லை . குரங்குகளும் பன்றிகளும் அதற்கு முன்பே இருந்தன `` என்று சொன்னார்கள் .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : “ ஒரு விலங்கு எப்படி முழு வளர்ச்சி பெற்ற விலங்கைப் பெற்றெடுக்கிறதோ அதைப்போல , எல்லாக் குழந்தைகளுமே இயற்கையான ( மார்க்கத் ) தில்தான் பிறக்கின்றன . விலங்குகள் அங்கக் குறைவுடன் பிறப்பதை நீங்கள் பார்த்திருக்கிறீர்களா ? ( முழுமையான விலங்கை அங்க சேதப்படுத்துவதுபோல் ) பெற்றோர்கள்தாம் குழந்தைகளை ( இயற்கையான மார்க்கத்தைவிட்டுத் திருப்பி ) யூதர்களாகவோ கிறிஸ்தவர்களாகவோ நெருப்பு வணங்கிகளாகவோ ஆக்கிவிடுகின்றனர் .” பிறகு அபூஹ§ரைரா ரளியல்லாஹு அன்ஹு , “ எ( ந்த மார்க்கத் ) தில் அல்லாஹ் மனிதர்களைப் படைத்தானோ அதுவே அவனுடைய ( நிலையான ) இயற்கை மார்க்கமாகும் ; அல்லாஹ்வின் படைத்தலில் மாற்றம் இல்லை ; அதுவே நிலையான மார்க்கமாகும் `` என்ற (30:30ஆம்) வசனத்தை ஓதிக் காட்டினார்கள் .

இப்னு அப்பாஸ் ரளியல்லாஹு அன்ஹு கூறியதாவது : இணைவைப்போரின் குழந்தைகள் ( இறந்துவிட்டால் அவர்களின் முடிவு யாது ? என்பது ) பற்றி நபி ஸல்லல்லாஹு அலைஹி வஸல்லம் அவர்களிடம் வினவப்பட்டது . அதற்கவர்கள் “ அவர்களைப் படைத்த அல்லாஹ் , அவர்கள் ( உயிருடனிருந்திருந்தால் ) எவ்வாறு செயல்பட்டிருப்பார்கள் என்பதை நன்கறிந்தவன் `` எனக் கூறினார்கள் .

இம்ரான் பின் ஹுஸைன் ரளியல்லாஹு அன்ஹு கூறியதாவது : ஒரு மனிதர் “ அல்லாஹ்வின் தூதரே ! சொர்க்கவாசிகள் யார் ? நரகவாசிகள் யார் ? என்று ( முன்பே அல்லாஹ்வுக்குத் ) தெரியுமா ?`` எனக் கேட்டார் . நபி ஸல்லல்லாஹு அலைஹி வஸல்லம் “ ஆம் ( தெரியும் )`` என்று சொன்னார்கள் . அவர் “ அவ்வாறாயின் ஏன் நற்செயல் புரிகின்றவர்கள் நற்செயல் புரிய வேண்டும் ?`` என்று கேட்டார் . நபி ஸல்லல்லாஹு அலைஹி வஸல்லம் “ ஒவ்வொருவரும் ‘ எ( தை அடைவ ) தற்காகப் படைக்கப்பட்டார்களோ ` அல்லது " எ( தை அடைவ ) தற்கு வாய்ப்பளிக்கப்பட்டார்களோ ` அதற்காகச் செயல்படுகிறார்கள் `` என்று பதிலளித்தார்கள் .

அபுல்அஸ்வத் அத்தியலீ ரஹிமஹுல்லாஹ் கூறியதாவது : என்னிடம் இம்ரான் பின் அல்ஹுஸைன் ரளியல்லாஹு அன்ஹு , “ மனிதர்கள் இன்று நற்செயல் புரிவதும் அதற்காக முனைந்து செயலாற்றுவதும் ஏற்கெனவே அவர்கள்மீது தீர்மானிக்கப்பட்டுவிட்ட , முன்பே முடிவு செய்யப்பட்டுவிட்ட விதியின் அடிப்படையிலா ? அல்லது அவர்களுக்கெதிரான ஆதாரத்தை நிலை நிறுத்தும் வகையில் , அவர்களுடைய இறைத்தூதர்கள் அவர்களிடம் கொண்டுவந்துள்ளவற்றை ஏற்றுச் செயல்படுத்துவதன் அடிப்படையிலா ?`` என்று கேட்டார்கள் . அதற்கு நான் , “ இல்லை ; ஏற்கெனவே அவர்கள்மீது தீர்மானிக்கப்பட்டுவிட்ட , நடந்துமுடிந்த ( விதியின் ) அடிப்படையில்தான் `` என்று சொன்னேன் . அதற்கு இம்ரான் ரளியல்லாஹு அன்ஹு , “ இது அநீதியாகாதா ?`` என்று கேட்டார்கள் . அதைக் கேட்டு நான் கடுமையாக அதிர்ந்துவிட்டேன் . மேலும் , “ அனைத்தும் அல்லாஹ்வின் படைப்பே ; அவனது அதிகாரத்துக்குட்பட்டவையே . அவன் செய்வது குறித்து யாரும் கேள்வி கேட்க முடியாது . ஆனால் , மனிதர்கள் விசாரிக்கப்படுவார்கள் `` என்று சொன்னேன் . அப்போது இம்ரான் ரளியல்லாஹு அன்ஹு , “ அல்லாஹ் உங்களுக்கு அருள் புரியட்டும் . உங்கள் அறிவைப் பரிசோதிப்பதற்காகவே நான் கேள்வி கேட்டேனே தவிர , வேறெதற்கும் நான் கேள்வி கேட்கவில்லை `` என்று கூறிவிட்டுப் பின்வருமாறு சொன்னார்கள் : " முஸைனா ` குலத்தைச் சேர்ந்த இரண்டு பேர் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடம் வந்து , “ அல்லாஹ்வின் தூதரே ! மனிதர்கள் இன்று நற்செயல் புரிவதும் அதற்காக முனைந்து செயல்படுவதும் ஏற்கெனவே தீர்மானிக்கப்பட்ட , முன்பே முடிவு செய்யப்பட்டுவிட்ட விதியின் அடிப்படையிலா ? அல்லது அவர்களுக்கெதிரான ஆதாரத்தை நிலைநிறுத்தும் வகையில் , அவர்களுடைய இறைத்தூதர்கள் அவர்களிடம் கொண்டுவந்துள்ளவற்றை ஏற்றுச் செயல்படுத்துவதன் அடிப்படையிலா ?`` என்று கேட்டார்கள் . அதற்கு அல்லாஹ்வின் தூதர் ஸல்லல்லாஹு அலைஹி வஸல்லம் , “ இல்லை ; ஏற்கெனவே அவர்கள்மீது தீர்மானிக்கப்பட்டுவிட்ட , அவர்கள் விஷயத்தில் முடிவாகிவிட்ட ( விதியின் ) அடிப்படையில்தான் `` என்று கூறிவிட்டு இதை உண்மைப்படுத்தும் சான்று வல்லமையும் மாண்பும் மிக்க அல்லாஹ்வின் வேதத்தில் உள்ளது எனக் கூறி , பின்வரும் வசனங்களை ஓதிக்காட்டினார்கள் : உயிரின் மீதும் , அதை வடிவமைத்து , அதன் நன்மையையும் தீமையையும் அதற்கு அறிவித்தவன்மீதும் சத்தியமாக ! (91: 7-8)

இறைநம்பிக்கையாளர்களின் அன்னை ஆயிஷா ரளியல்லாஹு அன்ஹா கூறியதாவது : அன்ஸாரிகளில் ஒரு குழந்தை இறந்தபோது , அதன் பிரேத நல்லடக்கத்திற்காக அல்லாஹ்வின் தூதர் ஸல்லல்லாஹு அலைஹி வஸல்லம் அழைக்கப்பட்டார்கள் . அப்போது நான் , “ அல்லாஹ்வின் தூதரே ! அக்குழந்தைக்கு நல் வாழ்த்துகள் ! அது சொர்க்கத்தின் சிட்டுக் குருவிகளில் ஒரு சிட்டுக்குருவி . அது எந்தத் தீமையையும் செய்யவில்லை . அதற்கான பருவத்தையும் அது அடையவில்லை `` என்று சொன்னேன் . அல்லாஹ்வின் தூதர் ஸல்லல்லாஹு அலைஹி வஸல்லம் , “ வேறு ஏதேனும் உண்டா , ஆயிஷா ? அல்லாஹ் சொர்க்கத்திற்கென்றே சிலரைப் படைத்துள்ளான் . அவர்கள் தம் பெற்றோரின் முதுகுத்தண்டுகளில் இருந்தபோதே அதற்காக அவர்களை அவன் படைத்துவிட்டான் ; நரகத்திற்கென்றே சிலரைப் படைத்தான் . அவர்கள் தம் பெற்றோரின் முதுகுத்தண்டுகளில் இருந்தபோதே அதற்காக அவர்களைப் படைத்துவிட்டான் `` என்று கூறினார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதைத் தாம் செவியுற்றதாக அப்துல்லாஹ் பின் அம்ர் ரளியல்லாஹு அன்ஹு அறிவிப்பதாவது : வல்லமையும் மாண்பும் மிக்க அல்லாஹ் தனது படைப்பினங்களை இருளில்தான் படைத்தான் . பிறகு தனது ஒளிச் சுடரிலிருந்து சிறிதை அவற்றின்மீது பாய்ச்சினான் . அந்த ஒளிச்சுடர் பட்டவர் நல்வழி கண்டார் . அந்த ஒளிச்சுடர் படாதவர் வழிதவறிச் சென்றார் . ஆகவேதான் நான் கூறுகிறேன் : ( ஏற்கெனவே ) அல்லாஹ் அறிந்துள்ளதன் படியே ( விதி எழுதிய ) எழுதுகோல் உலர்ந்துவிட்டது .

உமர் பின் அல்கத்தாப் ரளியல்லாஹு அன்ஹு கூறியதாவது : "( மறுமை நாளில் ) அவர்களில் நற்பேறற்றவர்களும் இருப்பர் ; நற்பேறுள்ளவர்களும் இருப்பர் ’’ (11:105) என்ற இந்த வசனம் அருளப்பெற்றபோது நான் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களிடம் , " அல்லாஹ்வின் தூதரே ! எதன்படி நாம் செயல்படுவோம் ? ( ஏற்கெனவே ) முடிவுசெய்யப்பட்ட ஒன்றின்படி செயல்படுவோமா ? அல்லது ( இது வரை ) முடிவுசெய்யப்படாத ஒன்றின்படி செயல்படுவோமா ? எனக் கேட்டேன் . ( அப்போது ) அல்லாஹ்வின் தூதர் ஸல்லல்லாஹு அலைஹி வஸல்லம் , " உமரே ! ( அவ்வாறன்று .) மாறாக , ( ஏற்கெனவே ) முடிவுசெய்யப்பட்டு , எழுதுகோல்கள் பதிவுசெய்த ஒன்றின்படியே நாம் செயல்படுவோம் . எனினும் ஒவ்வொருவரும் எ( தை அடைவ ) தற்காகப் படைக்கப்பட்டார்களோ அதற்கு வாய்ப்பளிக்கப்படுகிறார்கள் ’’ என்று பதிலளித்தார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக ஆயிஷா ரளியல்லாஹு அன்ஹா அறிவிப்பதாவது : ஒரு மனிதன் சொர்க்கவாசிகளின் செயலைச் செய்தவண்ணமிருப்பான் ஆனால் அவன் நரகவாசி என்று விதியில் எழுதப்பட்டிருக்கும் . அப்போது . ( எதிர்பாராவிதமாக ) மரணம் ஏற்படுவதற்குமுன் அவனை விதி மாற்றிவிடும் . எனவே அவன் நரகவாசிக்குரிய அமல்களைச் செய்யத் தொடங்கி , பின்னர் இறந்து விடுவான் . எனவே அவன் நரகத்தில் நுழைவான் . ஒரு மனிதன் நரகவாசிகளின் செயலைச் செய்தவண்ணமிருப்பான் ஆனால் அவன் சொர்க்கவாசி என்று விதியில் எழுதப்பட்டிருக்கும் . அப்போது . ( எதிர்பாராவிதமாக ) மரணம் ஏற்படுவதற்குமுன் அவனை விதி மாற்றிவிடும் . எனவே அவன் சொர்க்கவாசிக்குரிய அமல்களைச் செய்யத் தொடங்கி , பின்னர் இறந்து விடுவான் . எனவே அவன் சொர்க்கத்தில் நுழைவான் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அப்துல்லாஹ் பின் அம்ர் பின் அல்ஆஸ் ரளியல்லாஹு அன்ஹு அறிவிப்பதாவது : அல்லாஹ் , வானங்களையும் பூமியையும் படைப்பதற்கு ஐம்பதாயிரம் ஆண்டுகளுக்கு முன்பே , படைப்பினங்களின் விதிகளை எழுதிவிட்டான் . ( அப்போது ) அவனது அரியணை ( அர்ஷ் ) தண்ணீரின் மேல் இருந்தது .

தாவூஸ் பின் கைசான் ரஹிமஹுல்லாஹ் கூறியதாவது : " ஒவ்வொன்றும் விதியின் படியே `` என்று கூறிவந்த தோழர்களில் சிலரை நான் சந்தித்திருக்கிறேன் . அப்துல்லாஹ் பின் உமர் ரளியல்லாஹு அன்ஹு , “ ஒவ்வொரு பொருளும் விதியின் படியே . " இயலாமை , புத்திசாலித்தனம் ஆகியவை உள்பட ` அல்லது " புத்திசாலித்தனம் , இயலாமை ஆகியவை உள்பட `` என்று அல்லாஹ்வின் தூதர் ஸல்லல்லாஹு அலைஹி வஸல்லம் சொன்னார்கள் எனக் கூறியதைக் கேட்டுள்ளேன் .

அபூகிஸாமா ரளியல்லாஹு அன்ஹு தம் தந்தையிடமிருந்து அறிவித்துள்ளதாவது : “ அல்லாஹ்வின் தூதரே ! நாங்கள் சிகிச்சைக்காக ஓதிப்பார்க்கின்ற மந்திரங்களும் , நாங்கள் சிகிச்சை பெறுகின்ற மருந்துகளும் , நாங்கள் எங்களைத் தற்காத்துக்கொள்கின்ற தற்காப்புகளும் அல்லாஹ்வுடைய விதியிலிருந்து எதையும் மாற்றிவிடுமா ?” என்று நான் கேட்டேன் . அதற்கவர்கள் , “ அவையும் அல்லாஹ்வுடைய விதிகளுள் உள்ளவையே ” என்று விடையளித்தார்கள் .

அனஸ் ரளியல்லாஹு அன்ஹு அறிவிப்பதாவது : நான் நபி ஸல்லல்லாஹு அலைஹி வஸல்லம் அவர்களுக்குப் பத்தாண்டுகள் பணிவிடை செய்தேன் . தயார்நிலையில் இல்லாத ஏதேனும் தேவைக்காக என்னை அனுப்பினால் , “ முடிவு செய்யப்பட்டிருந்தால் அது ( அவ்வாறே ) ஆகியிருக்கும் ; அல்லது நிர்ணயிக்கப்பட்டிருந்தால் அது ( அவ்வாறே ) ஆகியிருக்கும் ” என்று கூறாமல் அனுப்பியதில்லை .

ஹகீம் பின் ஹிஸாம் ரளியல்லாஹு அன்ஹு அறிவிப்பதாவது : “ அல்லாஹ்வின் தூதரே ! நாங்கள் சிகிச்சைக்காக ஓதிப்பார்க்கின்ற மந்திரங்களும் , நாங்கள் சிகிச்சை பெறுகின்ற மருந்துகளும் அல்லாஹ்வுடைய விதியிலிருந்து எதையும் மாற்றிவிடுமா ?” என்று நான் கேட்டேன் . அதற்கவர்கள் , “ அவையும் அல்லாஹ்வுடைய விதிகளுள் உள்ளவையே ” என்று விடையளித்தார்கள் .

அப்துல்லாஹ் பின் அம்ர் பின் அல்ஆஸ் ரளியல்லாஹு அன்ஹு கூறியதாவது : அல்லாஹ்வின் தூதர் ஸல்லல்லாஹு அலைஹி வஸல்லம் , “ ஆதமின் மக்களின் ( மனிதர்களின் ) உள்ளங்கள் அனைத்தும் அளவற்ற அருளாளனின் இரு விரல்களுக்கிடையே ஒரேயோர் உள்ளத்தைப் போன்று உள்ளன . அதைத் தான் நாடிய முறையில் அவன் மாற்றுகிறான் `` என்று கூறிவிட்டு , “ இறைவா ! உள்ளங்களைத் திருப்புகின்றவனே ! எங்கள் உள்ளங்களை உனக்குக் கீழ்ப்படிவதற்குத் திருப்புவாயாக !`` என்று பிரார்த்தனை செய்தார்கள் .

அனஸ் பின் மாலிக் ரளியல்லாஹு அன்ஹு அறிவித்துள்ளதாவது : உள்ளங்களைத் திருப்புகின்றவனே ! என் உள்ளத்தை உனது மார்க்கத்தில் நிலைத்திருக்கச் செய்வாயாக என்று அல்லாஹ்வின் தூதர் ஸல்லல்லாஹு அலைஹி வஸல்லம் அதிகமாகக் கூறுபவர்களாக இருந்தார்கள் . “ அல்லாஹ்வின் தூதரே ! நாங்கள் உங்களையும் நீங்கள் கொண்டுவந்ததையும் ( உண்மையென ) நம்பிக்கை கொண்டிருக்கிறோம் . ( இந்நிலையிலும் ) நீங்கள் எங்களின் நிலையைக் கண்டு அஞ்சுகின்றீர்களா ?” என்று வினவினேன் . அதற்கவர்கள் , “ ஆம் ! திண்ணமாக ( மனித ) உள்ளங்கள் அல்லாஹ்வின் விரல்களுள் இரண்டு விரல்களுக்கிடையே உள்ளன . அவன் ( நாடியவாறு ) அவற்றைப் புரட்டுகின்றான் ” என்று விடையளித்தார்கள் .

இப்னு அப்பாஸ் ரளியல்லாஹு அன்ஹு அறிவித்துள்ளதாவது : விபச்சாரத்தில் மனிதனுக்குள்ள பங்கை இறைவன் எழுதியுள்ளான் . அதை மனிதன் அடைந்தே தீருவான் . ( மர்ம உறுப்பின் விபச்சாரம் மட்டுமல்ல ; கண்ணும் நாவும்கூட விபச்சாரம் செய்கின்றன .) கண் செய்யும் விபச்சாரம் ( தவறான ) பார்வையாகும் . நாவு செய்யும் விபச்சாரம் ( பாலுணர்வைத் தூண்டும் ) பேச்சாகும் . மனம் ஏங்குகிறது ; இச்சை கொள்கிறது . மர்ம உறுப்பு இவை அனைத்தையும் உண்மையாக்குகிறது . அல்லது பொய்யாக்குகிறது .

நபி ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : ( இறைத்தூதர்களான ) ஆதம் அலைஹிஸ்ஸலாம் அவர்களும் மூஸா அலைஹிஸ்ஸலாம் அவர்களும் தர்க்கம் செய்தார்கள் . ஆதம் அலைஹிஸ்ஸலாம் அவர்களிடம் மூஸா அலைஹிஸ்ஸலாம் “ ஆதம் அவர்களே ! எங்கள் தந்தையான நீங்கள் ( உங்கள் பாவத்தின் காரணத்தால் ) எங்களை இழப்புக்குள்ளாக்கி விட்டீர்கள் ; சொர்க்கத்திலிருந்து எங்களை வெளியேற்றி விட்டீர்கள் `` என்று சொன்னார்கள் . அதற்கு ஆதம் அலைஹிஸ்ஸலாம் , “ மூஸாவே ! அல்லாஹ் தன்னுடன் உரையாடுவதற்கு உம்மையே தேர்ந்தெடுத்தான் ; அவன் தன் கரத்தால் ( வல்லமையால் ) உமக்காக ( தவ்ராத் எனும் வேதத்தை ) வரைந்தான் . ( இத்தகைய ) நீங்கள் , அல்லாஹ் என்னைப் படைப்பதற்கு நாற்பது ஆண்டுகளுக்கு முன்பே என்மீது அவன் விதித்துவிட்ட ஒரு விஷயத்திற்காக என்னைப் பழிக்கின்றீர்களா ?`` என்று கேட்டார்கள் . ( இந்த பதில் மூலம் ) மூஸா அலைஹிஸ்ஸலாம் அவர்களை ஆதம் அலைஹிஸ்ஸலாம் தோற்கடித்து விட்டார்கள் ; தோற்கடித்து விட்டார்கள் என மூன்று முறை நபி ஸல்லல்லாஹு அலைஹி வஸல்லம் கூறினார்கள் .

சஹ்ல் பின் சஅத் அஸ்ஸாஇதீ ரளியல்லாஹு அன்ஹு கூறியதாவது : நபி ஸல்லல்லாஹு அலைஹி வஸல்லம் அவர்களும் இணை வைப்போரும் ( கைபர் போர்க்களத்தில் ) சந்தித்துப் போரிட்டுக் கொண்டனர் . நபியவர்கள் தம் படையின் பக்கம் சென்றுவிட மற்றவர்களும் தம் படையின் பக்கம் சென்றுவிட்டனர் . அப்போது நபி ஸல்லல்லாஹு அலைஹி வஸல்லம் அவர்களின் தோழர்களுக்கிடையே ஒருவர் இருந்தார் . அவர் ( எதிரிகளின் ) போரில் கலந்து கொள்ளாமல் ஒதுங்கி நிற்பவர் , படையிலிருந்து விலகிப் போய் தனியே சென்றவர் ( அதாவது எதிர்த்து நிற்பவர் , பணிந்து செல்பவர் என்று ) எவரையும் நபித்தோழர்களுக்கு விட்டு வைக்காமல் அனைவரையும் தம் வாளால் வெட்டியபடி துரத்திச் சென்று ( மூர்க்கமாகப் போரிட்டுக் ) கொண்டிருந்தார் . ( அவரது துணிச்சலான போரைக் கண்ட ) நபித் தோழர்கள் , “ இந்த மனிதர் போரிட்டதைப் போல் இன்று நம்மில் வேறெவரும் தேவை தீரப் போரிடவில்லை `` என்று ( வியந்து ) கூறினார்கள் . இதைக் கேட்ட நபி ஸல்லல்லாஹு அலைஹி வஸல்லம் , “ அவரோ நரகவாசியாவார் `` என்று கூறினார்கள் . அப்போது கூட்டத்திலிருந்து ஒரு மனிதர் , “ நான் அவருடன் இருக்கிறேன் ( அவர் என்ன செய்கிறார் என்று பார்ப்பதற்கு )`` என்று சொல்லிவிட்டு அந்த மனிதருடன் புறப்பட்டார் . அவர் நின்ற போதெல்லாம் இவரும் நின்றார் . அவர் விரைந்தால் இவரும் விரைந்தார் . ( ஒரு கட்டத்தில் ) அவர் கடுமையாகக் காயப்படுத்தப்பட்டார் . அதனால் சீக்கிரமாக மரணித்துவிட விரும்பி , தம் வாளின் ( கைப்பிடியுள்ள ) முனையை பூமியில் ஊன்றி , அதன் கூரான முனையைத் தன் இரு மார்புகளுக்கு இடையே வைத்து , அந்த வாளின்மீது தம் உடலை அழுத்திக்கொண்டு தற்கொலை செய்துகொண்டார் . ( இதை உடனிருந்து கண்காணித்துவிட்டு ) அந்த மனிதர் அல்லாஹ்வின் தூதரிடம் சென்று , “ தாங்கள் அல்லாஹ்வின் தூதர்தாம் என்பதற்கு நான் சாட்சியம் அளிக்கிறேன் `` என்று சொன்னார் . நபி ஸல்லல்லாஹு அலைஹி வஸல்லம் , " என்ன விஷயம் ?`` என்று கேட்டார்கள் . அவர் , “ சற்று முன்பு தாங்கள் ஒருவரைப் பற்றி " அவர் நரகவாசி ` என்று கூறினீர்கள் அல்லவா ? அதைக் கண்டு மக்கள் வியப்படைந்தனர் . நான் ( மக்களிடம் ), “ உங்களுக்காக ( அவரது நிலைகளை அறிந்து வர ) நான் அவருடன் போய் வருகிறேன் `` என்று கூறிவிட்டு , அவரைத் தேடிப் புறப்பட்டேன் . அவர் கடுமையாகக் காயப்படுத்தப்பட்டார் . உடனே , அவர் சீக்கிரமாக மரணமடைய விரும்பி , வாளின் பிடிமுனையை பூமியில் நட்டு , அதன் கூர்முனையைத் தம் இரு மார்புகளுக்கிடையே வைத்து , அதன்மீது தம்மை அழுத்திக்கொண்டு தற்கொலை செய்து கொண்டார் `` என்று கூறினார் . அப்போது அல்லாஹ்வின் தூதர் ஸல்லல்லாஹு அலைஹி வஸல்லம் , “ மக்களின் வெளிப் பார்வைக்கு ஒரு மனிதர் சொர்க்கத்திற்குரிய ( நற் ) செயலைச் செய்து வருவார் . ஆனால் , அவர் ( உண்மையில் ) நரகவாசியாக இருப்பார் . மக்களின் வெளிப்பார்வைக்கு ஒரு மனிதர் நரகத்திற்குரிய செயலைச் செய்து வருவார் . ஆனால் , ( உண்மையில் ) அவர் சொர்க்கவாசியாக இருப்பார் `` என்று சொன்னார்கள் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அபூஹுரைரா ரளியல்லாஹு அன்ஹு அறிவிப்பதாவது : ஒரு மனிதர் நீண்ட காலம் சொக்கவாசிகளின் ( நற் ) செயலைச் செய்து கொண்டே வருவார் . பிறகு அவரது செயல் நரகவாசிகளின் செயலாக முடிக்கப்படும் . ஒரு மனிதர் நீண்ட காலம் நரகவாசிகளின் ( தீய ) செயலைச் செய்துகொண்டே வருவார் . பிறகு அவரது செயல் சொர்க்கவாசிகளின் செயலாக முடிக்கப்படும் .

நபி ஸல்லல்லாஹு அலைஹி வஸல்லம் கூறியதாக அனஸ் ரளியல்லாஹு அன்ஹு அறிவிப்பதாவது : ஒரு மனிதர் தமது வாழ்நாளின் ஒரு குறிப்பிட்ட காலத்திற்கு நல்லறங்கள் செய்வார் . அவர் இறந்துவிட்டால் சொர்க்கத்தில் நுழைவார் எனுமளவிற்கு ( நல்லறங்கள் செய்வார் ). மேலும் அவரது மரணத்திற்குமுன் அவர் மாற்றப்பட்டால் , அவர் நரகவாசிகளின் செயல்களைச் செய்து , ( அந்நிலையிலேயே ) அவர் இறந்து விடுவார் ; பின்னர் அவர் நரகத்தில் நுழைவார் , ஒருவர் தமது வாழ்நாளின் ஒரு குறிப்பிட்ட காலத்திற்குச் செயல்படுவார் . அவர் இறந்துவிட்டால் நரகத்தில் நுழைவார் எனுமளவிற்கு ( செயல்படுவார் ). மேலும் அவரது மரணத்திற்கு முன் அவர் மாற்றப்பட்டால் , அவர் சொர்க்கவாசிகளின் செயல்களைச் செய்து , ( அந்நிலையிலேயே ) இறந்துவிடுவார் ; பின்னர் அவர் சொர்க்கத்தில் நுழைவார் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக மத்தர் பின் உகாமிஸ் ரளியல்லாஹு அன்ஹு அறிவிப்பதாவது : ஒரு மனிதன் ஒரு குறிப்பிட்ட நிலத்தில் இறந்துபோக வேண்டுமென அல்லாஹ் தீர்மானித்திருந்தால் , அம்மனிதனுக்கு அந்த இடத்தை நோக்கி ஏதேனும் ஒரு தேவையை அவன் ஆக்குவான் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக சஅத் பின் அபீவக்காஸ் ரளியல்லாஹு அன்ஹு அறிவிப்பதாவது : ஆதமின் மகன் ( மனிதன் ) தனக்காக அல்லாஹ் விதியில் எழுதியதை மனநிறைவோடு ஏற்றுக்கொள்வதானது அவனது நற்பேற்றில் அடங்கும் . நல்லதைத் தனக்காகத் தேர்வு செய்யுமாறு அல்லாஹ்விடம் கோராமலிருப்பது ஆதமின் மகனுடைய துர்ப்பேற்றில் அடங்கும் . மேலும் தனக்காக அல்லாஹ் விதியில் எழுதியதை வெறுப்பதும் ஆதமின் மகனுடைய துர்ப்பேற்றில் அடங்கும் .

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக சல்மான் அல்ஃபாரிஸீ ரளியல்லாஹு அன்ஹு அறிவிப்பதாவது : தலைவிதியைப் பிரார்த்தனை தவிர வேறு எதுவும் மாற்றிவிடாது . நல்லறம் தவிர வேறு எதுவும் ஆ ‎ யுளை அதிகமாக்கிவிடாது .

இப்னு அப்பாஸ் ரளியல்லாஹு அன்ஹு கூறியதாவது : விதியிலிருந்து எச்சரிக்கையாக இருப்பது எந்தப் பயனுமளிக்காது . எனினும் அல்லாஹ் ( நாம் செய்யும் ) பிரார்த்தனை மூலம் அவன் நாடிய விதியை அழிப்பான் .

நபி ஸல்லல்லாஹு அலைஹி வஸல்லம் கூறியதாக அப்துல்லாஹ் பின் அஷ்ஜிக்கீர் ரளியல்லாஹு அன்ஹு அறிவிப்பதாவது : ஆதமின் மகனுக்கு ( மனிதனுக்கு ) அருகில் தொண்ணூற்றொன்பது மரண ( த்திற்கான காரண ) ங்கள் இருக்கவே அவன் படைக்கப்பட்டுள்ளான் . அந்த மரண ( த்திற்கான காரண ) ங்கள் அவனைவிட்டுத் தவறிவிட்டாலும் அவன் தள்ளாமையில் விழவே செய்கிறான் . இறுதியில் இறந்து போகிறான் .

அபூஹுரைரா ரளியல்லாஹு அன்ஹு அறிவிப்பதாவது : ( ஒரு நாள் ) எங்களிடையே அல்லாஹ்வின் தூதர் ஸல்லல்லாஹு அலைஹி வஸல்லம் புறப்பட்டு வந்தார்கள் அப்போது நாங்கள் ‘ தலைவிதி ` குறித்து விவாதம் செய்து கொண்டிருந்தோம் . அதைப் பார்த்து அல்லாஹ்வின் தூதர் ஸல்லல்லாஹு அலைஹி வஸல்லம் கோபப்பட்டார்கள் . எந்த அளவுக்கென்றால் , அவர்களின் கன்னங்களில் மாதுளையைப் பிளந்து வைத்ததைப் போன்று அவர்களின் முகம் ( கடுமையாகச் ) சிவந்துவிட்டது . அப்போது அவர்கள் , “ இ( வ்வாறு விதி குறித்து விவாதிப்ப ) தற்குத்தான் உங்களுக்கு உத்தரவிடப்பட்டுள்ளதா ? அல்லது இதற்காகத்தான் உங்களுக்கு நான் தூதராக அனுப்பப்பட்டுள்ளேனா ? உங்களுக்கு முன்னிருந்தோர் அழிந்ததெல்லாம் இவ்விஷயத்தில் சண்டையிட்டுக்கொண்டபோதுதான் . இது தொடர்பாக நீங்கள் விவாதம் செய்ய வேண்டாமென உங்களுக்கு நான் உறுதியாகச் சொல்லிக் கொள்கிறேன் ” என்றார்கள் .

அப்துல்லாஹ் பின் அம்ர் பின் அல்ஆஸ் ரளியல்லாஹு அன்ஹு கூறியதாவது : ( ஒரு நாள் ) அல்லாஹ்வின் தூதர் ஸல்லல்லாஹு அலைஹி வஸல்லம் தம் தோழர்களிடம் புறப்பட்டு வந்தார்கள் . அப்போது தோழர்கள் விதி தொடர்பாக விவாதித்துக் கொண்டிருந்தனர் . இதைக் கண்டவுடன் மாதுளம் பழத்தின் வித்துகளைப் பிளந்து ( அல்லது பிழிந்து ) வைத்ததைப் போன்று கோபத்தால் அவர்களது முகம் நிறமாறிவிட்டது . அப்போது அவர்கள் , இதற்காகத்தான் நீங்கள் பணிக்கப்பட்டுள்ளீர்களா ? அல்லது படைக்கப்பட்டுள்ளீர்களா ? நீங்கள் குர்ஆன் வசனங்களில் ஒன்றை மற்றொன்டோடு மோதவிடுகிறீர்களா ? இதன் காரணமாகவே உங்களுக்கு முந்தைய சமுதாயங்கள் அழிக்கப்பட்டனர் `` என்று கூறினார்கள் . நான் அல்லாஹ்வின் தூதர் ஸல்லல்லாஹு அலைஹி வஸல்லம் அவர்களின் ஓர் அவையில் கலந்து கொள்ளாமல் இருந்திருந்தால் நன்றாக இருந்திருக்குமே என எண்ணியதில்லை . ஆனால் , இந்த அவையில் கலந்து கொள்ளாமல் இருந்திருந்தால் நன்றாக இருந்திருக்கும் என நான் எண்ணினேன் ( அந்த அளவுக்கு அந்த அவையில் அல்லாஹ்வின் தூதர் ஸல்லல்லாஹு அலைஹி வஸல்லம் கோபப்பட்டார்கள் .)

அல்லாஹ்வின் தூதர் ஸல்லல்லாஹு அலைஹி வஸல்லம் கூறியதாக அப்துல்லாஹ் பின் அப்பாஸ் ரளியல்லாஹு அன்ஹு சொற்பொழிவு மேடை ( மிம்பர் ) மீதிருந்து கூறியதாவது : இந்தச் சமுதாயத்தின் விஷயம் ( இணைவைப்பாளர்களின் ) குழந்தைகள் குறித்தும் தலைவிதி குறித்தும் மக்கள் பேசாத வரை சீராக இருந்துகொண்டே இருக்கும் .

நபி ஸல்லல்லாஹு அலைஹி வஸல்லம் கூறியதாக இப்னு உமர் ரளியல்லாஹு அன்ஹு கூறியதாவது : கதரிய்யா இந்தச் சமுதாயத்தின் நெருப்பு வணங்கிகள் ஆவர் . அவர்கள் ( யாரேனும் ) நோயுற்றால் நலம் விசாரிக்கச் செல்லாதீர்கள் . அவர்கள் ( யாரேனும் ) மரணித்தால் அதில் நீங்கள் கலந்து கொள்ளாதீர்கள் .

நாஃபிஉ ரஹிமஹுல்லாஹ் கூறியதாவது : இப்னு உமர் ரளியல்லாஹு அன்ஹு அவர்களுக்கு சிரியா நாட்டில் நண்பர் ஒருவர் இருந்தார் . அவர் இப்னு உமர் அவர்களோடு கடிதத் தொடர்பு கொண்டிருந்தார் . எனவே அப்துல்லாஹ் இப்னு உமர் ரளியல்லாஹு அன்ஹு அவருக்குக் கடிதம் எழுதினார்கள் : நீர் தலைவிதியைக் குறித்து ஏதோ பேசியதாக எனக்குத் தகவல் கிடைத்தது . ( இனி ) நீர் எனக்குக் கடிதம் எழுதுவதை எச்சரிக்கிறேன் . நிச்சயமாக நான் , “ அல்லாஹ்வின் தூதர் ஸல்லல்லாஹு அலைஹி வஸல்லம் கூறியதைச் செவியுற்றுள்ளேன் : திண்ணமாக என் சமுதாயத்தில் விதியைப் பொய்யெனக் கூறுகின்ற மக்கள் தோன்றுவார்கள் .”

தாவூஸ் ரஹிமஹுல்லாஹ் கூறியதாவது : நான் இப்னு அப்பாஸ் ரளியல்லாஹு அன்ஹு அவர்களிடம் இருந்தேன் . எங்களோடு கதரிய்யா கொள்கையைச் சார்ந்த ஒருவர் இருந்தார் . அப்போது நான் , “ விதி என ஏதும் இல்லை ” என்று மக்கள் ( சிலர் ) கூறுகின்றனர் ” என்றேன் . “ மக்களுள் அப்படி யாரேனும் இருக்கின்றாரா ( உமக்குத் தெரியுமா )?” என்று கேட்டார்கள் . அதற்கு நான் , “ அவ்வாறு இருந்தால் , அவரைத் தாங்கள் என்ன செய்வீர்கள் ?” என்று கேட்டேன் . அதற்கு அவர்கள் , அம்மக்களுள் யாரேனும் இரு ( ப்பது தெரி ) ந்தால் அவரின் தலை ( முடி ) யைப் பிடித்து , பிறகு இன்னின்ன இறைவசனங்களை ஓதிக்காட்டுவேன் : நாம் அந்த வேதத்தில் இஸ்ரவேலர்களிடம் , “ நிச்சயமாக நீங்கள் இந்தப் பூமியில் இரண்டு முறை குழப்பம் விளைவிப்பீர்கள் ; மேலும் நிச்சயமாக நீங்கள் பெரிய அளவில் அட்டூழியம் செய்வீர்கள் ” என்று அறிவித்திருந்தோம் . (17: 4)